[1] སི་མུ་ཨོན་ཚོ་བའི་མི་རྣམས་ཀྱི་ཕྱིར་རུས་རྒྱུད་ལྟར་རྒྱན་ཨང་གཉིས་པ་བླངས། ཁོ་རྣམས་ལ་ཐོབ་པའི་ས་སྐལ་ནི་ཡ་ཧུ་དཱ་པ་རྣམས་ཀྱི་ས་སྐལ་ཁྲོད་དུ་ཡོད་དོ། །
[2] ཁོ་རྣམས་ལ་ས་སྐལ་དུ་ཐོབ་པའི་ཡུལ་རྣམས་ནི། པེར་ཤ་བཱ་དང་ཡང་ན་ཤེ་བཱ་ཞེས་བྱ་བ་དང་། མོ་ལ་དཱ།
[3] ཧ་ཚར་ཤུ་ཨལ། པ་ལཱ། ཨེ་ཚེམ།
[4] ཨེལ་ཐོ་ལད། པེ་ཐུལ། ཧོར་མཱ།
[5] ཙིག་ལག པེད་མར་ཀ་བོད། ཧ་ཚར་སུ་སཱ།
[6] པེད་ལེ་པ་ཨོད། ཤ་རུ་ཧེན་བཅས་བསྡོམས་པས་གྲོང་ཁྱེར་བཅུ་གསུམ་དང་ད་དུང་དེ་ལ་གཏོགས་པའི་ཡུལ་སྡེ་རྣམས་སོ། །
[7] ཡང་ཨ་ཡིན་དང་། རིམ་མོན། ཨེ་ཐེར། ཨ་ཤན་བཅས་བསྡོམས་པས་གྲོང་ཁྱེར་བཞི་དང་དེ་ལ་གཏོགས་པའི་ཡུལ་སྡེ་རྣམས།
[8] ད་དུང་གྲོང་ཁྱེར་དེ་དག་གི་ཉེ་འཁོར་གྱི་ཡུལ་སྡེ་ཐམས་ཅད་ནས། པཱ་ཨ་ལད་པེ་ཨེར་ཏེ་ནེ་གུབ་ཡུལ་གྱི་ར་མད་བར་དུ་ཡིན། དེ་ནི་རུས་རྒྱུད་ལྟར་སི་མུ་ཨོན་ཚོ་བར་ཐོབ་པའི་ས་སྐལ་ཡིན་ནོ། །
[9] སི་མུ་ཨོན་པའི་ས་སྐལ་ནི་ཡ་ཧུ་དཱ་པ་རྣམས་ཀྱི་ས་སྐལ་ལས་ཐོབ་པ་ཡིན། ཡ་ཧུ་དཱ་པའི་སྐལ་མང་དྲགས་པས་སི་མུ་ཨོན་པ་རྣམས་ལ་ཁོ་ཚོ་ལས་ས་སྐལ་ཐོབ་པ་ཡིན།
[10] ཟེ་བུ་ལུན་པ་རྣམས་ཀྱི་ཕྱིར་རུས་རྒྱུད་བཞིན་རྒྱན་ཨང་གསུམ་པ་བླངས་པ་དང་། ཁོ་རྣམས་ཀྱི་ས་མཚམས་ནི་སཱ་རིད་བར་དུ་ཡིན།
[11] ནུབ་ཕྱོགས་སུ་ཡར་མ་རེ་ཨ་ལར་ཕྱིན་ཅིང་དབ་པ་ཤེད་དུ་སླེབས་པ་དང་། ཡང་ཡོག་ནེ་ཨམ་གྱི་སྔོན་དུ་ཡོད་པའི་ཆུ་བོ་ལ་ཐུག
[12] ཡང་སཱ་རིད་ནས་ཤར་ཕྱོགས་སུ་ཀིས་ལོད་ཐ་བོར་གྱི་ས་མཚམས་བར་ཉི་མ་ཤར་ཕྱོགས་སུ་འཁོར་བ་དང་། ཡང་ད་བེ་རད་དུ་འདྲེས་ནས་ཡར་ཡ་ཕི་ཨ་རུ་སླེབས།
[13] དེ་ནས་ཤར་ཕྱོགས་སུ་གཱད་ཧེ་ཕེར་དང་ཨེད་ཀཱ་ཚིན་ལ་འབྲེལ་ཞིང་། རིམ་མོན་དང་འདྲེས་ཤིང་དེ་ནས་ནེ་ཨ་རུ་མཆེད་དོ། །
[14] ཡང་ནེ་ཨའི་བྱང་ཕྱོགས་སྐོར་ནས་ཧན་ན་ཐོན་ལ་སླེབས་ཤིང་། ཡིབ་ཐ་ཨེལ་ལུང་པ་ལ་འདྲེས་སོ། །
[15] ད་དུང་ཀད་ཏད་དང་། ན་ཧ་ལལ། ཤིམ་རོན། ཡིད་ཨ་ལ། པེད་ལེ་ཧེམ་བཅས་བསྡོམས་པས་གྲོང་ཁྱེར་བཅུ་གཉིས་དང་དེར་གཏོགས་པའི་ཡུལ་སྡེ་རྣམས་སོ། །
[16] གྲོང་ཁྱེར་འདི་དག་དང་གྲོང་ཁྱེར་ལ་གཏོགས་པའི་ཡུལ་སྡེ་རྣམས་ནི་ཟེ་བུ་ལུན་པ་རྣམས་ལ་རུས་རྒྱུད་བཞིན་ཐོབ་པའི་ས་སྐལ་ཡིན་པའོ། །
[17] ཡེས་སི་ཀཱར་པ་རྣམས་ཀྱི་ཕྱིར་རུས་རྒྱུད་བཞིན་རྒྱན་ཨང་བཞི་བ་བླངས།
[18] ཁོ་རྣམས་ཀྱི་ས་མཚམས་ནི་ཡེ་སི་རེ་ཨེལ་དང་། ཀེ་སུལ་ལོད། ཤུ་ནེམ།
[19] ཧ་ཕར་ཡིམ། ཤི་ཡོན། ཨ་ན་ཧ་རད།
[20] ར་བིད། ཁིས་ཡོན། ཨེ་བེ་ཚི།
[21] རེ་མེད། ཨེན་གན་ནིམ། ཨེན་ཧད་ད། པེད་ཕ་ཚེས་བཅས་སུ་སླེབས་པ་དང་།
[22] ཡང་ཐ་བོར་དང་། ཤ་ཧ་ཚི་མ། པེད་ཤེ་མེ་སི་བཅས་དང་། ཡོར་དན་གཙང་པོའི་བར་དུ་སླེབས་པ་སྟེ། བསྡོམས་པས་གྲོང་ཁྱེར་བཅུ་དྲུག་དང་དེར་གཏོགས་པའི་ཡུལ་སྡེ་རྣམས་སོ། །
[23] གྲོང་ཁྱེར་འདི་རྣམས་དང་དེར་གཏོགས་པའི་ཡུལ་སྡེ་རྣམས་ནི་ཡེས་སི་ཀཱར་ཚོ་བར་རུས་རྒྱུད་ལྟར་ཐོབ་པའི་ས་སྐལ་ཡིན་ནོ། །
[24] ཨ་ཤེར་ཚོ་བའི་ཕྱིར་རུས་རྒྱུད་ལྟར་རྒྱན་ཨང་ལྔ་བ་བླངས།
[25] ཁོ་རྣམས་ཀྱི་ས་མཚམས་ནི་ཧེལ་ཁད་དང་། ཧ་ལི། པེ་ཏེན། ཨག་ཤབ།
[26] ཨལ་ལམ་མེ་ལེག ཨམ་ཨད། མེ་ཤེ་ཨལ་བཅས་དང་། ནུབ་ཏུ་ཀར་མེལ་དང་། ཤི་ཧོར་ལིབ་ནད་དུ་སླེབས།
[27] ཉི་མ་ཤར་ཕྱོགས་སུ་འཁོར་ནས་པེད་ད་གོན་དང་དེ་ནས་ཟེ་བུ་ལུན་ལ་སླེབས་ཤིང་། བྱང་དུ་ཡིབ་ཐ་ཨེལ་ལུང་པ་དང་། པེད་ཨེ་མེག་དང་ནེ་ཨི་ཨེལ་དུ་སླེབས་པ་དང་། ཀ་པུལ་གྱི་གཡོན་ཕྱོགས་སུ་འདྲེས།
[28] ཡང་ཨེབ་རོན་དང་རེ་ཧོབ། ཧམ་མོན། ཁ་ན་བཅས་ནས་ཚི་ཏུན་མཁར་ཆེན་བར་དུ་ཡིན།
[29] ས་མཚམས་དེ་བསྐོར་ནས་རཱ་མ་དང་མཁར་བརྟན་པོ་ཐཱར་ལ་སླེབས་པ་དང་། ཡང་བསྐོར་ནས་ཧོ་སཱ་རུ་སླེབས་ཤིང་། ཨག་སིབ་ཀྱི་ཡུལ་རྒྱུད་ལ་ཉེ་ཞིང་རྒྱ་མཚོ་རུ་འདྲེས།
[30] ཡང་ཨུམ་མ་དང་ཨ་ཕེག རེ་ཧོབ་བཅས་བསྡོམས་པས་གྲོང་ཁྱེར་ཉེར་གཉིས་དང་ད་དུང་དེར་གཏོགས་པའི་ཡུལ་སྡེ་རྣམས་ཡོད།
[31] གྲོང་ཁྱེར་འདི་དག་དང་དེར་གཏོགས་པའི་ཡུལ་སྡེ་རྣམས་ནི་ཨ་ཤེར་ཚོ་བར་རུས་རྒྱུད་ལྟར་ཐོབ་པའི་ས་སྐལ་ཡིན་ནོ། །
[32] ནཱབ་ཐ་ལི་པ་རྣམས་ཀྱི་ཕྱིར་རུས་རྒྱུད་བཞིན་རྒྱན་ཨང་དྲུག་པ་བླངས།
[33] ཁོ་རྣམས་ཀྱི་ས་སྐལ་གྱི་མཚམས་ནི་ཧེ་ལེབ་དང་ཚ་ཨ་ནན་ནིམ་གྱི་བེ་ཤིང་མོན་ཆ་ར་དང་། ཨ་ད་མི་ནེ་ཁེབ་དང་ཡབ་ནེ་ཨེལ་ནས་ལག་ཁུམ་གྱི་བར་དང་། ཡོར་དན་གཙང་པོར་འདྲེས།
[34] ཡང་ནུབ་ཕྱོགས་སུ་འཁོར་ནས་ཨ་སི་ནོད་ཐ་བོར་དུ་སླེབས་པ་དང་། དེ་ནས་ཧུ་ཁོག་ཏུ་འདྲེས། ལྷོ་ཕྱོགས་སུ་ཟེ་བུ་ལུན་དང་ནུབ་ཕྱོགས་སུ་ཨ་ཤེར་ལ་སླེབས། ཡང་ཉི་མ་ཤར་ཕྱོགས་སུ་ཡོར་དན་གཙང་པོ་དང་འབྲེལ་བའི་ཡ་ཧུ་དཱ་རུ་སླེབས།
[35] མཁར་བརྟན་པོ་ནི་ཚིད་དིམ་དང་། ཚེར། ཧམ་མད། ར་ཁད། ཀིན་ནེ་རེད།
[36] ཨ་ད་མ། རཱ་མ། ཧ་ཚོར།
[37] ཀེ་དེ་སི། ཨེ་དྲི་ཨི། ཨེན་ཧ་ཚོར།
[38] ཡིར་ཨོན། མི་ག་དལ་ཨེལ། ཧོ་རེམ། པེད་ཨ་ནད། པེད་ཤེ་མེ་སི་བཅས་བསྡོམས་པས་གྲོང་ཁྱེར་བཅུ་དགུ་དང་ད་དུང་དེར་གཏོགས་པའི་ཡུལ་སྡེ་རྣམས་ཡིན།
[39] གྲོང་ཁྱེར་འདི་དག་དང་དེར་གཏོགས་པའི་ཡུལ་སྡེ་རྣམས་ནི་ནཱབ་ཐ་ལི་ཚོ་བར་རུས་རྒྱུད་ལྟར་ཐོབ་པའི་ས་སྐལ་ཡིན་ནོ། །
[40] དཱན་ཚོ་བའི་ཕྱིར་རུས་རྒྱུད་ལྟར་རྒྱན་ཨང་བདུན་པ་བླངས།
[41] ཁོ་རྣམས་ཀྱི་ས་སྐལ་གྱི་མཚམས་ནི་ཚོར་ཨ་དང་། ཨེ་སི་ཐ་ཨོལ། ཨིར་ཤེ་མེས།
[42] ཤཱ་ཨ་ལབ་པིན། ཨ་ཡ་ལོན། ཡིད་ལ།
[43] ཨེ་ལོན། ཐིམ་ནཱ། ཨེག་རོན།
[44] ཨེལ་ཐེ་ཁེ། གིབ་བེ་ཏོན། པཱ་ཨ་ལད།
[45] ཡེ་ཧུད། པེ་ནེ་པེ་རག གཱད་རིམ་མོན།
[46] མེ་ཡར་ཁོན། ར་ཁོན། ཡོ་ཕཱའི་ཁ་གཏད་ཀྱི་ས་མཚམས་བཅས་སོ། །
[47] དཱན་གྱི་ས་མཚམས་ནི་ཐོབ་འོས་པ་ལས་བརྒལ་བ་སྟེ། རྒྱུ་མཚན་ནི་དཱན་གྱི་མི་རྣམས་ཡར་སོང་ནས་ལེ་ཤེམ་རྒོལ་ལེན་བྱས་ཤིང་། གྲོང་ཁྱེར་གྱི་མི་རྣམས་གྲིས་བསད་དེ་གྲོང་ཁྱེར་དེ་བླངས་པ་དང་དེའི་ནང་དུ་བསྡད་ནས། ཁོ་ཚོའི་མེས་པོ་དཱན་གྱི་མིང་གིས་ལེ་ཤེམ་ཅེས་པ་དཱན་དུ་བསྒྱུར།
[48] གྲོང་ཁྱེར་འདི་དག་དང་དེར་གཏོགས་པའི་ཡུལ་སྡེ་རྣམས་ནི་དཱན་ཚོ་བར་རུས་རྒྱུད་ལྟར་ཐོབ་པའི་ས་སྐལ་ཡིན་ནོ། །
[49] ཡེས་ར་ཨེལ་པ་རྣམས་ཀྱིས་ས་མཚམས་ལྟར་ས་སྐལ་བགོས་ནས་རྫོགས་པ་དང་། ཁོ་ཚོའི་ཁྲོད་དུ་ནུན་གྱི་བུ་ཡོ་ཤུ་ཨ་ལ་ས་སྐལ་བྱིན་ནོ། །
[50] གཙོ་བོ་ཡ་ཝཱེའི་བཀའ་བཞིན་དུ། ཡོ་ཤུ་ཨ་ལ་ཐོབ་པར་འདོད་པའི་གྲོང་ཁྱེར་ཏེ། ཨེ་ཕཱར་ཡིམ་རི་ཁུལ་གྱི་ཐིམ་ནད་སེ་ར་ཁོ་ལ་བྱིན་པ་དང་། ཁོས་གྲོང་ཁྱེར་དེ་བརྩིགས་ནས་དེར་བསྡད་དོ། །
[51] དེ་ནི་མཆོད་པ་འབུལ་མཁན་ཨེ་ལི་ཨ་ཟར་དང་ནུན་གྱི་བུ་ཡོ་ཤུ་ཨ་དང་། ཡེས་ར་ཨེལ་གྱི་ཚོ་བ་རེ་རེའི་ཚོ་དཔོན་རྣམས་ཀྱིས་ཞི་ལོ་ནས་གུར་མཆོག་གི་སྒོ་ཁར། གཙོ་བོ་ཡ་ཝཱེའི་སྤྱན་སྔར་རྒྱན་འཕངས་ནས་བགོས་པའི་ས་སྐལ་ཡིན་ལ། དེ་བཞིན་ཁོ་རྣམས་ཀྱིས་ས་བགོས་ནས་རྫོགས་སོ། །