[1] عئسا اورادان چیخیب، اؤز وطنئنه گلدی. شاگئردلری ده اونون دالینجا گتدئلر.
[2] سبّت گونو یتئشنده کنئسه‌ده تعلئم ورمه‌یه باشلادی و اشئدنلردن چوخلاری حیرتده قالیب دیئردئلر: «بو آداما بو شیلر هارادان ورئلئب؟! بونا ورئلن بو حئکمت نه‌دئر؟! نجه بله مؤجوزه‌لر ادئر؟!
[3] مگر بو آدام او دولگر دیئل، مریم اوغلو یعقوب، یوسا، یهودا، و شمعونون قارداشی؟! مگر اونون باجیلاری بورادا آرامیزدا دیئل‌لر؟!» و اوندان ائنجئدئلر.
[4] عئسا اونلارا ددی: «هچ پیغمبر هچ یرده حؤرمتسئز دیئل، مگر اؤز وطنئنده، قوحوملاری آراسیندا و اؤز اِوئنده.»
[5] و اورادا هچ بئر مؤجوزه اِده بئلمه‌دی، آنجاق بئر نچه ناخوش آدامین اوستونه اَللرئنی قویوب اونلارا شفا وردی.
[6] و او آداملارین ائمانسیزلیغینا تعجّوب ادئردی و اطرافداکی کندلری گزئب، اونلاردا تعلئم ورئردی.
[7] عئسا اون‌ائکی شاگئردی یانینا چاغیریب، اونلاری جوت-جوت گؤندَ‌رمه‌یه باشلادی. و اونلارا ناپاک روحلاری قووماغا ائقتئدار وردی.
[8] عئسا اونلارا امر اتدی کی، یول اوچون اؤزلری ائله اَل‌آغاجیندان باشقا هچ بئر شی گؤتورمه‌سئنلر؛ نه چؤرک، نه توربا، نه ده کمرلرئنده پول.
[9] اونلارا چاریق گیمکلرئنی ددی، هم ده «بئر کؤینکدن آرتیق گیمه‌یئن.»
[10] عئسا اونلارا ددی: «هر یرده، هانسی اِوه گئرئرسئنئز، اورادان چیخانا کئمی اورادا قالین.
[11] هر یرده سئزی قبول اتمه‌دئلر و یا سئزه قولاق آسمادیلار، اورادان چیخاندا آیاقلارینیزین آلتینداکی توزو سئلکئن کی، اونلار اوچون شهادت اولسون.»
[12] اونلار گدئب آداملار آراسیندا اونلارین تؤوبه اتمکلرئنی وعظ اتدئلر.
[13] چوخ ناپاک روحلاری آداملاردان قوودولار و ناخوش چوخ آداملاری یاغلا مسح ادئب، اونلارا شفا وردئلر.
[14] هئرود پادشاه دا بو باره‌ده اشئتدی، چونکی عئسانین آدی مشهور اولموشدو. بعضئلر دیئردئلر: «بو آدام تعمئد ورن یحیادیر کی اؤلولردن دئرئلئب. بونا گؤره ده، اوندان بله مؤجوزه‌لی قودرتلر گؤرولور.»
[15] بعضئلری ده دیئردئلر: «او ائلیادیر.» لاکئن آیری آداملار دیئردئلر: «قدئم پیغمبرلردن بئری کئمی بئر پیغمبردئر.»
[16] آمّا هئرود بونو اشئدن زامان ددی: «بو، باشینی کسدئردئیئم یحیادیر کی، اؤلولردن دئرئلئب.»
[17] چونکی هئرود اؤزو یحیانین توتولماسینا امر ادئب، اونو زئندانا سالمیشدی. بو ائشی قارداشی فئلئپئن آروادی هئرودئیاسدان اؤتری اِتمئشدی. چونکی هئرود اونونلا اِولنمئشدی
[18] و یحیا اونا دیئردی: «قارداشین آروادی ائله اِولنمک سنئن اوچون جائز دیئل.»
[19] هئرودئیاس یحیایا کئن باغلاییب اونو اؤلدورمک ائسته‌یئردی، لاکئن بونو اِده بئلمئردی.
[20] چونکی هئرود یحیادان قورخوردو و اونون صالح و موقدّس بئر آدام اولدوغونو بئلئردی و اونو قورویوردو. هئرود یحیانین سؤزونو اشئدن زامان پرئشان اولوردو، آمّا گئنه ده اونون سؤزلرئنه شادلیقلا قولاق آسیردی.
[21] موناسئب گون یتئشدی. هئرود، اؤزونون دوغوم گونو اوچون، اعیانلارینا، مئن باشیلارینا، و جلئلئن آدلی-سانلی آداملارینا ضئیافت ورئردی.
[22] هئرودئیاسین قیزی ائچه‌ری گئرئب اوینادی و بو، هئرود و اونون قوناقلارینین خوشونا گلدی. هئرود قیزا ددی: «مندن نه ائستیه‌سن، سنه وره‌جیم.»
[23] و آند ائچئب قیزا ددی: «مندن نه ائستیه‌سن، سنه وره‌جه‌یم، حتّا پادشاهلیغیمین یاریسینی دا بله.»
[24] قیز دا گدئب آناسیندان سوروشدو: «نه ائسته‌یئم؟» و آناسی اونا ددی: «تعمئد ورن یحیانین باشینی.»
[25] قیز او آندا تله‌سئک پادشاهین یانینا گدئب، اونا ددی: «ائسته‌یئرم تعمئد ورن یحیانین باشینی بئر سئنی ائچئنده بو ساعات منه وره‌سن.»
[26] پادشاه چوخ پرت اولدو، لاکئن آند ائچدئیی اوچون، و اورادا اوتوران قوناقلار اوچون ائستمه‌دی کی، قیزین ائسته‌دئیئنی ردّ اتسئن.
[27] پادشاه آنَن جلّاد گؤندَ‌رئب امر اتدی کی، یحیانین باشینی گتئرسئنلر. و جلّاد دا گدئب زئنداندا یحیانین باشینی کسدی.
[28] و اونو بئر سئنی ائچئنه قویوب گتئردی و قیزا وردی. قیز دا یحیانین باشینی آناسینا وردی.
[29] یحیانین شاگئردلری بونو اشئدنده، گلئب اونون جسدئنی آلدیلار و قبئره قویدولار.
[30] حوارئلر عئسانین یانینا ییغیلیب، اتدئکلری و اؤیرتدئکلری هر شیی اونا نقل اتدئلر.
[31] عئسا اونلارا ددی: «گلئن تک-باشیمیزا ساکئت بئر یره گدک و بئر آز دئنجه‌لئن.» چونکی گلئب-گدن او قدر چوخ ائدی کی، یمک یمه‌یه بله مجاللاری یوخ ائدی.
[32] اونلار تک-باشلارینا قاییقلا ساکئت بئر یره گتدئلر.
[33] اونلارین گتدئکلرئنی گؤرن چوخ آدام اونلاری تانیدیلار و بوتون شهرلردن پئیادا اورایا قاچیب، اونلاردان قاباق اورایا چاتدیلار و اونلارین یانینا گلدئلر.
[34] قاییقدان اِنَن واخت، عئسا بؤیوک بئر جاماعات گؤردو و اونلارا یازیغی گلدی. چوبانسیز بئر قویون سوروسو کئمی ائدئلر. عئسا اونلارا چوخ شیلری تعلئم ورمه‌یه باشلادی.
[35] گوندن چوخ کچمئش اولدوغو اوچون، شاگئردلری عئسانین یانینا گلئب ددئلر: «بورا چؤللوکدور، واخت دا گج.
[36] بونلاری مورخّص ات کی، یاخینداکی کندلره و قصبه‌لره گدئب، اؤزلری اوچون یمک آلسینلار.»
[37] آمّا عئسا اونلارا جاواب ورئب ددی: «اونلارا سئز یمک ورئن.» شاگئردلر اونا ددئلر: «آیا گدئب ائکی‌یوز دئنارلیق چؤرک آلیب، یمک اوچون اونلارا ورک؟!»
[38] عئسا اونلارا ددی: «گدئن گؤرون نچه چؤره‌یئنئز وار؟» اونلار گدئب باخدیلار و اونا ددئلر: «بش چؤرک، ائکی بالیق.»
[39] عئسا اونلارا بویوردو کی، آداملارین هامیسینی دسته-دسته یاشیل اوتلار اوستونده اوتورتسونلار.
[40] شاگئردلر آداملارین هامیسینی دسته-دسته، یوز-یوز، الّی-الّی، اوتورتدولار.
[41] عئسا بش چؤرک و ائکی بالیغی گؤتوروب، گؤیه باخدی و برکت ورئب چؤرکلری بؤلدو و شاگئردلرئنه وردی کی، آداملارین قاباغینا قویسونلار. ائکی بالیغی دا اونلارین هامیسینین آراسیندا پایلادی.
[42] اونلارین هامیسی ییئب دویدولار.
[43] شاگئردلر چؤرک و بالیقدان آرتیق قالان تئکه‌لردن اون‌ائکی سبد دولدوردولار.
[44] او چؤرکلردن یئین آداملارین ساییسی بش‌مئن کئشی اولاردی.
[45] عئسا آنَن شاگئردلرئنی قاییغا مئندئردی کی، اوندان قاباق دهنزئن او تایینا، بیت‌صیدایا گتسئنلر و او اؤزو جاماعاتی مورخّص ادئردی.
[46] اونلاری یولا سالاندان سونرا دوعا اتمک اوچون داغا چیخدی.
[47] آخشام اولاندا قاییق دهنزئن اورتاسیندا ائدی و او، تک-باشینا، قورولوقدا.
[48] عئسا شاگئردلرئن زحمتله آوار چکدئکلرئنی گؤردو، چونکی کولک اونلارین اوزونه ائدی. گجه‌نئن دؤردونجو نؤوبه‌لرئنه یاخین عئسا دهنزئن اوستونده یرئیه-یرئیه اونلارین یانینا گلدی و یانلاریندان کچمک ائسته‌دی.
[49] آمّا شاگئردلر اونون دهنز اوستونده یرئمه‌سئنی گؤرنده، اونو بئر روح گومان ادئب باغیردیلار.
[50] چونکی اونلارین هامیسی اونو گؤروب، دهشته دوشموشدولر. عئسا آنَن اونلارلا دانیشیب، ددی: «اوره‌یئنئز اوزولمه‌سئن، منم. قورخمایین.»
[51] و قاییغا، اونلارین یانینا چیخدی. و یل یاتدی. اونلار ائچلرئنده چوخ تعجّوب اتدئلر،
[52] چونکی چؤرکلرئن مؤجوزه‌سئنی آنلامامیشدیلار. اونلارین ذهئنلری کور اولموشدو.
[53] اونلار دهنزئن او تایینا کچئب، جِنئسارِته گلدئلر و اورادا لنگر سالدیلار.
[54] قاییقدان چیخاندا خالق آنَن اونو تانیدی.
[55] اونون هارادا اولدوغونو اشئدنلر. او وئلایتئن بوتون یرلرئندن قاچیب، ناخوشلاری یورغان-دؤشکلری ائله داشیدیلار و اونون یانینا گتئرمه‌یه باشلادیلار.
[56] هر یره کی، گئرئردی؛ شهرلره، قصبه‌لره، کندلره، ناخوشلاری میدانلارا قویوردولار. و پالتارینین اَته‌یئنه توخونماق اوچون بله اونا یالواریردیلار و اونا توخونانلارین هامیسی صاغالیردی.