[1] སྐབས་དེར་ལེ་ཝི་པའི་ཚོ་དཔོན་རྣམས་མཆོད་པ་འབུལ་མཁན་ཨེ་ལི་ཨ་ཟར་དང་ནུན་གྱི་བུ་ཡོ་ཤུ་ཨ་དང་། ཡེས་ར་ཨེལ་གྱི་ཚོ་བ་རེ་རེའི་ཚོ་དཔོན་རྣམས་ཀྱི་དྲུང་དུ་འོངས་ནས།
[2] ཀ་ན་ཨན་ཡུལ་གྱི་ཞི་ལོ་རུ་ཁོ་རྣམས་ལ། སྔར་གཙོ་བོ་ཡ་ཝཱེས་མོ་ཤེ་བརྒྱུད་ནས་ངེད་རྣམས་གཞིས་ཆགས་པའི་ཕྱིར་གྲོང་ཁྱེར་གནང་པ་དང་། ང་ཚོའི་ཕྱུགས་འཚོ་བའི་ཕྱིར་གྲོང་ཁྱེར་གྱི་མཐའ་འཁོར་རྣམས་གནང་བའི་བཀའ་བསྒོས་པའོ་ཞེས་ཞུས་པ་ལ།
[3] དེ་ནས་ཡེས་ར་ཨེལ་པ་རྣམས་ཀྱིས་གཙོ་བོ་ཡ་ཝཱེས་བཀའ་ཅི་ལྟར་བསྒོས་པ་བཞིན་དུ་རང་ཉིད་ཀྱི་ས་སྐལ་ལས་གཤམ་གསལ་གྱི་གྲོང་ཁྱེར་དང་དེའི་མཐའ་འཁོར་རྣམས་ལེ་ཝི་པར་བྱིན་པ་སྟེ།
[4] ཀོ་ཧད་རིགས་རྒྱུད་ཀྱི་ཕྱིར་རྒྱན་འཕངས་པ་དང་། ལེ་ཝི་པའི་མཆོད་པ་འབུལ་མཁན་ཨ་རོན་གྱི་བུ་རྒྱུད་དེ། ཡ་ཧུ་དཱ་ཚོ་བ་དང་སི་མུ་ཨོན་ཚོ་བ། པེན་ཡཱ་མེན་ཚོ་བ་བཅས་ཀྱི་ས་སྐལ་ལས་རྒྱན་བླངས་པ་ལྟར་གྲོང་ཁྱེར་བཅུ་གསུམ་ཐོབ་པ་ཡིན།
[5] ཀོ་ཧད་ཀྱི་བུ་རྒྱུད་གཞན་རྣམས་ལ་ཨེ་ཕཱར་ཡིམ་ཚོ་བ་དང་དཱན་གྱི་ཚོ་བ། མཱ་ན་ཤེའི་ཚོ་ཕྱེད་བཅས་ཀྱི་ས་སྐལ་ལས་རྒྱན་བླངས་པ་བཞིན་གྲོང་ཁྱེར་བཅུ་ཐོབ་པ་ཡིན།
[6] གེར་ཤོན་གྱི་བུ་རུས་རྒྱུད་རྣམས་ལ་ཡེས་སི་ཀཱར་ཚོ་བ་དང་། ཨ་ཤེར་ཚོ་བ། ནཱབ་ཐ་ལི་ཚོ་བ། པཱ་ཤན་དུ་སྡོད་པའི་མཱ་ན་ཤེའི་སྡེ་ཕྱེད་བཅས་ཀྱི་ས་སྐལ་ལས་རྒྱན་བླངས་པ་བཞིན་གྲོང་ཁྱེར་བཅུ་གསུམ་ཐོབ་པ་ཡིན།
[7] མཱ་རཱ་རེའེ་ཡི་བུ་རྒྱུད་རྣམས་ལ་རུས་རྒྱུད་ལྟར། རུ་བེན་ཚོ་བ་དང་། གཱ་རྡུ་ཚོ་བ། ཟེ་བུ་ལུན་ཚོ་བ་བཅས་ཀྱི་ས་སྐལ་ལས་རྒྱན་བླངས་པ་བཞིན་གྲོང་ཁྱེར་བཅུ་གཉིས་ཐོབ་པ་ཡིན།
[8] ཡེས་ར་ཨེལ་པ་རྣམས་ཀྱིས་གཙོ་བོ་ཡ་ཝཱེས་མོ་ཤེ་བརྒྱུད་ནས་ཅི་ལྟར་བཀའ་བསྒོས་པ་བཞིན། གྲོང་ཁྱེར་དེ་དག་དང་དེའི་མཐའ་འཁོར་རྣམས་ལེ་ཝི་པ་རྣམས་ལ་བགོས་པའོ། །
[9] ཁོ་ཚོས་ཡ་ཧུ་དཱ་ཚོ་བ་དང་སི་མུ་ཨོན་ཚོ་བའི་ས་སྐལ་ལས། གཤམ་གསལ་གྱི་གྲོང་ཁྱེར་རྣམས་ལེ་ཝི་ཚོ་བའི་ཀོ་ཧད་རུས་རྒྱུད་དེ་ཨ་རོན་ཀྱི་བུ་རྒྱུད་རྣམས་ལ་བྱིན་པ་སྟེ།
[10] ཅི་ལ་ཟེར་ན། ཁོ་ཚོའི་ཕྱིར་རྒྱན་བླངས་ནས་སྐལ་དང་པོ་བྱུང་བས་སོ། །
[11] ཡ་ཧུ་དཱ་རི་ཁུལ་གྱི་ཀིར་ཡཱད་ཨར་པཱ་དང་མཐའ་འཁོར་གྱི་ཕྱི་རོལ་རྣམས་ཁོ་ཚོ་ལ་བྱིན། ཨར་པཱ་ནི་ཨ་ནག་པའི་ཕ་མེས་དང་ཧེབ་རོན་ཞེས་བྱ་བ་ཡིན་ནོ། །
[12] གྲོང་ཁྱེར་ལ་གཏོགས་པའི་ས་ཞིང་དང་ཡུལ་སྡེ་རྣམས་འབའ་ཞིག་ཡེ་ཕུན་ནེའི་བུ་ཀཱ་ལེབ་ལ་ས་སྐལ་དུ་བྱིན།
[13] ཡེས་ར་ཨེལ་པས་མི་གསོད་ནོར་བྱེད་མཁན་རྣམས་བྲོས་བྱོལ་བྱེད་སའི་གྲོང་ཁྱེར་ཧེབ་རོན་དང་། དེར་གཏོགས་པའི་མཐའ་འཁོར་རྣམས་མཆོད་པ་འབུལ་མཁན་ཨ་རོན་གྱི་བུ་རྒྱུད་ལ་བྱིན་ཅིང་། ཡང་ཁོ་ཚོ་ལ་ལིབ་ནཱ་དང་དེའི་མཐའ་འཁོར་རྣམས་དང་།
[14] ཡད་ཏིར་དང་དེར་གཏོགས་པའི་མཐའ་འཁོར་རྣམས། ཨེ་སི་ཏེ་མོ་ཨ་དང་དེར་གཏོགས་པའི་མཐའ་འཁོར་རྣམས།
[15] ཧོ་ལོན་དང་དེར་གཏོགས་པའི་མཐའ་འཁོར་རྣམས། དི་བིར་དང་དེར་གཏོགས་པའི་མཐའ་འཁོར་རྣམས།
[16] ཨ་ཡིན་དང་དེར་གཏོགས་པའི་མཐའ་འཁོར་རྣམས། ཡུད་ཏ་དང་དེར་གཏོགས་པའི་མཐའ་འཁོར་རྣམས། པེད་ཤེ་མེ་སི་དང་དེར་གཏོགས་པའི་མཐའ་འཁོར་རྣམས་བཅས་བསྡོམས་པས་གྲོང་ཁྱེར་དགུ་བྱིན་པ་དང་། ཐམས་ཅད་ཚོ་བ་དེ་གཉིས་ལས་བགོས་པ་ཡིན་ནོ། །
[17] ཡང་པེན་ཡཱ་མེན་ཚོ་བའི་ས་སྐལ་ལས་ཁོ་རྣམས་ལ་གིབ་ཡོན་དང་དེར་གཏོགས་པའི་མཐའ་འཁོར་རྣམས་དང་། གེ་བཱ་དང་དེར་གཏོགས་པའི་མཐའ་འཁོར་རྣམས།
[18] ཨ་ན་ཐོད་དང་དེར་གཏོགས་པའི་མཐའ་འཁོར་རྣམས། ཨལ་མོན་དང་དེར་གཏོགས་པའི་མཐའ་འཁོར་རྣམས་བཅས་བསྡོམས་པའི་གྲོང་ཁྱེར་བཞི་བྱིན།
[19] ཨ་རོན་གྱི་མཆོད་པ་འབུལ་མཁན་ཡིན་པའི་བུ་རྒྱུད་རྣམས་ལ་བསྡོམས་པའི་གྲོང་ཁྱེར་བཅུ་གསུམ་དང་ད་དུང་དེར་གཏོགས་པའི་མཐའ་འཁོར་རྣམས་བྱིན་པ་ཡིན།
[20] ལེ་ཝི་ཚོ་བའི་ཁྲོད་ཀོ་ཧད་ཀྱི་རུས་རྒྱུད་དེ། ཀོ་ཧད་ཀྱི་བུ་རྒྱུད་གཞན་རྣམས་ལ་རྒྱན་འཕངས་ནས་ཐོབ་པའི་གྲོང་ཁྱེར་ནི་ཨེ་ཕཱར་ཡིམ་ཚོ་བ་ནས་བགོས་པ་ཡིན་ནོ། །
[21] ཡེས་ར་ཨེལ་པས་ཨེ་ཕཱར་ཡིམ་རི་ཁུལ་གྱི་སི་ཀེམ་སྟེ་མི་གསོད་ནོར་བྱེད་མཁན་རྣམས་བྲོས་བྱོལ་བྱེད་སའི་གྲོང་ཁྱེར་དང་དེར་གཏོགས་པའི་མཐའ་འཁོར་རྣམས་ཁོ་ཚོ་ལ་བྱིན་ཅིང་། ཡང་གེ་ཟེར་དང་དེའི་མཐའ་འཁོར་རྣམས་དང་།
[22] ཀིབ་ཚ་ཡིམ་དང་དེར་གཏོགས་པའི་མཐའ་འཁོར་རྣམས། པེད་ཧོ་རོན་དང་དེར་གཏོགས་པའི་མཐའ་འཁོར་རྣམས་བཅས་བསྡོམས་པས་གྲོང་ཁྱེར་བཞི་ཁོ་རྣམས་ལ་བྱིན།
[23] ཡང་དཱན་ཚོ་བའི་ས་སྐལ་ལས་ཨེལ་ཐེ་ཁེ་དང་གྲོང་ཁྱེར་དེར་གཏོགས་པའི་མཐའ་འཁོར་རྣམས་དང་། གིབ་བེ་ཏོན་དང་གྲོང་ཁྱེར་དེར་གཏོགས་པའི་མཐའ་འཁོར་རྣམས།
[24] ཨ་ཡ་ལོན་དང་གྲོང་ཁྱེར་དེར་གཏོགས་པའི་མཐའ་འཁོར་རྣམས། གཱད་རིམ་མོན་དང་གྲོང་ཁྱེར་དེར་གཏོགས་པའི་མཐའ་འཁོར་རྣམས་བཅས་བསྡོམས་པས་གྲོང་ཁྱེར་བཞི་ཁོ་རྣམས་ལ་བྱིན།
[25] ཡང་མཱ་ན་ཤེའི་ཚོ་ཕྱེད་ཀྱི་ས་སྐལ་ལས་ཐ་ཨ་ནག་དང་གྲོང་ཁྱེར་དེར་གཏོགས་པའི་མཐའ་འཁོར་རྣམས་དང་། གཱད་རིམ་མོན་དང་གྲོང་ཁྱེར་དེར་གཏོགས་པའི་མཐའ་འཁོར་རྣམས་བསྡོམས་པས་གྲོང་ཁྱེར་གཉིས་ཁོ་རྣམས་ལ་བྱིན།
[26] ཀོ་ཧད་ཀྱི་བུ་རྒྱུད་གཞན་རྣམས་ལ་བསྡོམས་པས་གྲོང་ཁྱེར་བཅུ་དང་དེར་གཏོགས་པའི་མཐའ་འཁོར་རྣམས་ཡོད་དོ། །
[27] ཡེས་ར་ཨེལ་པས་ཡང་མཱ་ན་ཤེའི་ཚོ་ཕྱེད་ཀྱི་ས་སྐལ་ལས་མི་གསོད་ནོར་བྱེད་མཁན་རྣམས་བྲོས་བྱོལ་བྱེད་སའི་གྲོང་ཁྱེར་ཏེ་པཱ་ཤན་གྱི་གོ་ལན་དང་དེར་གཏོགས་པའི་མཐའ་འཁོར་རྣམས་ལེ་ཝི་ཚོ་བའི་གེར་ཤོན་གྱི་རུས་རྒྱུད་རྣམས་ལ་བྱིན། ཡང་པེ་ཨེས་ཐེ་ར་གྲོང་ཁྱེར་དང་དེར་གཏོགས་པའི་མཐའ་འཁོར་རྣམས་ཏེ་བསྡོམས་པས་གྲོང་ཁྱེར་གཉིས་ཁོ་རྣམས་ལ་བྱིན།
[28] ཡང་ཡེས་སི་ཀཱར་ཚོ་བའི་ས་སྐལ་ལས་ཁིས་ཡོན་གྲོང་ཁྱེར་དང་དེར་གཏོགས་པའི་མཐའ་འཁོར་རྣམས་དང་། ད་བེ་རད་གྲོང་ཁྱེར་དང་དེར་གཏོགས་པའི་མཐའ་འཁོར་རྣམས།
[29] ཡར་མུད་གྲོང་ཁྱེར་དང་དེར་གཏོགས་པའི་མཐའ་འཁོར་རྣམས། ཨེན་གན་ནིམ་གྲོང་ཁྱེར་དང་དེར་གཏོགས་པའི་མཐའ་འཁོར་རྣམས་བཅས་བསྡོམས་པས་གྲོང་ཁྱེར་བཞི་ཁོ་རྣམས་ལ་བྱིན།
[30] ཡང་ཨ་ཤེར་ཚོ་བའི་ས་སྐལ་ལས་མེ་ཤེ་ཨལ་གྲོང་ཁྱེར་དང་དེར་གཏོགས་པའི་མཐའ་འཁོར་རྣམས་དང་། ཨབ་དོན་གྲོང་ཁྱེར་དང་དེར་གཏོགས་པའི་མཐའ་འཁོར་རྣམས།
[31] ཧེལ་ཁད་གྲོང་ཁྱེར་དང་དེར་གཏོགས་པའི་མཐའ་འཁོར་རྣམས། རེ་ཧོབ་གྲོང་ཁྱེར་དང་དེར་གཏོགས་པའི་མཐའ་འཁོར་རྣམས་བཅས་བསྡོམས་པས་གྲོང་ཁྱེར་བཞི་ཁོ་རྣམས་ལ་བྱིན།
[32] ཡང་ནཱབ་ཐ་ལི་ཚོ་བའི་ས་སྐལ་ལས་ག་ལིལ་གྱི་ཀེ་དེ་སི་སྟེ་མི་གསོད་ནོར་བྱེད་མཁན་རྣམས་བྲོས་བྱོལ་བྱེད་སའི་གྲོང་ཁྱེར་དང་དེར་གཏོགས་པའི་མཐའ་འཁོར་རྣམས་ཁོ་ཚོ་ལ་བྱིན་ཅིང་། ཡང་ཧམ་མོད་དཱོར་གྲོང་ཁྱེར་དང་དེར་གཏོགས་པའི་མཐའ་འཁོར་རྣམས་དང་། ཁར་ཐར་གྲོང་ཁྱེར་དང་དེར་གཏོགས་པའི་མཐའ་འཁོར་རྣམས་བཅས་བསྡོམས་པས་གྲོང་ཁྱེར་གསུམ་ཁོ་རྣམས་ལ་བྱིན།
[33] གེར་ཤོན་པ་རྣམས་ལ་རུས་རྒྱུད་ལྟར་ཐོབ་པའི་གྲོང་ཁྱེར་ནི་བསྡོམས་པས་བཅུ་གསུམ་དང་ད་དུང་དེར་གཏོགས་པའི་མཐའ་འཁོར་རྣམས་ཡིན།
[34] གཞན་པའི་ལེ་ཝི་ཚོ་བའི་མཱ་རཱ་རེའེ་ཡི་རུས་རྒྱུད་རྣམས་ལ། ཟེ་བུ་ལུན་ཚོ་བའི་ས་སྐལ་ནས་ཐོབ་པ་ནི། ཡོག་ནེ་ཨམ་གྲོང་ཁྱེར་དང་དེར་གཏོགས་པའི་མཐའ་འཁོར་རྣམས་དང་། ཁར་ཐ་གྲོང་ཁྱེར་དང་དེར་གཏོགས་པའི་མཐའ་འཁོར་རྣམས།
[35] དིམ་ན་གྲོང་ཁྱེར་དང་དེར་གཏོགས་པའི་མཐའ་འཁོར་རྣམས། ན་ཧ་ལལ་གྲོང་ཁྱེར་དང་དེར་གཏོགས་པའི་མཐའ་འཁོར་རྣམས་བཅས་བསྡོམས་པས་གྲོང་ཁྱེར་བཞི་ཡིན།
[36] ཡང་རུ་བེན་ཚོ་བའི་ས་སྐལ་ལས་པེ་ཙེར་གྲོང་ཁྱེར་དང་དེར་གཏོགས་པའི་མཐའ་འཁོར་རྣམས་དང་། ཡ་ཙཱ་གྲོང་ཁྱེར་དང་དེར་གཏོགས་པའི་མཐའ་འཁོར་རྣམས།
[37] ཀེ་དེ་མོད་གྲོང་ཁྱེར་དང་དེར་གཏོགས་པའི་མཐའ་འཁོར་རྣམས། མེ་ཕཱ་ཨད་གྲོང་ཁྱེར་དང་དེར་གཏོགས་པའི་མཐའ་འཁོར་རྣམས་བཅས་བསྡོམས་པས་གྲོང་ཁྱེར་བཞི་ཁོ་རྣམས་ལ་བྱིན།
[38] ཡང་གཱ་རྡུ་ཚོ་བའི་ས་སྐལ་ལས་གིལ་ཨད་ཀྱི་རཱ་མོད་དེ་མི་གསོད་ནོར་བྱེད་མཁན་རྣམས་བྲོས་བྱོལ་བྱེད་སའི་གྲོང་ཁྱེར་དང་དེར་གཏོགས་པའི་མཐའ་འཁོར་རྣམས་ཁོ་ཚོ་ལ་བྱིན་ཅིང་། ཡང་མཱ་ཧ་ནཱ་ཡིམ་གྲོང་ཁྱེར་དང་དེར་གཏོགས་པའི་མཐའ་འཁོར་རྣམས་དང་།
[39] ཧེ་སི་པོན་གྲོང་ཁྱེར་དང་དེར་གཏོགས་པའི་མཐའ་འཁོར་རྣམས། ཡཱ་ཟེར་གྲོང་ཁྱེར་དང་དེར་གཏོགས་པའི་མཐའ་འཁོར་རྣམསབཅས་གྲོང་ཁྱེར་བཞི་ཁོ་རྣམས་ལ་བྱིན།
[40] གཞན་པའི་ལེ་ཝི་ཚོ་བའི་མི་རྣམས་ཏེ་མཱ་རཱ་རེའེ་ཡི་བུ་རྒྱུད་དག་ལ་རུས་རྒྱུད་ལྟར་རྒྱན་འཕངས་ནས་ཐོབ་པ་ནི་བསྡོམས་པས་གྲོང་ཁྱེར་བཅུ་གཉིས་ཡོད་དོ། །
[41] ལེ་ཝི་པ་རྣམས་ལ་ཡེས་ར་ཨེལ་པ་རྣམས་ཀྱི་ས་སྐལ་ལས་ཐོབ་པའི་གྲོང་ཁྱེར་ནི་བསྡོམས་པས་བཞི་བཅུ་ཞེ་བརྒྱད་དང་དེར་གཏོགས་པའི་མཐའ་འཁོར་རྣམས་ཡིན།
[42] གྲོང་ཁྱེར་དེ་ཐམས་ཅད་ཀྱི་མཐའ་འཁོར་དུ་ས་སྟོང་ཡོད་པ་དང་གྲོང་ཁྱེར་རེ་རེ་དེ་བཞིན་ཡིན་ནོ། །
[43] དེ་བཞིན་དུ་གཙོ་བོ་ཡ་ཝཱེས་སྔར་ཁོ་ཚོའི་མེས་པོ་རྣམས་ལ་མནའ་བཞེས་ཏེ་ཞལ་བཞེས་གནང་བའི་ཡུལ་ཐམས་ཅད་ནི་ཡེས་ར་ཨེལ་པ་རྣམས་ལ་གནང་ཞིང་། ཁོ་རྣམས་ལ་ས་སྐལ་དུ་ཐོབ་ཅིང་དེ་རུ་གནས་སོ། །
[44] གཙོ་བོ་ཡ་ཝཱེས་ཁོ་ཚོའི་མེས་པོ་རྣམས་ལ་མནའ་བཞེས་ཏེ་ཞལ་བཞེས་གནང་བའི་བཀའ་ཐམས་ཅད་ལྟར། ཁོ་རྣམས་ཕྱོགས་བཞི་མཚམས་བརྒྱད་ནས་བདེ་བར་བཀོད་དོ། །ཁོ་ཚོའི་དགྲ་བོ་ཐམས་ཅད་ལས་ཁོ་རྣམས་ཀྱི་མདུན་དུ་རང་ཚུགས་ཐུབ་མཁན་གཅིག་ཀྱང་མ་བྱུང་ཞིང་། གཙོ་བོ་ཡ་ཝཱེས་དགྲ་བོ་ཐམས་ཅད་ཁོ་རྣམས་ཀྱི་ལག་ཏུ་སྤྲོད་པར་མཛད་དོ། །
[45] གཙོ་བོ་ཡ་ཝཱེས་ཡེས་ར་ཨེལ་ཁྱིམ་རྒྱུད་ལ་བྱིན་རླབས་གནང་བར་ཞལ་བཞེས་གནང་བའི་བཀའ་ཐམས་ཅད་ལས་མ་འགྲུབ་པ་གཅིག་ཀྱང་མེད་པར། ཐམས་ཅད་དོན་ཐོག་ཏུ་འཁེལ་ལོ། །