[1] Sí vû-yìn sṳ́ kûi-âng ke hiông-súi chhu-thet; yit-si̍t-é ngong-tong voi pho-fái chṳ-fi lâu chûn-yùng.
[2] Chṳ-fi ngìn ke sîm-kôn chṳn-chhṳ̍t; ngong-tong ngìn ke sîm-sṳ̂ phiên-chhâ.
[3] Ngong-tong ngìn lièn hàng-lu ke sṳ̀ ya mò thin-sin, thai-kâ yit-ha chhiu khon-chhut kì ke ngong-tong.
[4] Na-he chóng-khièn-chá tui ngì fat-khién, m̀-hó lì-khôi ngì ke chṳt-vi; ngì na lâng-chhin vûn-fò, chhiu-son ngiàm-chhung ke ko-sṳt ya voi tet-tó sa-miên.
[5] Ngài yu khon-tó ngit-thèu hâ yit-khien mò kûng-tong ke sṳ, liá he thúng-chhṳ-chá ke m̀-chho̍k:
[6] Kì pûn chhin-tô ngong-tong ngìn chhô kô-vi; fu-chiuk ke ngìn fán-chón chhô tâi-vi.
[7] Ngài khon-tó nù-chhòi khì-mâ, vòng-chṳ́ fán-chón chhiong nù-chhòi hàng-lu.
[8] Yet ham-chiáng ke, chhṳ-kâ yû khó-nèn tiet lo̍k-hi; chhak vì-chhiòng ke, yû khó-nèn pûn thu̍k-sà ngâu-tó.
[9] Tá-sa̍k ke, yû khó-nèn pûn sa̍k-thèu sông-tó; pho-chhèu ke, yû khó-nèn pûn chhèu-sak tá-sông.
[10] Pú-thèu thun-thet na mò nò-li, chhiu oi sṳ́ kha-thai li̍t; yung chṳ-fi cho-sṳ, chang voi sṳ̀n-kûng.
[11] Màng ngiam-chu chhiu pûn-sà ngâu-tó, án-ngiòng ngiam-chu yû má-ke yung nè?
[12] Chṳ-fi ngìn ke fa tai-lòi ên-fi; ngong-tong ngìn ke fa hoi-sí chhṳ-kâ.
[13] Ngong-tong ngìn yit khôi-choi chhiu kóng ngong-fa, kóng to-mî he hoi ngìn ke tiên-fa.
[14] Ngong-tong ngìn kóng tông-tô fa; chúng-he ngìn m̀-tî chiông-lòi voi yû má-ke sṳ, kì ko-sṳ̂n yî-heu ke sṳ má-ngìn yû phan-fap lâu kì kóng nè?
[15] Ngong-tong ngìn piang-miang cho-se, lièn ngi̍p-sàng ke lu ya m̀-tî.
[16] Kiûn-vòng hàn-se, thai-sṳ̀n tá-chó chhiu yen-lo̍k, koet-kâ chhiu yû châi-fo lé.
[17] Kiûn-vòng he chûn-kui ke ngìn, kôn-yèn cheu-sṳ̀ lîm-sṳ̍t pú-chhûng thí-li̍t, m̀-voi chiú-chui, ke koet-kâ chhiu yû fuk-hi lé.
[18] Yîn-vi lân-sṳ̂, vuk-táng voi lap-thet; yîn-vi sú-lân, vuk chhiu voi leu.
[19] Pài yèn-si̍t sṳ́ ngìn fôn-seu, sṳ̍t mî-chiú sṳ́ ngìn khoai-lo̍k, yû-chhièn nèn sṳ́ van-sṳ thûng.
[20] M̀-hó phî-phìn kiûn-vòng, sîm-tú koai-yen ya cho-m̀-tet; lièn chhai fòng-kiên tú ya cho-m̀-tet chu-ma yû-chhièn ngìn. Khûng-chûng ke tiâu-é voi chiông ngì ke fa chhòn chhut-hi, yû yi̍t-kap ke voi chiông ngì ke fa po chhut-lòi.