[1] Ngài yu khon-tó ngit-thèu hâ só-yû mò kûng-phìn ke sṳ. Pûn-ngìn khî-fu ke liù muk-chṳp, mò-ngìn ôn-ví kì-têu. Kì-têu tet m̀-tó ôn-ví, yîn-vi khî-fu kì-têu ke ngìn yû-khièn yû-sṳ.
[2] Ngài hiûn-mu ke-têu sí-thet ke ngìn, kì-têu pí hàn sâng ke ngìn kha hen-fuk.
[3] Chúng-he, màng chhut-se, màng khon-ko ngit-thèu hâ só fat-sên mò kûng-phìn ke sṳ ke ngìn, pí yî-song lióng-chúng ngìn hàn-kha hen-fuk.
[4] Ngài yu fat-hien: Ngìn lò-luk kûng-chok, chûi-khiù kûng-miàng, he yîn-vi oi lâu lìn-sa kin-chên. Liá ya he khûng-hî, ya he chok-fûng.
[5] Yû ngìn kóng: “Ngong-ngìn hàn chhok-chhok, ngo-sí chhṳ-kâ.”
[6] Chúng-he, yit-sú púng mân-mân, phìn-ôn hióng-su, yàng-ko sûng-sú púng mân-mân, lò-luk chok-fûng.
[7] Ngài yu khon-tó ngit-thèu hâ yû-têu khûng-hî ke sṳ:
[8] Yû ngìn kû-tân yit-sà, mò lai-é, ya mò hiûng-thi, chúng-he kûi-ngit lò-luk, chhṳ-chhiùng m̀-sṳt mân-chiuk só tet-tó ke chhòi-fu. Kì kóng: “Ngài sîn-sîn khú-khú, hî-sên hióng-su, to-tái he vi má-ngìn nè?” Liá ya he khûng-hî, ya tông chhôi-ko.
[9] Lióng-sà pí yit-sà kha-hó, yîn-vi lióng-sà ha̍p-chok háu-kó kha-hó.
[10] Yit-sà tiet-tó, nang-ngoi yit-sà cho-tet fù kì hong hí-lòi. Na-he kû-tân yit-sà, tiet-tó ke sṳ̀ mò-ngìn fù kì hong hí-lòi, kì chhiu tông chhôi-ko lé.
[11] Lióng-sà khiung-ha soi kha sêu-nôn, yit-sà chhṳ-kâ soi ngióng-voi sêu nè?
[12] Lióng-sà thòn-kiet nèn tá-yàng yit-sà ke kûng-kit, tân-thu̍k yit-sà tí-khong chhiu mò pá-ak. Sâm-kú ke sok-è mò án-kiak lâi-thôn.
[13] Tui kâm-ngiu̍k chhut-lòi ke heu-sâng ngìn yû khó-nèn cho vòng, chhut-sṳ̂n khiùng-khú ke ya yû khó-nèn cho vòng; khiùng-khú chúng-he yû chṳ-fi ke heu-sâng ngìn, yàng-ko ngièn-ló ke sṳ̀ m̀-hén chiap-su khien-va ke ngong-tong vòng.
[15] Ngài fat-hien he̍t chhai liá sṳ-kiên, yû yit thai-khiùn ngìn thèn-tén ke heu-sâng ngìn fa̍t-thung; kì hong hí-lòi cho vòng, chiông khiu vòng von-thet.
[16] Liá-ke sîn vòng sûi-yèn yû phan-fap kón-lî chhin-tô ke ngìn-mìn; chúng-he heu-lòi ke ngìn hàn-he m̀ mân-yi kì ke thúng-chhṳ. Liá ya he khûng-hî, ya he chok-fûng.