[1] གཙོ་བོ་ཡ་ཝཱེས་གསུང་པ་ལ་ཉོན་ཞིག ཡར་ལོངས་ལ་རི་རྣམས་དང་རྩོད་པར་གྱིས་ཤིག རི་ཕྲན་རྣམས་ལ་ཁྱོད་ཀྱི་སྒྲ་ནི་ཚོར་དུ་ཆུག
[2] ཀྱེ་རི་རྣམས་ཀྱིས་གཙོ་བོ་ཡ་ཝཱེའི་སྐྱོན་འདོན་ལ་ཉོན་ཞིག ས་གཞིའི་རྩིག་རྨང་བརྟན་པོ་ཁྱོད་ཐམས་ཅད་ཀྱིས་ཉོན་ཞིག་དང་། ཅིའི་ཕྱིར་ཞེ་ན་གཙོ་བོ་ཡ་ཝཱེས་ཉིད་ཀྱི་མི་སྡེ་ལ་ཞུ་གཏུག་བྱས་ནས་ཡེས་ར་ཨེལ་དང་རྩོད་པར་མཛད།
[3] ངའི་མི་སྡེ་རྣམས། ངས་ཁྱོད་རྣམས་ལ་ཅི་ཞིག་མཛད་དམ།ངས་དོན་གང་ཐོག་ནས་ཁྱོད་རྣམས་ལ་སུན་སྣང་སྐྱེས་པར་གྱུར་དམ། ཁྱོད་ཀྱོད་ང་ལ་ལན་བྱིན་དང་།
[4] ངས་སྔོན་ན་ཁྱོད་རྣམས་ནི་ཨེ་ཅིབ་ཡུལ་ནས་ཕྱིར་ཁྲིད་དེ། བྲན་གཡོག་བྱེད་པའི་གནས་ལས་ཁྱོད་རྣམས་བསྐྱབས་པ་དང་། ཡང་ངས་མོ་ཤེ་དང་ཨ་རོན།མིར་ཡམ་བཅས་ཁྱོད་རྣམས་ཁྲིད་ཕྱིར་མངགས་པའོ།།
[5] ཀྱེ་ང་ཡི་མི་སྡེ་ད་ཁྱོད་ཅག་གིས། སྔོན་མོ་ཨབ་རྒྱལ་པོ་པཱ་ལག་གིས་ཅི་ལྟར་འཆར་འགོད་བྱས་པ་དང་། པེ་ཨོར་གྱི་བུ་པེལ་ཨམ་གྱིས་དེ་ལ་ལན་ཅི་བཏབ་པ་དྲོན་ཞིག ཡང་སིད་ཏིམ་ནས་གིལ་གལ་བར་དོན་ཅི་ཞིག་བྱུང་པ་རྣམས་དྲན་པར་མཛོད་ཅིག དེ་ནི་ཁྱོད་རྣམས་ཀྱིས་གཙོ་བོ་ཡ་ཝཱེའི་དྲང་བདེན་གྱི་མཛད་པ་རྟོགས་པའི་ཕྱིར།
[6] བདག་ནི་གཙོ་བོ་ཡ་ཝཱེའི་དྲུང་དུ་འགྲོ་པའི་དུས། བླ་མེད་དཀོན་མཆོག་གི་སྤྱན་སྔར་ཕྱག་འཚལ་དུས།ཅི་ཞིག་དབུལ་ལམ། ལོ་གཅིག་ཅན་གྱི་བ་ཕྲུག་སྦྱིན་སྲེག་གི་མཆོད་པ་དབུལ་ནས་ཁོང་གི་དྲུང་དུ་འགྲོ་བར་བྱའམ།
[7] གཙོ་བོ་ཡ་ཝཱེ་ནི་ལུག་ཐུག་སྟོང་ཕྲག་རྣམས་དང་། སྣུམ་གྱི་གཙང་པོ་ཁྲི་ཕྲག་རྣམས་ལ་ཐུགས་མཉེས་སམ། ངས་རང་གི་ཉེས་སྐྱོན་གྱི་དོན་དུ་རང་གི་སྔོན་སྐྱེས་དང་། ངའི་སྡིག་པའི་ཆེད་དུ་རང་ལས་སྐྱེས་པ་དབུལ་ལམ།
[8] ཀྱེ་ཀྱེ་མི་སྡེ་རྣམས། གཙོ་བོ་ཡ་ཝཱེས་བཟང་པོ་ཡིན་པ་ཁྱོད་ལ་བསྟན། ཁོང་གིས་ཁྱོད་རྣམས་ལས་རེ་བ་ཅི་ཞུ་འམ་ཟེར་ན། ཁྱོད་ཀྱིས་ལས་དྲང་པོ་སྤྱོད་པ་དང་སྙིང་རྗེ་ལ་ཆགས་པ། ཁེངས་སྐྱུང་གི་སེམས་ཀྱིས་རང་གི་དཀོན་མཆོག་དང་མཉམ་དུ་སྤྱོད་པ་ལས་ཅི་འཚོལ།
[9] གཙོ་བོ་ཡ་ཝཱེས་གྲོང་ཁྱེར་འདི་ལ་གསུང་སྐད་སྒྲོག་སྟེ། གཅིག་ནས་ཁྱོད་ཀྱི་མཚན་ལ་ཤེས་རབ་ལྡན་པ་གཟིགས་པ་དང་།ཁྱོད་ཚོས་ཉེས་ཆད་དང་ཉེས་ཆད་གཅད་པར་མངགས་པའི་མིའི་གཏམ་ལ་ཉོན་ཞིག
[10] ངན་སྤྱོད་མི་ཡི་ཁྱིམ་ན་ད་དུང་ཡོངས་ཁུངས་མི་གཙང་པའི་རྒྱུ་ནོར་དང་། མི་ལ་ཁོང་ཁྲོ་བསླང་པའི་སྨད་དུ་རུང་བའི་འབོ་ཆུང་བ་དེ་ཡོད་པ་མ་ཡིན་ནམ།
[11] གལ་ཏེ་ངས་ཟོལ་ཟོག་གི་སྲང་དང་། ཁུག་མ་ནང་ལ་གཡོ་སྒྱུ་ལྡན་པའི་རྒྱ་རྡོ་བཀོལ་ན།ང་རང་ནོངས་མེད་དུ་རྩི་བར་འགྱུར་རམ།
[12] གྲོང་ཁྱེར་དེའི་ཕྱུག་པོ་རྣམས་ཀྱིས་གདུག་རྩུབ་སྤྱད་པ་དང་།ཡུལ་དེའི་མི་རྣམས་ཀྱིས་རྫུན་སྨྲ་ཤིང་། དེ་དག་གི་ཁ་ནང་གི་ལྕེ་ནི་སྒྱུ་ཟོག་ཅན་ནོ།།
[13] དེའི་ཕྱིར་ངས་ཁྱོད་ལ་རྡུང་ཞིང་།སྣད་པར་བྱ་སྟེ། གང་ལ་ཞེ་ན། ཁྱོད་ཀྱི་ཉེས་སྡིག་གིས་ཁྱོད་ལ་དངངས་སྐྲག་སྐྱེ་རུ་བཅུག་པའི་ཕྱིར།
[14] ཁྱོད་ཀྱིས་ཟོས་ཀྱང་འགྲང་བར་མི་འགྱུར་ལ། ཁྱོད་ཀྱི་ལྟོ་བ་ད་དུང་སྟོང་བར་གྱུར། ཁྱོད་ནི་སྤོ་བར་འགྱུར་ཡང་བྲོས་ནས་མི་ཐར་ལ། གལ་ཏེ་ཐར་ཡང་བདག་གིས་རལ་གྲིར་གཏད།
[15] ཁྱོད་ཀྱིས་ས་བོན་གདབ་ཀྱང་བརྔ་བསྡུ་བྱེད་མི་ཐུབ། སྐྱུར་རུ་འཚིར་ཡང་བྱུགས་པར་མི་འགྱུར་ལ།ཆང་གསར་ཡོད་ཀྱང་འཐུང་བར་མི་འགྱུར་རོ།།
[16] དེ་ཅིའི་ཕྱིར་ཞེ་ན། ཁྱོད་ཀྱིས་ལྐོག་གྲོས་བཞིན་དུ་སྤྱད་པ་དང་། ཨ་ཧབ་ཀྱི་ཁྱིམ་གྱིས་སྤྱད་པ་ལྟར་དུ་སྤྱད་པ་དང་། ཁོ་ཚོའི་གྲོས་ངན་ལ་ཉན་པས། ངས་ཁྱོད་སྟོང་པ་དང་དེར་གནས་པའི་ཡུལ་མི་རྣམས་ལ་མི་ཡིས་འཕྱ་བར་འགྱུར་ལ། ཁྱོད་ཚོས་ངའི་མི་སྡེའི་ངོ་ཚ་ཡང་འཁུར་བར་འགྱུར་རོ།།