[1] ຈົ່ງເຕືອນສະຕິພວກເຂົາໃຫ້ຢູ່ໃຕ້ບັງຄັບຜູ້ປົກຄອງ ແລະຜູ້ມີອຳນາດ ຄືໃຫ້ນ້ອມຟັງແລະມີໃຈພ້ອມທີ່ຈະເຮັດການດີທຸກຢ່າງ.
[2] ຢ່າໃຫ້ພວກເຂົາໝິ່ນປະໝາດຜູ້ໃດຈັກຄົນ ຢ່າໃຫ້ເປັນຄົນມັກຜິດຖຽງກັນ ແຕ່ໃຫ້ເປັນຄົນເອົາອົກ^ເອົາໃຈ ສະແດງຄວາມ^ອ່ອນສຸພາບແກ່ຄົນທັງປວງ.
[3] ເພາະວ່າເມື່ອກ່ອນນັ້ນ ພວກເຮົາເອງກໍເປັນຄົນໂງ່, ບໍ່ຍອມເຊື່ອຟັງ, ຖືກເຂົາຫລອກລວງໃຫ້ຫລົງ, ເປັນຂ້ອຍຂ້າຂອງ^ກິເລດ^ຕັນຫາ ແລະການສະໜຸກສະໜານຫລາຍປະການ, ເຄີຍໃຊ້ເວລາໃນການຄິດຮ້າຍ ແລະໃນຄວາມ^ເຫິງສາ, ເປັນຄົນໜ້າຊັງ ແລະກຽດຊັງກັນ.
[4] ແຕ່ເມື່ອພຣະເມດຕາຂອງ^ພຣະເຈົ້າ ຜູ້ຊົງໂຜດເຮົາທັງຫລາຍໃຫ້ພົ້ນ ແລະຄວາມຮັກຂອງ^ພຣະອົງເພື່ອມະນຸດທັງຫລາຍ ໄດ້ສ່ອງມາປາກົດແລ້ວ,
[5] ພຣະອົງໄດ້ຊົງໂຜດເຮົາທັງຫລາຍໃຫ້ພົ້ນ ບໍ່ແມ່ນຍ້ອນກິດຈະການອັນຊອບທຳທີ່ພວກເຮົາເອງໄດ້ເຮັດ ແຕ່ພຣະອົງໄດ້ຊົງພຣະກະຣຸນາຊຳລະໃຫ້ພວກເຮົາມີໃຈບັງເກີດ^ໃໝ່ ແລະຊົງສ້າງພວກເຮົາຂຶ້ນໃໝ່ ໂດຍພຣະວິນຍານບໍຣິສຸດເຈົ້າ.
[6] ພຣະເຈົ້າໄດ້ຖອກເທພຣະວິນຍານບໍຣິສຸດເຈົ້າໃສ່ພວກເຮົາຢ່າງລົ້ນເຫລືອ ໂດຍທາງພຣະເຢຊູ^ຄຣິດເຈົ້າ ອົງເປັນພຣະຜູ້ໂຜດຊ່ວຍໃຫ້ພົ້ນຂອງ^ພວກເຮົາ,
[7] ເພື່ອວ່າ ເມື່ອຊົງປະກາດໄວ້ວ່າ ພວກເຮົາເປັນຄົນຊອບທຳດ້ວຍພຣະຄຸນຂອງ^ພຣະອົງນັ້ນແລ້ວ ພວກເຮົາກໍຈະໄດ້ຮັບມໍຣະດົກ ຄືຊີວິດນິຣັນດອນຕາມຄວາມຫວັງ.
[8] ຄຳນີ້ເປັນຄຳສັດຈິງ. ເຮົາປາຖະໜາໃຫ້ເຈົ້າເນັ້ນເຖິງເລື່ອງເຫລົ່ານີ້ ເພື່ອຄົນທັງຫລາຍທີ່ເຊື່ອໃນພຣະເຈົ້າແລ້ວ ຈະເອົາໃຈໃສ່ເຮັດການດີ ການເຫລົ່ານີ້ດີແລະມີປະໂຫຍດແກ່ຄົນທັງປວງ.
[9] ແຕ່ຈົ່ງຫລີກເວັ້ນຈາກການໂຕ້ຖຽງອັນໂງ່ງ່າວ, ເລື່ອງລຳດັບເຊື້ອວົງອັນຍືດຍາວຂອງ^ບັນພະບຸລຸດ, ການຜິດຖຽງກັນ ແລະການຕໍ່ສູ້ກັນເຖິງເລື່ອງກົດບັນຍັດ, ສິ່ງເຫລົ່ານັ້ນເປັນການໄຮ້ປະໂຫຍດແລະບໍ່ມີຄຸນຄ່າ.
[10] ຄົນໃດທີ່ຍຸແຫຍ່ໃຫ້ເກີດການແຕກແຍກກັນ ເມື່ອໄດ້ເຕືອນເຂົາຄັ້ງໜຶ່ງ ຫລືສອງຄັ້ງແລ້ວ ຢ່າກ່ຽວຂ້ອງກັບຄົນນັ້ນອີກຕໍ່ໄປ.
[11] ເພາະຮູ້ແລ້ວວ່າ ຄົນຢ່າງນັ້ນ ເປັນຄົນພິກປີ້ນ ຫລົງໄປເຮັດຜິດບາບ ຈຶ່ງປັບໂທດໃສ່ຕົນເອງ.
[12] ເມື່ອເຮົາໃຊ້ອາເຕມາ ຫລືຕີຂີໂກໄປຫາເຈົ້ານັ້ນ ເຈົ້າຈົ່ງພະຍາຍາມມາຫາເຮົາ ທີ່ເມືອງນີໂກໂປລີ ເພາະເຮົາຕັດສິນໃຈແລ້ວວ່າ ຈະພັກຢູ່ທີ່ນັ້ນຈົນໝົດລະດູໜາວ.
[13] ຈົ່ງພະຍາຍາມຊ່ວຍເຊນັດ ຜູ້ເປັນທະນາຍຄວາມ ແລະ ອາໂປໂລໃຫ້ເລີ່ມອອກເດີນທາງໄປໃຫ້ໄດ້ ຢ່າໃຫ້ພວກເພິ່ນຂັດສົນສິ່ງໃດ.
[14] ພີ່ນ້ອງຂອງ^ພວກເຮົານັ້ນ ໃຫ້ຮຽນຮູ້ທີ່ຈະເຮັດການດີເໝືອນກັນ ເພື່ອຈະເປັນປະໂຫຍດເມື່ອເຖິງຄາວຈຳເປັນ ແລະເພື່ອພວກເຂົາຈະບໍ່ເປັນຄົນທີ່ບໍ່ເກີດຜົນ.
[15] ທຸກຄົນທີ່ຢູ່ນຳເຮົາ ກໍຝາກຄວາມ^ຄິດເຖິງມາຍັງເຈົ້າ ເຈົ້າຈົ່ງສົ່ງຄວາມ^ຄິດເຖິງຂອງ^ພວກເຮົາ ໄປຍັງບັນດາພີ່ນ້ອງທີ່ຮັກຂອງ^ພວກເຮົາ ໃນຄວາມເຊື່ອອັນດຽວກັນ. ຂໍພຣະຄຸນ ຈົ່ງສະຖິດຢູ່ກັບພວກເຈົ້າທຸກຄົນເທີ້ນ. 22-Jul-2009@18:43, Backup Description=19-Aug-2009@11:28, Le Khac Tam - 01-Sep-2009@13:06, Backup Description=31-Jul-2009@08:50, Bounthanh - 20-ต.ค.-2552@10:41, Backup Description=15-Sep-2009@14:35, Bounveun - 19-พ.ย.-2552@09:28, Backup Description=17-พ.ย.-2552@09:49, BOUNTHANH - 01-ม.ค.-2547@06:01, Backup Description=23-Mar-2010@15:39, Le Khac Tam - 01-ม.ค.-2547@00:19, Backup Description=16-Sep-2010@15:11, Le Khac Tam -