[1] Song-chú yu tui ngài kóng: “Hi siak ngiâ pû-ngiòng, chhiu-he ke pûn phe̍t-ngìn siak, yu fam kiên-yìm ke fu-ngìn-kâ. Ngì oi siak kì, chhiong Ngài siak Yî-set-lie̍t-ngìn khiung-yong. Sûi-yèn kì-têu lì-khôi Ngài, hi-pai phe̍t ke sṳ̀n-mìn, tông-oi pai-ko ngiéu-siong ke phù-thò-piáng, Ngài hàn-he siak kì-têu.”
[2] Só-yî, ngài yung sṳ̍p-ńg chak ngiùn-pi lâu yit-pak ńg-sṳ̍p kûng-kîn thai-ma̍k ke thoi-ka chiông ngâ pû-ngiòng su̍k chón-lòi.
[3] Ngài tui kì kóng: “Ngì oi lâu ngài khiung-ha he̍t yit-chham chhin-chhòng ke sṳ̀-kiên, m̀-hó hi cho kî-ńg, fam kiên-yìm, chúng-he liá-chham sṳ̀-kiên ngài cho-m̀-tet lâu ngì thùng-fòng.”
[4] Khiung-yong, yû yit-chham siông-tông chhòng ke sṳ̀-kiên, Yî-set-lie̍t-ngìn voi mò kiûn-vòng lâu liâng-chhiu, mò hien-chi, mò sa̍k-chhû, mò ngiéu-siong lâu puk-koa ke sṳn-kau-é.
[5] Liá-chham khì-kiên ko-hi, Yî-set-lie̍t-ngìn voi fì-sîm chón-yi, chhìm-khiù Song-chú — kì-têu ke Song-ti, fì-fu̍k kì-têu ke kiûn-vòng Thai-ví ke kâ. Án-ngiòng, chhai chiông-lòi ke ngit-è, kì-têu voi kin-vi Song-chú, liâng-su Kì ke ên-fi.