[1] ائمان اومئد اِدئلن شیلره اعتئماد اتمکدئر، گؤرونمه‌ین شیلر حاقّیندا خاطئرجملئکدئر.
[2] چونکی اونون واسئطهسیائله قدئمکئلر تصدئق اولوندولار.
[3] ائمان واسئطهسیائله بئز درک ادئرئک کی، دونیا تارینین کلامی ائله یاراندی، اِله کی، گؤرونن شیلر، او شیلردن قایریلمادی کی، گؤز قاباغیندادیر.
[4] ائمان واسئطهسیائله هابئل قایِندن داها یاخشی بئر قوربان تارییا تقدئم اتدی کی، اونونلا دا صالح اولدوغونا شهادت ورئلدی. تاری اونون هدئیّه‌لری باره‌ده شهادت ورئر و هابئل، اؤلموش اولدوغو حالدا، ائمان واسئطهسیائله حله ده دانیشیر.
[5] ائمان واسئطهسیائله خنوخ یوخاری آپاریلدی کی، اؤلومو گؤرمه‌سئن و تاپیلا بئلئنمه‌دی، چونکی تاری اونو یوخاری آپاردی. چونکی بو شهادته مالئک اؤلدو کی، یوخاری آپاریلماقدان قاباق تارینی راضی ادئردی.
[6] ائمان اولماسا، تارینی راضی اتمک قیری‌‌مومکوندور، چونکی تارییا یاخینلاشان گرک ائنانسین کی، او واردیر و اونو آختارانلارا پاداش وره‌جک.
[7] ائمان واسئطهسیائله نوح، حله گؤزه گؤرونمه‌ین شیلر حاقّیندا خبردار اولونوب، تارییا اولان حؤرمتده اؤز عایئله‌سئنئن نئجاتی اوچون گمی حاضیرلادی و بونونلا دا دونیانی محکوم اتدی و ائمانا گؤره اولان صالحلئیی مئراث آلدی.
[8] ائمان واسئطهسیائله ائبراهئم، چاغیریلدیغی زامان، ائطاعتئنی گؤرسه‌دئب، مئراث آلاجاغی یره گتدی. او، هارایا گتدئیئنی بئلمه‌یه‌رک یولا دوشدو.
[9] ائمان واسئطهسیائله او، وعده ورئلمئش اؤلکه‌ده قرئب بئر آدام کئمی یاشادی و همن وعده‌نئن هموارئثلری اولان ائسحاق و یعقوبلا چادیرلاردا ساکئن اولدو.
[10] چونکی ائبراهئم او شهری آختاریردی کی، بونؤوره‌لری وار و معمار و بنّاسی تاری‌دیر.
[11] سونسوز سارا دا ائمان واسئطهسیائله، یاشی کچمئش اولدوغو حالدا، بویلو اولماق قابئلئیّتئنی آلدی، چونکی وعده وره‌نی وفالی سایدی.
[12] بونا گؤره ده بئر کئشئدن، اوسته‌لئک اؤلودن فرقی اولمایان بئرئندن، ساییجا گؤیون اولدوزلاری قدر، دهنزئن قیراغینداکی قوملار قدر ساییسیز-حسابسیز نسئل گتئردی.
[13] بونلارین هامیسی وعده‌لری آلمامیش، ائماندا اؤلدولر، لاکئن اونلاری اوزاقدان گؤروب خوشلوقلا قبول اتدئلر و ائقرار اتدئلر کی، یر اوزونده یاد و قرئبدئرلر.
[14] چونکی بله شیلری دئینلر بونو گؤرسدئرلر کی، اؤزلری اوچون بئر وطن آختاریرلار.
[15] و دوغرودان دا اگر اورادان چیخدیقلاری وطنئن فئکئری باشلاریندا اولسایدی، اورایا قاییتماغا فورصتلری اولاردی.
[16] لاکئن نجه کی، دئر، اونلار یاخشی بئر وطنی، گؤیده اولان بئرئنی آرزولاییرلار. اونا گؤره ده تاری اوتانمیر کی، اونلارین تاریسی چاغیریلسین، چونکی اونلار اوچون بئر شهر حاضیرلاییب.
[17] ائمان واسئطهسیائله ائبراهئم، ائمتاحانا چکئلنده، ائسحاقی قوربان تقدئم اتدی؛ وعده‌لره صاحئب اولان آدام بئرجه اوغلونو قوربان ادئردی.
[18] حال بو کی، اونا دیئلمئشدی: «سنئن نسلئن ائسحاقدان آدلاناجاق.»
[19] او بله دوشوندو کی، تاری حتّا اؤلولردن دئرئلتمه‌یه قادئردئر. بونا گؤره ده بئر تمثئل اولاراق، اونو تزه‌دن آلدی.
[20] ائمان واسئطهسیائله ائسحاق، یعقوب و عئسویو گله‌جکلری حاقّیندا برکت وردی.
[21] ائمان واسئطهسیائله یعقوب، اؤلورکن، یوسئفئن هر بئر اوغلونا برکت وردی و اؤز اَل‌آغاجینا سؤیکه‌نئب، پرستئش اتدی.
[22] ائمان واسئطهسیائله یوسئف، اؤلورکن، ائسرایئل اوغوللارینین مئصئردن چیخیش اده‌جکلرئندن سؤز ادئب، سوموکلری باره‌ده امرلر وردی.
[23] ائمان واسئطهسیائله موسا، دوغولاندان سونرا، والئدینلری طرفئندن اوچ آی گئزلی ساخلاندی، چونکی اونلار اوشاغین گؤزل اولدوغونو گؤردولر و پادشاهین فرمانیندان قورخمادیلار.
[24] ائمان واسئطهسیائله موسا، بؤیویندن سونرا، فئرعون قیزینین اوغلو آدلانماقدان ائمتئناع اتدی
[25] و تارینین خالقی ائله یاوا رفتارا دؤزمه‌یی، گوناهین کچئب-گدن لذّتلرئنه ترجئح وردی.
[26] مسئح اوچون چکدئیی سئتمی مئصئرئن خزئنه‌لرئندن داها بؤیوک ثروت سایدی، چونکی گؤزونو پاداشا دئکمئشدی.
[27] ائمان واسئطهسیائله او، پادشاهین قضبئندن قورخماییب، مئصئری ترک اتدی. چونکی او، گؤرونمه‌ینی گؤرموش کئمی، هر شیه تاب گتئردی.
[28] ائمان واسئطهسیائله او، پاسخا و قانین سَپئلمه‌سئنی رئعایت اتدی کی، ائلک دوغولانلاری هلاک ادن، اونلارا اَل وورماسین.
[29] ائمان واسئطهسیائله اونلار، قیرمیزی دهنزدن قورولوقدان کچن کئمی کچدئلر و مئصئرلی‌لر ده بونو اتمه‌یه چالیشان واخت بوغولدولار.
[30] ائمان واسئطهسیائله اَرئحانین دووارلاری، یدّی گون اطرافیندا دولانماقدان سونرا ییخیلدی.
[31] ائمان واسئطهسیائله فاحئشه راحاب، جاسوسلاری سالاماتلیقلا قبول اتدئیی اوچون ناموطئعلرله بئرلئکده محو اولمادی.
[32] داها نه دیئم؟ چونکی اگر جدعون، باراق، سامسون، یفتاح، داوود، سمویئل و نبی‌لر حاقّیندا دانیشسام، واخت چاتماز.
[33] او آداملار کی، ائمان واسئطهسیائله اؤلکه‌لر فتح اتدئلر، صالحلئک عمللرئنی یرئنه یتئردئلر، وعده‌لره نایئل اولدولار، آصلانلارین آغیزلارینی باغلادیلار،
[34] اودون قووّتئنی سؤندوردولر، قیلینج آغیزیندان قاچدیلار، ضعئفلئکدن قووّتلَندئلر، دؤیوشده جنگاور اولدولار، یادلارین قوشونلارینی قاچیرتدیلار.
[35] آروادلار اؤلولرئنی دئرئلئش واسئطهسیائله تزه‌دن آلدیلار؛ آمّا قالانلار ائشکنجه چکئب آزاد اولماقلارینی قبول اتمه‌دئلر، اِله کی، داها یاخشی بئر دئرئلئشه نایئل اولسونلار.
[36] اؤزگه‌لر ائستهزا اولونوب دؤیولدولر، بلی، زنجئرلر و زئندانلارا دوشدولر.
[37] داشا باسیلدیلار، اره ائله ائکی شقّه اولدولار، وسوسه اولوندولار، قیلینجلا اولدورولدولر، قویون درئسئنی، کچی درئسئنی گیئنئب مؤحتاج اولدولار، آوارا اولدولار، ذلئل اولدولار، یاوا رفتارلار ادئلدئلر.
[38] (دونیا اونلارا لایئق اولمایان آداملار) چؤللرده، داغلاردا، ماغارالاردا و یرئن چاتّاقلاریندا سرگردان اولدولار.
[39] و بونلارین هامیسی، ائمان واسئطهسیائله تصدئق اولونموش حالدا، وعده‌یه نایئل اولمادیلار.
[40] چونکی تاری بئزئم اوچون داها یاخشی شیی حاضیرلامیشدی کی، اونلار بئزسئز کامئل اولماسینلار.