[1] ພວກທີ່ຮັກ^ເອີຍ, ນີ້ແຫລະ ເປັນຈົດໝາຍສະບັບທີສອງ ທີ່ຂ້າພະເຈົ້າໄດ້ຂຽນມາເຖິງເຈົ້າ^ທັງຫລາຍ, ໃນຈົດໝາຍທັງສອງສະບັບນີ້ ຂ້າພະເຈົ້າໄດ້ປຸກເຕືອນຈິດໃຈອັນສັດຊື່ຂອງ^ພວກເຈົ້າໃຫ້ລະນຶກເຖິງ.
[2] ເພື່ອໃຫ້ພວກເຈົ້າຈົດຈຳຖ້ອຍຄຳທັງຫຼາຍ ຊຶ່ງພວກຜູ້ທຳນວາຍຜູ້ບໍຣິສຸດ ໄດ້ກ່າວໄວ້ເມື່ອກ່ອນນັ້ນ ທັງຂໍ້ຄຳສັ່ງຈາກອົງພຣະ^ຜູ້^ເປັນເຈົ້າ ຄືພຣະຜູ້ຊົງໂຜດຊ່ວຍໃຫ້ພົ້ນ ຊຶ່ງພວກອັກຄະສາວົກໄດ້ສັ່ງສອນແກ່ພວກເຈົ້ານັ້ນ.
[3] ກ່ອນອື່ນ ຈົ່ງຮູ້ຂໍ້ນີ້ ຄືຄາວສຸດທ້າຍຈະມີຄົນເຢາະເຢີ້ຍມາເວົ້າສຽດສີຕາມໃຈປາຖະໜາຂອງຕົນ.
[4] ພວກເຂົາຈະຖາມວ່າ, “ຄຳທີ່ຊົງສັນຍາໄວ້ວ່າ ພຣະອົງຈະສະເດັດມານັ້ນຢູ່ໃສ? ເພາະວ່າຕັ້ງແຕ່ບັນພະບຸລຸດລ່ວງລັບໄປແລ້ວ ສິ່ງທັງປວງກໍເປັນຢູ່ເໝືອນເດີມ ຕັ້ງແຕ່ເລີ່ມຕົ້ນຊົງສ້າງໂລກ”
[5] ເພາະວ່າພວກເຂົາເຮັດຄືລືມຂໍ້ນີ້ເສຍ ດ້ວຍພຣະທຳຂອງ^ພຣະເຈົ້າ ຟ້າສະຫວັນຈຶ່ງໄດ້ມີຢູ່ຕັ້ງແຕ່ບູຮານ ແລະແຜ່ນດິນ^ໂລກຈຶ່ງໄດ້ເກີດຂຶ້ນຈາກນໍ້າແລະດ້ວຍທາງນໍ້າ.
[6] ດ້ວຍນໍ້ານັ້ນແຫລະ ມະນຸດສະໂລກໃນສະໄໝບູຮານ ຈຶ່ງຖືກທຳລາຍດ້ວຍນໍ້າຖ້ວມ.
[7] ໂດຍພຣະທຳອັນດຽວກັນນັ້ນແຫລະ ຟ້າແລະດິນທີ່ມີຢູ່ໃນປະຈຸບັນນີ້ ກໍຊົງຮັກສາໄວ້ສຳລັບໃຫ້ໄຟເຜົາຜານເສຍ ຄືຊົງຮັກສາໄວ້ຈົນກວ່າຈະເຖິງວັນທີ່ບັນດາມະນຸດທີ່ບໍ່ນັບຖືພຣະເຈົ້າ ຈະຊົງຖືກພິພາກສາແລະຈິບຫາຍໄປ.
[8] ແຕ່ພວກທີ່ຮັກ^ເອີຍ ຢ່າລືມຂໍ້ນີ້ວ່າ ຕໍ່ພຣະພັກຂອງ^ອົງພຣະ^ຜູ້^ເປັນເຈົ້າ ວັນດຽວກໍເໝືອນກັບພັນປີ ແລະພັນປີກໍເໝືອນກັບວັນດຽວ.
[9] ອົງພຣະ^ຜູ້^ເປັນເຈົ້າບໍ່ໄດ້ຊົງເສີຍຊ້າ ທີ່ຈະເຮັດໃຫ້ພຣະສັນຍາຂອງ^ພຣະອົງສຳເລັດ ເໝືອນດັ່ງທີ່ບາງຄົນນັ້ນຄິດວ່າຊ້າ ແຕ່ພຣະອົງຊົງອົດທົນດົນນານ ເພາະເຫັນແກ່ເຈົ້າທັງຫຼາຍ. ພຣະອົງບໍ່ປະສົງໃຫ້ຜູ້ໃດ^ຜູ້ໜຶ່ງຕ້ອງຈິບຫາຍໄປ, ແຕ່ຊົງປາຖະໜາທີ່ຈະໃຫ້ຄົນທັງປວງ ມາເຖິງການຖິ້ມໃຈເກົ່າ^ເອົາໃຈໃໝ່.
[10] ແຕ່ວັນຂອງ^ອົງພຣະ^ຜູ້^ເປັນເຈົ້າ ຈະມາເຖິງເໝືອນດັ່ງຂະໂມຍມາ. ໃນວັນນັ້ນ ທ້ອງຟ້າຈະລ່ວງເສຍໄປ ດ້ວຍສຽງດັງກ້ອງສະໜັ່ນ ໂລກທາດຈະສະຫລາຍໄປດ້ວຍໄຟ ແລະແຜ່ນດິນ^ໂລກກັບທຸກສິ່ງສາລະພັດຈະໄໝ້ເສຍໝົດ.
[11] ໃນເມື່ອທຸກສິ່ງຈະຖືກທຳລາຍໄປຢ່າງນີ້ ພວກເຈົ້າຄວນຈະເປັນຄົນຢ່າງໃດ? ໃນການດຳເນີນຊີວິດອັນບໍຣິສຸດແລະການນັບຖືພຣະເຈົ້າ.
[12] ຈົ່ງຄອຍຖ້າແລະເຮັ່ງຮີບໃຫ້ວັນຂອງ^ພຣະເຈົ້າມາເຖິງ ຊຶ່ງໃນວັນນັ້ນ ທ້ອງຟ້າຈະຖືກໄຟເຜົາສະຫລາຍໄປ ແລະໂລກທາດຈະຖືກໄຟຜານສະຫລາຍໄປ.
[13] ແຕ່ວ່າ ຕາມພຣະສັນຍາຂອງ^ພຣະອົງ ເຮົາທັງຫລາຍຄອຍຖ້າຟ້າອາກາດໃໝ່ແລະແຜ່ນດິນ^ໂລກໃໝ່ ຊຶ່ງຄວາມ^ຊອບທຳຈະຕັ້ງຢູ່ທີ່ນັ້ນ.
[14] ດ້ວຍເຫດນັ້ນ ພວກທີ່ຮັກ^ເອີຍ, ເມື່ອເຈົ້າ^ທັງຫລາຍກຳລັງຄອຍຖ້າສິ່ງເຫລົ່ານີ້ຢູ່ ຈົ່ງອົດສາພະຍາຍາມໃຫ້ພຣະອົງຊົງພົບພວກເຈົ້າຢູ່ໃນຄວາມ^ສະຫງົບ ໂດຍບໍ່ມີຈຸດດ່າງພອຍແລະຂໍ້ຕຳໜິ.
[15] ຈົ່ງຖືວ່າການທີ່ອົງພຣະ^ຜູ້^ເປັນເຈົ້າຂອງ^ພວກເຮົາທັງຫລາຍ ຊົງອົດກັ້ນພຣະໄທໄວ້ດົນນານນັ້ນ ກໍເພື່ອໂຜດພວກເຮົາໃຫ້ລອດພົ້ນ ເໝືອນດັ່ງໂປໂລນ້ອງທີ່ຮັກຂອງເຮົາ ໄດ້ຂຽນຈົດໝາຍເຖິງເຈົ້າ^ທັງຫລາຍ ຕາມສະຕິປັນຍາທີ່ໄດ້ຊົງປະທານແກ່ເພິ່ນນັ້ນ.
[16] ໃນຈົດໝາຍທຸກສະບັບຂອງ^ເພິ່ນ ກໍກ່າວເຖິງເຫດການເຫລົ່ານັ້ນໄວ້ແລ້ວ, ໃນຈົດໝາຍເຫລົ່ານັ້ນ ມີບາງຂໍ້ທີ່ເຂົ້າໃຈຍາກ ຊຶ່ງຄົນທັງຫລາຍທີ່ຮູ້ເທົ່າ^ບໍ່^ເຖິງການ ແລະທີ່ມີໃຈບໍ່ໝັ້ນຄົງແນ່ນອນ ໄດ້ບິດເບືອນຂໍ້ຄວາມ^ເຫລົ່ານັ້ນເສຍ ເໝືອນຢ່າງທີ່ພວກເຂົາໄດ້ບິດເບືອນຂໍ້ອື່ນໆໃນພຣະຄຳພີ ອັນເປັນເຫດໃຫ້ຕົນເອງຈິບຫາຍໄປ.
[17] ເພາະເຫດນັ້ນ ພວກທີ່ຮັກ^ເອີຍ, ເມື່ອພວກເຈົ້າຮູ້ເລື່ອງນີ້ກ່ອນແລ້ວ ກໍຈົ່ງລະວັງໃຫ້ດີ ເພາະຢ້ານວ່າພວກເຈົ້າຈະຫລົງໄປເຮັດຜິດ ຕາມຄວາມຜິດຂອງ^ຄົນທີ່ຂາດສິນທຳເຫລົ່ານັ້ນ ແລະເຈົ້າ^ທັງຫລາຍຈະຕົກເສຍຈາກຄວາມ^ໜັກແໜ້ນໝັ້ນຄົງຂອງ^ພວກຕົນ.
[18] ແຕ່ຂໍໃຫ້ເຈົ້າ^ທັງຫລາຍຈະເລີນຂຶ້ນໃນພຣະຄຸນແລະໃນຄວາມຮູ້ ຊຶ່ງມາຈາກອົງພຣະ^ຜູ້^ເປັນເຈົ້າຂອງ^ພວກເຮົາ ແລະພຣະເຢຊູ^ຄຣິດເຈົ້າ ພຣະຜູ້ໂຜດໃຫ້ພົ້ນ. ຂໍໃຫ້ພຣະກຽດຈົ່ງມີແດ່ພຣະອົງ ທັງໃນປະຈຸບັນແລະຕະຫລອດຊົ່ວ^ນິຣັນດອນ ອາແມນ. 22-Jul-2009@18:43, Backup Description=19-Aug-2009@11:28, Le Khac Tam - 01-Sep-2009@13:06, Backup Description=31-Jul-2009@08:50, Bounthanh - 20-ต.ค.-2552@10:41, Backup Description=15-Sep-2009@14:35, Bounveun - 19-พ.ย.-2552@09:28, Backup Description=17-พ.ย.-2552@09:49, BOUNTHANH - 01-ม.ค.-2547@06:01, Backup Description=23-Mar-2010@15:39, Le Khac Tam - 01-ม.ค.-2547@00:19, Backup Description=16-Sep-2010@15:11, Le Khac Tam -