[1] ເຫດສະນັ້ນ ຖ້າຊີວິດໃນພຣະຄຣິດອຳນວຍການຊູກຳລັງໃຈ, ຖ້າມີຄວາມ^ເລົ້າໂລມປະການໃດໃນຄວາມຮັກ, ຖ້າມີສ່ວນຮ່ວມໃຈກັບພຣະວິນຍານປະການໃດ, ຖ້າມີຄວາມ^ເມດຕາເອັນດູປະການໃດ,
[2] ກໍຂໍໃຫ້ເຈົ້າ^ທັງຫລາຍເຮັດໃຫ້ຄວາມ^ຍິນດີຂອງເຮົາຄົບເຕັມ ດ້ວຍການທີ່ມີຄວາມ^ຄິດຢ່າງດຽວກັນ ມີຄວາມຮັກຢ່າງດຽວກັນ ມີໃຈຮ່ວມສາມັກຄີເປັນນໍ້າໜຶ່ງໃຈດຽວກັນ.
[3] ຢ່າເຮັດສິ່ງໃດໃນທາງຊີງດີຫລືຖືດີກັນ ແຕ່ຈົ່ງຖ່ອມໃຈລົງ ຖືວ່າຄົນອື່ນດີກວ່າຕົນ.
[4] ຢ່າໃຫ້ຜູ້ໃດເຫັນແກ່ຜົນປະໂຫຍດຂອງຕົນແຕ່ຝ່າຍດຽວ, ແຕ່ຈົ່ງຄິດເຖິງຜົນປະໂຫຍດຂອງ^ຄົນອື່ນດ້ວຍ.
[5] ເຈົ້າ^ທັງຫລາຍຈົ່ງມີນໍ້າໃຈຕໍ່ກັນ ເໝືອນຢ່າງທີ່ມີໃນພຣະຄຣິດເຈົ້າ^ເຢຊູ,
[6] ພຣະອົງຊົງສະພາບຂອງ^ພຣະເຈົ້າ ແຕ່ບໍ່ໄດ້ຊົງຖືວ່າການເທົ່າທຽມ ກັບພຣະເຈົ້ານັ້ນ ເປັນສິ່ງທີ່ຕ້ອງຢຶດຫວງໄວ້
[7] ແຕ່ໄດ້ກັບຊົງຍອມສະຫລະ ແລະ ຊົງຮັບສະພາບຂ້ອຍຂ້າ. ຊົງຖືກຳເນີດເປັນມະນຸດ.
[8] ແລະເມື່ອຊົງປາກົດພຣະອົງ ໃນສະພາບມະນຸດແລ້ວ ພຣະອົງກໍຊົງຖ່ອມພຣະອົງລົງ. ຍອມເຊື່ອຟັງຈົນເຖິງຄວາມ^ມໍຣະນາ ຄືເຖິງຄວາມ^ມໍຣະນາທີ່ໄມ້ກາງແຂນ.
[9] ເຫດສະນັ້ນ ພຣະເຈົ້າຈຶ່ງໄດ້ຊົງຍົກພຣະອົງ ຂຶ້ນເຖິງທີ່ສູງສຸດ ແລະ ໄດ້ຊົງປະທານພຣະນາມນັ້ນ ຊຶ່ງຢູ່ເໜືອນາມທັງປວງໃຫ້ແກ່ພຣະອົງ.
[10] ເພື່ອເພາະພຣະນາມນັ້ນ ທຸກຫົວເຂົ່າໃນສະຫວັນ ເທິງແຜ່ນດິນ^ໂລກ ແລະໃຕ້ພື້ນດິນກໍດີ ຈະຄຸເຂົ່າລົງ ຂາບພຣະເຢຊູເຈົ້າ.
[11] ເພື່ອທຸກລີ້ນຈະຍອມຮັບວ່າ ພຣະເຢຊູ^ຄຣິດເຈົ້າຊົງເປັນ ອົງພຣະ^ຜູ້^ເປັນເຈົ້າ ອັນເປັນການຖວາຍພຣະກຽດ ແກ່ພຣະເຈົ້າຄືພຣະບິດາເຈົ້າ.
[12] ດ້ວຍເຫດນີ້ ພວກທີ່ຮັກຂອງເຮົາ^ເອີຍ, ເໝືອນດັ່ງເຈົ້າ^ທັງຫລາຍເຄີຍເຊື່ອຟັງທຸກເວລາສັນໃດ ພວກເຈົ້າຈົ່ງອົດສາພະຍາຍາມດ້ວຍຄວາມ^ຢຳເກງແລະຕົວສັ່ນ ເພື່ອໃຫ້ໄດ້ຄວາມ^ພົ້ນສັນນັ້ນ ບໍ່ແມ່ນສະເພາະແຕ່ເມື່ອເຮົາຢູ່ນຳພວກເຈົ້າເທົ່ານັ້ນ ແຕ່ຈົ່ງເຮັດຫລາຍກວ່ານັ້ນອີກໃນເມື່ອເຮົາບໍ່ຢູ່ນຳ.
[13] ເພາະວ່າແມ່ນພຣະເຈົ້າ ເປັນຜູ້ຊົງກະທຳການຢູ່ພາຍໃນເຈົ້າ^ທັງຫລາຍໃຫ້ມີໃຈປາຖະໜາ ແລະໃຫ້ເຮັດໄປເພື່ອເປັນທີ່ພໍພຣະໄທຂອງ^ພຣະອົງ.
[14] ຈົ່ງເຮັດທຸກສິ່ງໂດຍບໍ່ມີການຈົ່ມແລະການຖົກຖຽງກັນ,
[15] ເພື່ອວ່າພວກເຈົ້າຈະບໍ່ຖືກຕິຕຽນ ແລະບໍ່ມີຄວາມຜິດ ເປັນລູກຂອງ^ພຣະເຈົ້າຜູ້ປາສະຈາກຄວາມຜິດ ໃນການດຳເນີນຊີວິດຢູ່ໃນໂລກ ທີ່ເຕັມໄປດ້ວຍການສໍ້ໂກງແລະຊົ່ວຊ້າ. ພວກເຈົ້າຕ້ອງສ່ອງແຈ້ງຢູ່ໃນທ່າມກາງພວກເຂົາ ດັ່ງດວງດາວທີ່ສ່ອງແສງຢູ່ໃນທ້ອງຟ້າ,
[16] ໂດຍນຳພຣະທຳທີ່ໃຫ້ຊີວິດໄປສູ່ພວກເຂົາ ຖ້າເຮັດດັ່ງນັ້ນ, ເຮົາກໍຈະມີເຫດຜົນອວດອ້າງໄດ້ໃນວັນຂອງ^ພຣະຄຣິດວ່າ ຄວາມ^ບາກບັ່ນແລະພາລະກິດຂອງເຮົາທັງໝົດ ບໍ່ໄດ້ໄຮ້ປະໂຫຍດ.
[17] ບາງທີເຮົາອາດຈະຖືກປະຫານຕ້ອງຫລັ່ງເລືອດອອກຖອກລົງໃຫ້ຄົບເຄື່ອງບູຊາຄືຄວາມ^ເຊື່ອຂອງພວກເຈົ້າແກ່ພຣະເຈົ້າ ຖ້າເປັນຢ່າງນັ້ນ ເຮົາກໍຈະດີໃຈ ແລະຊົມຊື່ນ^ຍິນດີຮ່ວມກັບພວກເຈົ້າທຸກຄົນ.
[18] ຊຶ່ງເຈົ້າ^ທັງຫລາຍກໍຄວນຈະຍິນດີດ້ວຍກັນກັບເຮົາ ແລະຊື່ນຊົມດ້ວຍຢ່າງດຽວກັນ.
[19] ຖ້າເປັນນໍ້າພຣະໄທຂອງ^ອົງພຣະເຢຊູເຈົ້າ ເຮົາຫວັງວ່າ ຈະໃຊ້ຕີໂມທຽວມາຫາພວກເຈົ້າໃນບໍ່ຊ້ານີ້ ເພື່ອວ່າເຮົາຈະໄດ້ຮັບຄວາມ^ໜູນໃຈ ເມື່ອໄດ້ຍິນຂ່າວກ່ຽວກັບພວກເຈົ້າ.
[20] ເຮົາບໍ່ມີຜູ້ໃດທີ່ມີນໍ້າໃຈເໝືອນຕີໂມທຽວ ຜູ້ເປັນຄົນເອົາໃຈໃສ່ໃນຄວາມ^ສຸກທຸກຂອງ^ພວກເຈົ້າໂດຍແທ້.
[21] ສ່ວນຄົນອື່ນໆ ຕ່າງກໍຫ່ວງນຳແຕ່ທຸລະສ່ວນຕົວຂອງຕົນ ບໍ່ຫ່ວງນຳພາລະກິດຂອງ^ພຣະເຢຊູ^ຄຣິດເຈົ້າ.
[22] ພວກເຈົ້າເອງກໍຮູ້ດີແລ້ວວ່າ ເພິ່ນໄດ້ພິສູດຄຸນຄ່າຂອງ^ເພິ່ນແລ້ວ ແລະເພິ່ນກັບເຮົາກໍເປັນດັ່ງລູກກັບພໍ່ ທີ່ໄດ້ດຳເນີນພາລະກິດຮ່ວມກັນ ເພື່ອເຫັນແກ່ຂ່າວປະເສີດ.
[23] ສະນັ້ນ ເຮົາຈຶ່ງຫວັງຈະໃຊ້ເພິ່ນມາຫາພວກເຈົ້າທັນທີໂລດ ເມື່ອເຮົາຮູ້ຢ່າງຈະແຈ້ງເຖິງຊາຕາກຳຂອງເຮົາ.
[24] ຝ່າຍເຮົາກໍວາງໃຈໃນອົງພຣະ^ຜູ້^ເປັນເຈົ້າວ່າ ເຮົາຈະມາຫາພວກເຈົ້າໃນບໍ່ຊ້ານີ້ເໝືອນກັນ.
[25] ເຮົາຄິດເຫັນວ່າ ມີຄວາມ^ຈຳເປັນທີ່ຈະໃຊ້ເອປາໂຟດີໂຕ ນ້ອງຊາຍຂອງເຮົາໄປຫາພວກເຈົ້າ ເພິ່ນເປັນຜູ້ຮ່ວມງານ ແລະເປັນຜູ້ສູ້ຮົບຄຽງບ່າ^ຄຽງໄຫລ່ກັບເຮົາ ເພິ່ນເປັນຜູ້ທີ່ພວກເຈົ້າໃຊ້ມາຊ່ວຍເຫລືອເກື້ອກຸນເຮົາໃນຍາມຂັດສົນ.
[26] ເພິ່ນມີໃຈຮ້ອນຮົນຢາກເຫັນພວກເຈົ້າທຸກຄົນ ແລະ ເປັນທຸກໃຈເນື່ອງຈາກພວກເຈົ້າໄດ້ຮັບຂ່າວວ່າເພິ່ນບໍ່ສະບາຍ.
[27] ຕາມທີ່ຈິງແລ້ວເພິ່ນປ່ວຍເກືອບຕາຍ ແຕ່ພຣະເຈົ້າໄດ້ຊົງໂຜດເມດຕາ ພຣະອົງບໍ່ໄດ້ຊົງໂຜດເມດຕາພຽງແຕ່ເພິ່ນຜູ້ດຽວເທົ່ານັ້ນ ແຕ່ແກ່ເຮົາດ້ວຍ ເພື່ອບໍ່ໃຫ້ເຮົາມີຄວາມ^ທຸກ^ຊ້ອນທຸກ.
[28] ສະນັ້ນ ເຮົາຈຶ່ງຟ້າວໃຊ້ເພິ່ນກັບຄືນມາຫາພວກເຈົ້າ ເພື່ອວ່າພວກເຈົ້າຈະດີໃຈຕື່ມອີກເມື່ອເຫັນເພິ່ນ ແລະຄວາມ^ທຸກໃຈຂອງເຮົາກໍຈະເບົາບາງລົງ.
[29] ເຫດສະນັ້ນ ຈົ່ງຕ້ອນຮັບເພິ່ນໄວ້ດ້ວຍຄວາມ^ຊົມຊື່ນ^ຍິນດີ ເໝືອນດັ່ງພີ່ນ້ອງຄົນໜຶ່ງໃນອົງພຣະ^ຜູ້^ເປັນເຈົ້າ ແລະໃຫ້ນັບຖືທຸກຄົນທີ່ເປັນແບບດຽວກັນກັບເພິ່ນ,
[30] ເພາະເພິ່ນໄດ້ສ່ຽງຊີວິດເກືອບຕາຍ ເພື່ອພາລະກິດຂອງ^ພຣະຄຣິດ ທັງໄດ້ສ່ຽງຊີວິດເຮັດໜ້າທີ່ບົວລະບັດຮັບໃຊ້ເຮົາຕາງພວກເຈົ້າທີ່ບໍ່ອາດເຮັດໄດ້.