[1] ແຕ່ຝ່າຍເຈົ້ານັ້ນ ຈົ່ງສອນເນັ້ນໃຫ້ສອດຄ່ອງກັບຫລັກຄຳສອນອັນຖືກຕ້ອງ.
[2] ຈົ່ງແນະນຳພວກຜູ້ຊາຍທີ່ອາວຸໂສ ໃຫ້ເປັນຄົນຮູ້ຈັກບັງຄັບຕົນ, ເປັນຄົນສະຫງ່າ^ຜ່າເຜີຍ ແລະເປັນຄົນມີສະຕິອາຣົມດີຮອບຄອບ, ເປັນຄົນມີຄວາມເຊື່ອ, ຄວາມຮັກ ແລະຄວາມ^ອົດທົນ.
[3] ໃນທຳນອງ^ດຽວກັນ ຈົ່ງແນະນຳພວກແມ່ຍິງທີ່ອາວຸໂສ ໃຫ້ປະພຶດຕົນສົມກັບເປັນຄົນຂອງ^ພຣະເຈົ້າ ພວກເຂົາຕ້ອງບໍ່ເປັນຄົນມັກກ່າວນິນທາໃສ່ຮ້າຍ^ປ້າຍສີ ຫລືຕິດເຫລົ້າເມົາສຸຣາ ພວກເຂົາຕ້ອງເປັນຜູ້ສັ່ງສອນຄຸນງາມ^ຄວາມດີ
[4] ເພື່ອແອບສອນພວກຍິງໜຸ່ມໃຫ້ຮັກຜົວ ແລະລູກຂອງຕົນ
[5] ໃຫ້ເປັນຄົນມີສະຕິອັນດີຮອບຄອບ, ເປັນຄົນບໍຣິສຸດ, ເປັນຄົນເອົາໃຈໃສ່ໃນວຽກບ້ານ^ການເຮືອນ, ເປັນຄົນມີໃຈເມດຕາ ແລະ ເປັນຄົນນອບນ້ອມເຊື່ອຟັງຜົວຂອງຕົນ ເພື່ອພຣະທຳຂອງ^ພຣະເຈົ້າຈະບໍ່ຖືກໝິ່ນປະໝາດ.
[6] ໃນທຳນອງ^ດຽວກັນ ຈົ່ງຕັກເຕືອນພວກຊາຍໜຸ່ມໃຫ້ເປັນຄົນມີສະຕິທີ່ຄວບຄຸມອາຣົມຂອງ^ຕົນເອງໄດ້.
[7] ຝ່າຍເຈົ້ານັ້ນ ຈົ່ງເປັນແບບຢ່າງໃນຄວາມດີທຸກປະການ ຈົ່ງເປັນຄົນຈິງໃຈ ແລະໜັກແໜ້ນໃນຄຳສັ່ງສອນ.
[8] ຈົ່ງໃຊ້ຄຳເວົ້າອັນຖືກຕ້ອງທ່ຽງທຳ ເພື່ອຈະບໍ່ມີຜູ້ໃດຕິຕຽນໄດ້ ເພື່ອວ່າຜູ້ທີ່ຂັດຂວາງເຈົ້ານັ້ນຈະໄດ້ຮັບຄວາມ^ອັບອາຍ ໂດຍບໍ່ມີຄຳຊົ່ວຊ້າອັນໃດ ທີ່ຈະວ່າກ່າວພວກເຮົາໄດ້.
[9] ບັນດາທາດຮັບໃຊ້ ຕ້ອງຍອມອ່ອນນ້ອມເຊື່ອຟັງຕໍ່ນາຍຂອງຕົນ ແລະໃຫ້ເຮັດຖືກໃຈນາຍໃນທຸກສິ່ງ ແລະບໍ່ໃຫ້ເປັນຄົນຖຽງຄວາມ,
[10] ຢ່າໃຫ້ເປັນຄົນລັກໂລບເຊື່ອງບັງສິ່ງໃດ ແຕ່ໃຫ້ສັດຊື່ສຸດຈະຣິດໃນທຸກສິ່ງ ເພື່ອວ່າໃນການທັງປວງນັ້ນ ເຂົາຈະໄດ້ເທີດທູນພຣະກຽດຄຳສອນເລື່ອງພຣະເຈົ້າ ຜູ້ຊົງໂຜດເຮົາທັງຫລາຍໃຫ້ພົ້ນ.
[11] ເພາະວ່າພຣະຄຸນຂອງ^ພຣະເຈົ້າໄດ້ຊົງເປີດເຜີຍແລ້ວ ເພື່ອນຳຄວາມ^ລອດພົ້ນມາໃຫ້ຄົນທັງປວງ.
[12] ພຣະຄຸນນັ້ນ ສອນພວກເຮົາໃຫ້ປະຖິ້ມການດຳເນີນຊີວິດ ໃນຝ່າຍທາງຊົ່ວຊ້າອະທຳແລະຕັນຫາຝ່າຍໂລກ ແລະໃຫ້ດຳເນີນຊີວິດຢ່າງມີສະຕິອາຣົມດີຮອບຄອບ ຖືກຕ້ອງເປັນທຳ ແລະສັດຊື່ບໍຣິສຸດຕໍ່ພຣະເຈົ້າ,
[13] ໃນຂະນະທີ່ພວກເຮົາກຳລັງລໍຖ້າຄວາມຫວັງອັນໜ້າຍິນດີ ແລະການມາປາກົດຂອງ^ສະຫງ່າຣາສີຂອງ^ພຣະເຈົ້າອົງຍິ່ງໃຫຍ່ ຄືອົງພຣະເຢຊູ^ຄຣິດເຈົ້າ ພຣະຜູ້ໂຜດໃຫ້ພົ້ນຂອງ^ພວກເຮົາ ຈະມາປາກົດ.
[14] ພຣະອົງໄດ້ສະຫລະພຣະອົງເອງ ແທນພວກເຮົາທັງຫລາຍ ເພື່ອຊ່ວຍກູ້ເອົາພວກເຮົາໃຫ້ພົ້ນຈາກຄວາມ^ຊົ່ວຊ້າທຸກຢ່າງ ແລະເພື່ອຊຳລະພວກເຮົາໃຫ້ເປັນຜູ້ບໍຣິສຸດ ເພື່ອເປັນໄພ່ພົນຂອງ^ພຣະອົງໂດຍ^ສະເພາະ ແລະມີໃຈຮ້ອນຮົນສຳລັບເຮັດຄວາມດີ.
[15] ຂໍ້ຄວາມ^ຂ້າງເທິງນີ້ ເຈົ້າຈົ່ງໃຊ້ວ່າກ່າວ, ຕັກເຕືອນ ແລະບອກສອນພວກເຂົາຢ່າງໜັກແໜ້ນ ຢ່າໃຫ້ຜູ້ໃດໝິ່ນປະໝາດເຈົ້າໄດ້.