[1] ائسرایئل اؤولادلاری گئنه ده ربّئن گؤزونده پئس ائشلر اتدئلر. اونا گؤره رب ده اونلاری قیرخ ائل فئلئسطلی‌لره تسلئم اتدی.
[2] دان قبئله‌سئندن مانواَخ آدلی صورعالی بئر آدام وار ائدی؛ اونون آروادی سونسوز ائدی و اوشاغی اولموردو.
[3] ربّئن مَله‌یی بو آروادا گؤرونوب ددی: «باخ، ائندی سن سونسوزسان، دوغمورسان، آمّا بویلو اولوب بئر اوغلان دوغاجاقسان.
[4] ائندی دئقّتلی اول کی، شراب، و کِفلَندئرن ائچکئلر ائچمَیه‌سن، دئلئنه ده هچ بئر ناپاک شی دَیمه‌سئن.
[5] اونا گؤره کی، سن بویلو اولوب بئر اوغول دوغاجاقسان. اونون باشینا اولگوج دَیمه‌مه‌لی‌دئر. چونکی اوشاق آنا بطنئندن تارییا نذئره‌دئر او، ائسرایئلی فئلئسطلی‌لرئن اَلئندن قورتارماغا باشلایاجاق.»
[6] آرواد گدئب اَرئنه بله ددی: «منئم یانیما بئر تاری آدامی گلمئشدی. او، تارینین مَله‌یی گؤرونوشونده چوخ زَهملی ائدی. بونا گؤره ده اونون هارادان گلدئیئنی سوروشمادیم. منه آدینی دا بئلدئرمه‌دی.
[7] لاکئن منه ددی: ”باخ، سن بویلو اولوب بئر اوغول دوغاجاقسان. شراب، و آیری کِفلَندئرن ائچکئلر ائچمه. دئلئنه ده هچ بئر ناپاک شی دَیمه‌سئن، چونکی اوشاق آنا بطنئندن، اؤلَن گونونه قدر تارینین نذئره‌سی اولاجاق.“»
[8] مانواَخ ربّه یالواریب ددی: «یارب، یالواریرام، گؤندَ‌ردئیئن تاری آدامی قوی یانیمیزا گئنه گلسئن و دوغولاجاق اوشاق باره‌ده نه اده‌جیئمئزی بئزه اؤیرتسئن.»
[9] تاری مانواَخئن سَسئنی اشئتدی؛ آرواد، چؤلده اوتوراندا، تارینین مَله‌یی گئنه اونون یانینا گلدی. لاکئن آروادین اَری مانواَخ اونون یانیندا دیئلدی.
[10] آرواد جَلد قاچیب اَرئنه خبر وردی: «باخ، کچن گون یانیما گلن او آدام گئنه منه گؤروندو.»
[11] مانواَخ دوروب آروادینین دالیسیجا گتدی. او آدامین یانینا گلئب سوروشدو: «بو آروادلا صؤحبت ادن آدام سنسن؟» او ددی: «منم.»
[12] مانواَخ ددی: «سنئن سؤزلرئن یرئنه یِتئشَنده، اوشاغین حیات طرزی و ائشی نه اولاجاق؟»
[13] ربّئن مَله‌یی مانواَخه ددی: «قوی آروادین اونا تاپشیردیغیم شیلردن اؤزونو قوروسون.
[14] تَنَکدن عمله گلن شیلردن هچ نه یِمه‌سئن. شراب و کِفلَندئرن هچ ائچکی ائچمه‌سئن، دئلئنه ده هچ بئر ناپاک شی دَیمه‌سئن؛ قوی او، اونا امر اتدئیئم هر شیی رئعایت اتسئن.»
[15] مانواَخ ربّئن مَله‌یئنه ددی: «خاهئش ادئرم، بئر آیاق ساخلا، سنئن اوچون بئر کچی بالاسی کسئب یمک حاضیرلایاق.»
[16] ربّئن مَله‌یی مانواَخه ددی: «منی بورادا ساخلایاسان دا، سنئن خوره‌یئندن یِمه‌رم. لاکئن اگر یاندیرما قوربانی حاضیرلاییرسان، اونو ربّه تقدئم ات.» چونکی مانواَخ بئلمئردی کی، بو، ربّئن مَله‌یی‌دئر.
[17] مانواَخ ربّئن مَله‌یئنه ددی: «سنئن آدین نه‌دئر کی، سؤزلرئن یرئنه یِتئشَنده سنی شَرَفلَندئرک؟»
[18] ربّئن مَله‌یی اونا ددی: «نئیه آدیمی سوروشوب اونو اعجازلی گؤرورسن؟»
[19] مانواَخ کچی بالاسی و تاخیل تقدئمئنی گؤتوروب قایا اوستونده ربّه تقدئم اتدی. ملک ده مانواَخله آروادینین گؤزو قاباغیندا عجایئب ائشلر گؤردو.
[20] قوربانگاهین اوستوندن آلوو گؤیه قالخاندا، ربّئن مَله‌یی ده قوربانگاهین آلووو ائچئنده گؤیه قالخدی. مانواَخله آروادی بونو گؤرنده ائکئسی ده اوزو اوسته یره دوشدولر.
[21] ربّئن مَله‌یی بوندان سونرا مانواَخله آروادینا بئر داها گؤرونمه‌دی. مانواَخ او زامان بئلدی کی، او، ربّئن مَله‌یی ائدی.
[22] مانواَخ آروادینا ددی: «بئز حتمن اؤله‌جیئک، چونکی تارینی گؤرموشوک.»
[23] آروادی اونا ددی: «اگر رب ائسته‌سیدی کی، بئزی اؤلدورسون، بئزدن یاندیرما قوربانی و تاخیل تقدئمی قبول اتمَزدی. بو شیلری بئزه گؤرستمَزدی، ائندی اشئتدئکلرئمئزی ده دِمَزدی.»
[24] بله‌جه، آرواد بئر اوغول دوغدو و آدینی شَمشون قویدو؛ اوشاق بؤیودو و رب اونا برکت وردی.
[25] ربّئن روحو مَخَنِداندان، صورعا ائله اِشتااول آراسیندا، اونو قالدیرماغا باشلادی.