[1] Эцсийн ѳдрүүдэд хэцүү цаг ирнэ гэдгийг мэдэж ав.
[2] Учир нь хүмүүс аминч, мѳнгѳнд дурлагч, сагсуу, их зантай, доромжлогч, эцэг эхдээ дуулгаваргүй, үл талархагч, ариун бус,
[3] үл хайрлагч, үл эвлэрэгч, гүжирдэгч, биеэ хянадаггүй, хэрцгий, сайныг үзэн ядагчид,
[4] тэрслэгчид, бодлогогүй, биеэ тоодог, Бурханыг хайрлагчид байхаас илүү зугаа цэнгэлийг хайрлагчид болно.
[5] Тэд бурханлаг байдлын дүртэй ч хүчийг нь үгүйсгэдэг. Чи тэднээс хол бай.
[6] Айлд гэтэж ороод, нүгэлд автагдаж, зүсэн бүрийн тачаалдаа хѳтлѳгдсѳн гэнэн эмэгтэйчүүдийг олзлогчид ч тэдний дунд бий.
[7] Тийм эмэгтэйчүүд үргэлж суралцавч, үнэний мэдлэгт хэзээ ч хүрч чаддаггүй.
[8] Ианн, Иамбре хоёр Мосег эсэргүүцсэн щиг, тэд ч үнэнийг эсэргүүцдэг, ялзарсан санаа бодолтой, хуурамч итгэлтэй хүмүүс юм.
[9] Гэвч тэд цаащ амжилт олохгүй. Учир нь тэр хоёрын мунхаглал бүгдэд илэрхий болсончлон, тэдний мунхаглал ч илэрхий болно.
[10] Харин чи миний сургаал, тѳлѳв байдал, зорилго, итгэл, уужим сэтгэл, хайр, тэвчээр,
[11] хавчлага, зовлонг дагасан. Антиох, Икониум, Лустрт надад тохиолдсон ямар хавчлагуудыг би тэссэн билээ. Эзэн намайг тэр бүгдээс аварсан юм.
[12] Үнэндээ, Христ Есүс дотор бурханлаг амьдрахыг хүсэгч бүх хүн хавчигдах болно.
[13] Харин ёрын хүмүүс, мэхлэгчид хуурч, хуурагдан улам муудна.
[14] Харин чи юу сурсан, юунд итгэсэндээ бай. Чи хэнээс сурснаа мэдэх бѳгѳѳд,
[15] Христ Есүс дэх итгэлээр авралд чамайг мэргэн болгох чадалтай Ариун Бичээсүүдийг чи хүүхэд байхаасаа мэдсэн.
[16] Бичээс бүрf Бурханы амьсгалснаар байгаа бѳгѳѳд заахад, зэмлэхэд, залруулахад, зѳвт байдалд чиглүүлэхэд тустай.
[17] Энэ нь Бурханы хүн аливаа сайн үйлд бүрэн бэлтгэгдсэн байхын тулд юм.