[1] ཡ་ཧུ་དཱའི་ཚོ་བར་རུས་རྒྱུད་ལྟར་རྒྱན་འཕངས་ནས་ཐོབ་པའི་ཡུལ་རྣམས་ནི་ལྷོ་མཐའ་རུ་གནས་ཤིང་། ཨེ་དོམ་གྱི་ས་མཚམས་སུ་སླེབས་པ་དང་། ལྷོ་ཕྱོགས་སུ་ཟིན་གྱི་དབེན་སྟོང་བར་དུ་ཡིན།
[2] ཁོ་རྣམས་ཀྱི་ལྷོ་མཚམས་ནི་ཚྭ་མཚོའི་མཐའ་སྟེ། ལྷོ་ཕྱོགས་སུ་འཁོར་བའི་མཚོ་ཁུག་ནས།
[3] མ་ཨ་ལེ་ཨག་རབ་པིམ་གྱི་ལྷོ་ཕྱོགས་སུ་འདྲེས་ཤིང་། ཟིན་དང་འབྲེལ་བ་དང་། ཀཱ་དེའེ་ཤཱ་པར་ནེ་ཨ་ཡི་ལྷོ་ཕྱོགས་སུ་ཡར་ཕྱིན་ཅིང་། ཡང་ཧེས་རོན་བརྒྱུད་ནས་ཨད་ཐར་དུ་ཡར་ཕྱིན་པ་དང་། སྐོར་ནས་ཁར་ཁ་ཨ་རུ་སླེབས།
[4] ཨ་ཚ་མོན་དུ་འབྲེལ་ཞིང་ཨེ་ཅིབ་ཆུ་ཕྲན་དུ་འདྲེས་པ་དང་རྒྱ་མཚོ་ནང་འདྲེས་པའི་བར་དུ་ཡིན། དེ་ནི་ཁོ་རྣམས་ཀྱི་ལྷོ་མཚམས་ཡིན་ནོ། །
[5] ཤར་མཚམས་ནི་ཚྭ་མཚོའི་ལྷོ་ཕྱོགས་ནས་ཡོར་དན་གཙང་པོའི་ཁ་བར་དུ་ཡིན་པ་དང་། བྱང་མཚམས་ནི་ཡོར་དན་གཙང་པོ་ཁའི་མཚོ་ཁུག་ནས་བཟུང་སྟེ།
[6] པེད་ཧོག་ལཱ་རུ་ཡར་པེད་ཨ་ར་པའི་བྱང་ཕྱོགས་སུ་ཕར་ཕྱིན་ཏེ། རུ་བེན་གྱི་བུ་པོ་ཧན་གྱི་བྲོག་རྡོ་བར་དུ།
[7] ཨ་ཀོར་ལུང་པ་ནས་བྱང་ཕྱོགས་སུ་ཡར་དི་བིར་ལ་སླེབས་པ་དང་། ཆུ་བོའི་ལྷོ་རུ་ཡོད་པའི་ཨ་དུམ་མིམ་ངོས་ཁ་གཏད་ཀྱི་གིལ་གལ་ཕྱོགས་སུ་འཐེན་ཡོད། ཡང་ཨེན་ཤེ་མེས་དང་འབྲེལ་ཞིང་ཨེན་རོ་གེལ་དུ་འདྲེས་སོ། །
[8] ཡར་པེན་ཧིན་ནོམ་ལུང་པ་ལ་སླེབས་ཤིང་། ཡེ་བུ་སི་པའི་ལྷོ་མཚམས་སུ་ཉེ། ཡེ་བུ་སི་ནི་ཡེ་རུ་སཱ་ལེམ་ཡིན། ཡང་ཡར་ཧིན་ནོམ་ལུང་པའི་ནུབ་ཕྱོགས་ཀྱི་རི་རྩེར་སླེབས་ཤིང་། རེ་པཱ་པའི་ལུང་པའི་བྱང་མཐའི་ས་མཚམས་ཡིན།
[9] ཡང་རི་རྩེ་ནས་ནེབ་ཐོ་ཨའི་ཆུ་འགོ་ཡོད་སར་སླེབས་ཤིང་། ཨེབ་རོན་རི་བོའི་གྲོང་ཁྱེར་དུ་འདྲེས། ཡང་པཱ་ཨ་ལ་རུ་སླེབས། པཱ་ཨ་ལ་ནི་ཀིར་ཡཱད་ཡེ་ཨ་རིམ་ཡིན།
[10] ཡང་པཱ་ཨ་ལ་ནས་ནུབ་ཕྱོགས་སུ་སྐོར་ནས་སེ་ཨིར་རི་བོར་སླེབས་ཤིང་། ཡང་ཡེ་ཨ་རིམ་རི་བོའི་བྱང་ཕྱོགས་སུ་འབྲེལ། ཡེ་ཨ་རིམ་ནི་ཀེ་ས་ལོན་ཡིན། ཡང་མར་པེད་ཤེ་མེ་སི་རུ་བབས་ཏེ་ཐིམ་ནཱ་བརྒྱུད་ནས།
[11] ས་མཚམས་འདི་ནི་ཨེག་རོན་གྱི་བྱང་ཕྱོགས་སུ་འདྲེས་ཤིང་། སེག་རོན་དུ་སླེབས་པ་དང་པཱ་ཨ་ལ་རི་བོར་འབྲེལ། ཡང་ཡབ་ནེ་ཨེལ་དང་འདྲེས་ཤིང་རྒྱ་མཚོའི་བར་དུ་ཡིན་ནོ། །
[12] ནུབ་མཚམས་ནི་རྒྱ་མཚོ་ཆེན་པོ་དང་དེའི་ཉེ་འཁོར་ཡིན་ལ། དེ་ནི་ཡ་ཧུ་དཱ་པ་རྣམས་ལ་རུས་རྒྱུད་ལྟར་ཐོབ་པའི་ཡུལ་འཁོར་གྱི་ས་མཚམས་ཡིན་ནོ། །
[13] ཡོ་ཤུ་ཨ་ཡིས་གཙོ་བོ་ཡ་ཝཱེས་ཅི་ལྟར་བཀའ་བསྒོས་པ་བཞིན་ཡ་ཧུ་དཱ་པ་རྣམས་ཀྱི་ཡུལ་ཀིར་ཡཱད་ཨར་པཱ་ནི་ཡེ་ཕུན་ནེའི་བུ་ཀཱ་ལེབ་ལ་བགོས། ཀིར་ཡད་ཨར་པཱ་ནི་ཨ་ནག་པའི་ཕ་མེས་དང་ཧེབ་རོན་ཞེས་བྱ་བ་ཡིན་ནོ། །
[14] དེར་ཀཱ་ལེབ་ཀྱིས་ཨ་ནག་པའི་རུས་བདག་སྟེ། ཤེ་ཤཱ་ཨི་དང་ཨ་ཧི་མན། ཐལ་མ་ཨི་བཅས་གསུམ་པོ་དེ་ནས་ཕྱིར་བསྐྲད་པ་དང་།
[15] ཡང་དེ་ནས་ཡར་ཕྱིན་ཏེ་དི་བིར་པ་རྣམས་ལ་ཕར་རྒོལ་བྱས། དི་བིར་ལ་སྔར་ཀིར་ཡཱད་སེ་ཕེར་ཅེས་འབོད་པ་ཡིན།
[16] ཀཱ་ལེབ་ན་རེ། སུ་ཞིག་གིས་ཀིར་ཡཱད་སེ་ཕེར་ལ་བརྒྱབ་ནས་གྲོང་ཁྱེར་འཕྲོག་ནུས་ན་ངས་རང་གི་བུ་མོ་ཨག་ས་དེའི་ཆུང་མར་སྟེར་རྒྱུ་ཡིན་ཞེས་སྨྲས་པ་དང་།
[17] ཀཱ་ལེབ་ཀྱི་སྤུན་ཀེ་ན༌ཟཱ་ཡི་བུ་ཨོད་ནི་ཨེལ་གྱིས་གྲོང་ཁྱེར་དེ་ཕྲོགས་པས། ཀཱ་ཨེལ་གྱིས་བུ་མོ་ཨག་ས་དེའི་ཆུང་མར་བྱིན་ནོ། །
[18] ཨག་ས་བག་མར་གཏོང་བའི་སྐབས་སུ། སྐྱེས་པར་ཁོ་མོའི་ཕ་ལས་ཞིང་ཞིག་སློང་དགོས་པར་བསྐུལ་ཞིང་། ཨག་ས་བོང་བུ་ལས་བབས་མ་ཐག ཀཱ་ལེབ་ཀྱིས་ཁོ་མོར་ཁྱོད་ལ་ཅི་ཞིག་དགོས་སམ་ཅེས་དྲིས་པ་ལ།
[19] ཁོ་མོ་ན་རེ། ཁྱེད་ཀྱིས་ང་ལ་བྱིན་རླབས་གནང་བར་མཛོད། ཁྱེད་ཀྱིས་ང་རང་ནེ་གུབ་ཡུལ་དུ་བཞག་པས་ཆུ་མིག་ཅིག་ཀྱང་གནང་རོགས་ཞུ་ཞེས་ཞུས་པ་དང་། ཁོ་མོའི་ཕ་ཡིས་གོང་འོག་གཉིས་སུ་ཡོད་པའི་ཆུ་མིག་ཁོ་མོར་གནང་ངོ་། །
[20] འདི་ནི་ཡ་ཧུ་དཱའི་ཚོ་བར་རུས་རྒྱུད་ལྟར་ཐོབ་པའི་ས་སྐལ་ཡིན་ཏེ།
[21] ཡ་ཧུ་དཱ་ཚོ་བའི་ཨེ་དོམ་གྱི་ས་མཚམས་དང་ཉེ་བའི་ལྷོ་མཐའི་གྲོང་ཁྱེར་རྣམས་ནི་འདི་ལྟ་སྟེ། ཀབ་ཟེ་ཨེལ་དང་ཨེ་དེར། ཡ་གུར།
[22] ཁི་ན། དི་མོ་ན། ཨ་ད་ད།
[23] ཀེ་དེ་སི། ཧ་ཚོར། ཨིད་ནན།
[24] ཟིབ། ཏེ་ལེམ། པེ་ཨ་ལོད།
[25] ཧ་ཚོར་ཧ་ད་ཐཱ། ཀེར་ཡོད་ཧེས་རོན་ནམ་ཧ་ཚོར།
[26] ཨ་མམ། ཤེ་མ། མོ་ལ་དཱ།
[27] ཧ་ཚར་གད་ད། ཧེ་སི་མོན། པེད་ཕེ་ལེད།
[28] ཧ་ཚར་ཤུ་ཨལ། པེར་ཤ་བཱ། པེ་སི་ཡོད་ཡཱ།
[29] པཱ་ཨ་ལ། ཨི་ཡིམ། ཨེ་ཚེམ།
[30] ཨེལ་ཐོ་ལད། ཀེ་སིལ། ཧོར་མཱ།
[31] ཙིག་ལག མད་མན་ནཱ། སན་སན་ནཱ།
[32] ལེ་པ་ཨོད། ཤིལ་ཧིམ། ཨ་ཡིན། རིམ་མོན་བཅས་བསྡོམས་པས་གྲོང་ཁྱེར་ཉེར་དགུ་དང་དེར་གཏོགས་པའི་ཡུལ་ཚོ་རྣམས་སོ། །
[33] མཐོ་སྒང་དུ་ཨེ་སི་ཐ་ཨོལ་དང་ཚོར་ཨ། ཨ་སི་ནཱ།
[34] ཟཱ་ནོ་ཨ། ཨེན་གན་ནིམ། ཏ་ཕུ་ཨ། ཨེ་ནམ།
[35] ཡར་མུད། ཨ་དུལ་ལཱམ། སོ་ཀོ། ཨ་ཟེ་ཀཱ།
[36] ཤ་ཨ་ར་ཡིམ། ཨ་དི་ཐ་ཡིམ། གེ་དེ་ར། གེ་དེ་རོ་ཐ་ཡིམ་བཅས་བསྡོམས་པས་གྲོང་ཁྱེར་བཅུ་བཞི་དང་དེར་གཏོགས་པའི་ཡུལ་ཚོ་རྣམས་སོ། །
[37] ཡང་ཚེ་ནན་དང་ཧ་ད་ཤ། མིག་དལ་གཱ་རྡུ།
[38] དི་ལེ་ཨན། མི་ཙི་ཕེ། ཡོག་ཐེ་ཨེལ།
[39] ལཱ་ཀི་སི། པོ་ཚཱ་ཀད། ཨེག་ལོན།
[40] ཀབ་པོན། ལག་མས། ཀིད་ལིས།
[41] གེ་དེ་རོད། པེད་ད་གོན། ན་ཨ་མ། མག་ཀེ་དཱ་བཅས་བསྡོམས་པས་གྲོང་ཁྱེར་བཅུ་དྲུག་དང་དེར་གཏོགས་པའི་ཡུལ་ཚོ་རྣམས་སོ། །
[42] ཡང་ལིབ་ནཱ་དང་ཨེ་ཐེར། ཨ་ཤན།
[43] ཡིབ་ཐ། ཨ་སི་ནཱ། ནེ་ཚིབ།
[44] ཀེ་ཨི་ལཱ། ཨག་ཟིབ། མཱ་རེ་ཤ་བཅས་བསྡོམས་པས་གྲོང་ཁྱེར་དགུ་དང་དེར་གཏོགས་པའི་ཡུལ་སྡེ་རྣམས་སོ། །
[45] ཡང་ཨེག་རོན་དང་དེར་གཏོགས་པའི་གྲོང་ཁྱེར་དང་ཡུལ་ཚོ་རྣམས།
[46] ཨེག་རོན་ནས་རྒྱ་མཚོའི་བར་དུ། ཨ་སི་དོད་ཉེ་འཁོར་གྱི་ཡུལ་ཐམས་ཅད་དང་དེར་གཏོགས་པའི་ཡུལ་ཚོ་རྣམས།
[47] ཨ་སི་དོད་དང་དེར་གཏོགས་པའི་གྲོང་ཁྱེར་དང་ཡུལ་ཚོ་རྣམས་དང་། གཱ་ཟཱ་དང་དེར་གཏོགས་པའི་གྲོང་ཁྱེར་དང་ཡུལ་ཚོ་རྣམས། ཨེ་ཅིབ་ཆུ་བོ་བར་དང་རྒྱ་མཚོ་ཆེན་པོ་དང་དེའི་ཉེ་འཁོར་གྱི་ཡུལ་རྣམས་ཀྱི་བར་དུ་ཡིན།
[48] རི་ཁུལ་དུ་ཤཱ་མིར་དང་ཡད་ཏིར། སོ་ཀོ།
[49] དན་ན། ཀིར་ཡཱད་སན་ནའམ་དི་བིར།
[50] ཨ་ནབ། ཨེ་སི་ཐེ་མོ། ཨ་ནིམ།
[51] གོ་ཤེན། ཧོ་ལོན། གེ་ལོ་བཅས་བསྡོམས་པས་གྲོང་ཁྱེར་བཅུ་གཅིག་དང་དེར་གཏོགས་པའི་ཡུལ་ཚོ་རྣམས་སོ། །
[52] ཡང་ཨ་རབ་དང་རུ་མཱ། ཨེ་སཱ་ཨན།
[53] ཡ་ནུམ། པེད་ཐ་ཕུ་ཨ། ཨ་ཕེ་ཀ
[54] ཧུམ་ཏ། ཀིར་ཡཱད་ཨར་པཱའམ་ཧེབ་རོན། ཚི་ཨོར་བཅས་བསྡོམས་པས་གྲོང་ཁྱེར་དགུ་དང་དེར་གཏོགས་པའི་ཡུལ་ཚོ་རྣམས་སོ། །
[55] ཡང་མཱ་ཨོན་དང་ཀར་མེལ། ཟིབ། ཡུད་ཏ།
[56] ཡེ་སི་རེ་ཨེལ། ཡོག་དེ་ཨམ། ཟཱ་ནོ་ཨ།
[57] ཀཱ་ཡིན། གིབ་ཨ། ཐིམ་ནཱ་བཅས་བསྡོམས་པས་གྲོང་ཁྱེར་བཅུ་དང་དེར་གཏོགས་པའི་ཡུལ་ཚོ་རྣམས་སོ། །
[58] ཡང་ཧལ་ཧུལ་དང་པེད་ཚུར། གེ་དོར།
[59] མ་ཨ་རད། པེད་ཨ་ནོད། ཨེལ་ཐེ་ཁོན་བཅས་བསྡོམས་པས་གྲོང་ཁྱེར་དྲུག་དང་དེར་གཏོགས་པའི་ཡུལ་ཚོ་རྣམས་སོ། །
[60] ཡང་ཀིར་ཡཱད་པཱ་ཨལ་ལམ་ཀིར་ཡཱད་ཡེ་ཨ་རིམ་དང་རབ་པ་སྟེ་བསྡོམས་པས་གྲོང་ཁྱེར་གཉིས་དང་དེར་གཏོགས་པའི་ཡུལ་ཚོ་རྣམས་སོ། །
[61] དབེན་སྟོང་དུ་པེད་ཨ་ར་པ་དང་མིད་དིན། སེ་ཀ་ཀ
[62] ནིབ་ཤན། ཨིར་ཧ་མེ་ལག ཨེན་གེ་དི་བཅས་བསྡོམས་པས་གྲོང་ཁྱེར་དྲུག་དང་དེར་གཏོགས་པའི་ཡུལ་ཚོ་རྣམས་སོ། །
[63] ཡེ་རུ་སཱ་ལེམ་དུ་གནས་པའི་ཡེ་བུ་སི་པ་རྣམས་ནི་ཡ་ཧུ་དཱ་པ་རྣམས་ཀྱིས་ཕྱིར་བསྐྲོད་མ་ནུས་པས། ཡེ་བུ་སི་པ་རྣམས་ནི་ད་ལྟའི་བར་དུ་ཡེ་རུ་སཱ་ལེམ་དུ་ཡ་ཧུ་དཱ་པ་རྣམས་དང་ལྷན་ཅིག་ཏུ་གནས་སོ། །