[1] Má-ngìn chhiong chṳ-fi ngìn nè? Má-ngìn tî sṳ-chhìn ke yi-ngi? Ngìn ke chṳ-fi sṳ́ kì ke mien voi fat-kông, ya sṳ́ kì ke hi-chṳt kói-pien.
[2] Oi chûn-sú vòng ke min-lin; liá he ngì hiong Song-ti hí-ngien ko ke.
[3] M̀-hó sùi-phien lì-khôi vòng ke mien-chhièn, ya m̀-hó lâu kì chok-tui, yîn-vi vòng cho-tet sùi-yi cho-sṳ.
[4] Vòng ke fa tông-yû khièn-piang, má-ngìn kám mun kì kóng “Ngì cho má-ke?”
[5] Chûn-chhiùng kì ke min-lin, chang yû ôn-chhiòn. Chhûng-mìn ngìn tî cho-sṳ ke sṳ̀-kî lâu fông-fap.
[6] Sûi-yèn ngìn ke khú-nan chhûng-chhûng ap chhai kì ke sṳ̂n-hong, kok-yong sṳ chhiòn-phu yû sṳt-tông ke sṳ̀-kî lâu fông-fap.
[7] Mò-ngìn tî chiông-lòi voi fat-sên má-ke sṳ, ya mò-ngìn yû phan-fap lâu kì kóng.
[8] Mò-ngìn cho-tet chóng-kón sâng-miang ke hi, ya mò-ngìn cho-tet kiet-thin chhṳ-kâ ke sí-khì; yîn-vi sâng-sí he ngìn mò-fap sám-khôi ke chan-chên; fái-ngìn yung sià-ok me mò-fap kiu chhṳ-kâ.
[9] Ngit-thèu hâ fat-sên ke yit-chhiet sṳ, ngài chhiòn-phu yû hi khon, ya yung-sîm ngiên-kiu. Yû-têu ngìn yû-khièn yû-sṳ, nang-ngoi yû-têu ngìn pûn kì-têu kón to chhin kân-khú.
[10] Ngài khon-tó fái-ngìn sí-heu hàn-he tet-tó mài-chong. Kì-têu sên-chhièn chhut-ngi̍p sṳn-só; sí-heu ngài thâng-tó ngìn chhai kì-têu chok-ok ke só-chhai ô-nó kì-têu. Liá ya he khûng-hî.
[11] Cho má-ke sṳ-kiên ngìn án thai-tám fam-chhui? Yîn-vi chhui mò ngiàm-sṳ̀ su-tó hìn-fa̍t.
[12] Chhui-ngìn sûi-yèn fam-chhui yit-pak pái, hàn-he sṳ̍t-to chhin chhòng-miang, ngài khok-sṳ̍t siông-sin: “Kin-vi Song-ti ke ngìn voi fàm-sṳ sun-li;
[13] chúng-he chok-ok ke ngìn mò fuk-hi. Kì-têu ke sâng-miang chhiong yáng-è; kì-têu voi yêu-chat, yîn-vi kì-têu m̀ kin-vi Song-ti.”
[14] Sṳ-kiên hàn-yû yit-khien khûng-hî ke sṳ: Yû-sṳ̀, ngi-ngìn su-tó fái-ngìn yin-kôi su ke chit-fa̍t; fái-ngìn fán-chón tet-tó ngi-ngìn yin-tet ke po-sóng. Ngài kóng, liá ya he khûng-hî.
[15] Só-yî, ngài ngin-vì ngìn yin-kôi hióng-lo̍k; yîn-vi chhai ngit-thèu hâ kì só-yû ke fôn-lo̍k chhiu-he lîm-sṳ̍t lâu hióng-su. Liá he ngìn chhai Song-ti só-su tón-chhiam ke sâng-miang chûng, lò-luk só tet-tó ke yit-si̍t-é hióng-su.
[16] Ngài chôn-sîm chûi-khiù chṳ-fi, sióng-oi ngiên-kiu sṳ-kiên só fat-sên ke sṳ, ke-sṳ̀ ngài tî, ngìn chhiu-son ngit-ya sṳ̂-sióng,
[17] ya mò phan-fap mìn-pha̍k Song-ti ke chok-vì. Kì mò-lun ngióng-pân ngiên-kiu, sióng-oi tî chhai ngit-thèu hâ só fat-sên ke sṳ, ya chhìm m̀-tó tap-on. Chṳ-fi ngìn láu-tó chhṳ-kâ chhin tî, khì-sṳ̍t pin m̀-tî.