[1] بونون اوچون گلئن قورخاق کی، اونون راحاتلیغینا گئرمک وعده باقی ائکن، مبادا سئزلردن هچ بئرئنئز اوندان محروم اولموش گؤرونسون.
[2] چونکی خوش خبر اونلارا وعظ اولوندوغو کئمی، بئزه ده وعظ اولونموشدو؛ آمّا اشئتدئکلری کلامین اونلارا بئر فایداسی اولمادی. چونکی او کلام اونو اشئدنلرده ائمان واسئطه‌سی‌ائله بئرلَشدئرئلمه‌دی.
[3] بونا گؤره کی، بئز ائمان گتئرنلر راحاتلیغا گئردئک، نجه کی، دیئب: قضبئمده آند ائچدئم کی، اونلار من ورن راحاتلیغا گئرمزلر. گرچی اونون ائشلری دونیانین بئناسیندان بری باشا چاتمیشدیر.
[4] چونکی یدّئنجی گون حاقّیندا بئر یرده دیئب: یدّئنجی گونده تاری بوتون ائشلرئندن راحات اولدو.
[5] و گئنه بو یرده: اونلار من ورن راحاتلیغا گئرمزلر.
[6] بله‌جه، نه ائنکی بعضئلرئنئن او راحاتلیغا گئرمه‌سی اوچون ائمکان قالیر و خوش خبری قاباقجا اشئدنلر ائطاعتسئزلئکلری اوزوندن گئره بئلمه‌دئلر،
[7] تاری گئنه، بو قدر زامان کچدئکدن سونرا، بئر گون تعیئن ادئر و داوودون دئلی ائله «بو گون» دیئر، نجه کی، قاباقجادان دیئلئب ده کی: بو گون اگر اونون سسئنی اشئدئرسئنئز، اورَکلرئنئزی برک اتمه‌یئن.
[8] چونکی اگر اونلارا راحاتلیق ورن یوشع اولسایدی، تاری بوندان سونرا آیری بئر گون حاقّیندا دانیشمازدی.
[9] بله‌جه تارینین خالقی اوچون بئر سبّت راحاتلیغی قالیر.
[10] چونکی تاری ورن راحاتلیغا گئرن اؤزو ده، اؤز ائشلرئندن راحاتلادی، نجه کی، تاری اؤز ائشلرئندن اتمئشدی.
[11] بله‌جه گلئن او راحاتلیغا گئرمک اوچون جهد ادک، اِله کی، هچ کس همن ائطاعتسئزلئیئن نومونه‌سئنی گؤتوروب ییخیلماسین.
[12] چونکی تارینین کلامی دئری، فعّال و ائکی‌‌آغیزلی هر قیلینجدان داها ائتی‌دئر و جانی و روحو، هم ده مفصل‌لری و ائلئکلری بئربئرئندن آییرانا قدر کسئر و اوره‌یئن فئکئرلر و نئیّتلرئنی آییرلاماغا قادئردئر.
[13] و هچ بئر مخلوق تارینین نظرئندن گئزلی دیئل، لاکئن هر شی اونون گؤزلری قاباغیندا کی، اونا جاواب ورمه‌لئیئک، لوت و آچیقدیر.
[14] بونا گؤره ائندی کی، گؤیلردن کچمئش بؤیوک بئر باش کاهئنئمئز وار، یعنی تارینین اوغلو عئسا، گلئن اعتئرافیمیزی مؤحکم ساخلایاق.
[15] چونکی اِله بئر باش کاهئنئمئز یوخدور کی، ضعئفلئکلرئمئزده بئزئمله همدرد اولماسین. آمّا هر شیده بئزئم کئمی وسوسه اولونموش، لاکئن گوناهسیز چیخمیش بئری واریمیزدیر.
[16] بله‌جه، گلئن یقئنلئکله فیض تختئنه یاخینلاشاق، اِله کی، مرحمت تاپیب احتئیاج واختیندا بئزه کؤمک ادن فیضه نایئل اولاق.