[1] ᐁᑯᓯ ᒥᓇ ᑭ ᐃᑌᐤ ᑭᐢᑭᓄᐦᐊᒪᐋᐧᑲᓇ, ᑭ ᐃᑖᐤ ᐯᔭᐠ ᐁ ᐁᐧᔪᑎᓯᐟ ᐊᔨᓯᔨᓂᐤ, ᑭ ᐊᔮᐁᐧᐤ ᒫᑲ ᐅᐸᒥᑖᓱᐊᐧ; ᐁᑯᓯ ᐁᐊᐧᑲᐧᐊᐧ ᑭ ᒪᒥᓯᒪᐤ ᐁ ᓂᓯᐊᐧᓈᒋᑖᔨᐟ ᑳ ᐸᒥᓇᒧᐋᐟ.
[2] ᐁᑯᓯ ᑭ ᓇᑐᒣᐤ ᒥᓇ ᑭ ᐃᑌᐤ, ᑫᑲᐧᐩ ᐅᒪ ᑳ ᐃᓯ ᐯᑕᒫᐣ ᐁ ᐃᑎᑲᐃᐧᔭᐣ? ᐋᑐᑕ ᐊᓂᒪ ᑭ ᐸᒥᑖᓱᐃᐧᐣ; ᒋᑫᒫ ᓇᒪᐃᐧᔭ ᐊᐊᐧᓯᒣ ᑭ ᑲ ᐸᒥᑖᓱᐣ.
[3] ᐁᑯᓯ ᐅᐸᒥᑖᓱ ᑭ ᐃᑌᐧᐤ ᐅ ᒥᑐᓀᔨᒋᑲᓂᕽ ᑖᓂᓯ ᑫ ᑐᑕᒫᐣ? ᐃᐧᔭ ᓂᐟ ᐅᑭᒫᑦ ᐁ ᐃᐧ ᒪᐢᑲᒥᐟ ᓂ ᐸᒥᓂᑫᐃᐧᐣ? ᓇᒪᐃᐧᔭ ᐁᑯᔨᑯᕽ ᓂ ᒪᐢᑲᐃᐧᓯᐣ ᑭᑕ ᑭ ᒧᓇᐃᑫᔮᐣ: ᐁᑯᓯ ᑭᑕ ᐸᑯᓯᑖᐧᔮᐣ ᓂ ᓀᐯᐃᐧᓯᐣ?
[4] ᓂ ᑭᓭᔨᑌᐣ ᑖᓂᓯ ᑫ ᑐᑕᒫᐣ, ᐃᐢᐱ, ᐊᐧᔭᐃᐧᐁᐧᐱᓂᑲᐃᐧᔭᓂ ᓂ ᐸᒥᓂᑫᐃᐧᓂᕽ ᐅᐦᒋ, ᑭᑕ ᐱᑐᑲᐃᒋᐠ ᐃᐧᑭᐋᐧᕽ.
[5] ᐁᑯᓯ ᑭ ᓇᑐᒣᐤ ᑳ ᐃᐦᑕᓯᔨᐟ ᐊᓂᐦᐃ ᑳ ᒪᓯᓇᐦᐊᒪᐋᐧᔨᐟ ᐅᐟ ᐅᑭᒫᒪ, ᐁ ᑭ ᐃᑕᐟ ᐊᓂᐦᐃ ᓂᐢᑕᑦ, ᑖᓂᔨᑯᕽ ᒪᓯᓇᐊᒪᐊᐧᐟ ᓂᐟ ᐅᑭᒫᑦ;
[6] ᑭ ᐃᑎᐠ ᒫᑲ, ᒥᑖᑕᐟ ᑎᐸᐃᑲᐣ ᐱᒥ, ᐁᑯᓯ ᑭ ᐃᑌᐤ, ᐅᑎᓇ ᑭ ᒪᓯᓇᐦᐃᑲᐣ ᐁᑯᓯ ᓇᐦᐊᐱ, ᑫᓯᐢᑲᐤ ᒫᑲ ᒪᓯᓇᐦᐊ ᓂᔮᓇᓄᒥᑕᓇᐤ.
[7] ᐁᑯᓯ ᒥᓇ ᑯᑕᑲ ᑭ ᐃᑌᐤ, ᑖᓂᔨᑯᕽ ᑭᔭ ᒪᓯᓇᐃᑫᔭᐣ? ᑭ ᐃᑌᐧᔨᐊᐧ ᒫᑲ, ᒥᑖᑕᐦᑐᒥᑕᓇᐤ ᒪᑲᕽ ᐸᑫᐧᓯᑲᓂᑳᐣ: ᑭ ᐃᑌᐤ ᒫᑲ, ᐅᑎᓇ ᑭ ᒪᓯᓇᐦᐃᑲᐣ ᐁᑯᓯ ᐊᔨᓈᓀᒥᑕᓇᐤ ᒪᓯᓇᐦᐊ.
[8] ᐅᐟ ᐅᑭᒫᒪ ᒫᑲ ᑭ ᒪᒥᒋᒣᐤ ᐁᑳ ᑲᐧᔭᐢᐠ ᑳ ᐃᑖᑎᓯᔨᐟ ᐅᐸᒥᓂᑫᐊ ᒋᑫᒪ ᐁ ᑭ ᐃᔨᓂᓯᐃᐧ ᐃᓯᐦᒋᑫᔨᐟ; ᒋᑫᒪ ᐊᓂᑭ ᑳ ᐅᐟ ᐊᐋᐧᓯᒥᓯᒥᑯᒋᐠ ᐅᒪ ᐊᐢᑭ ᐃᐧᔭᐋᐧᐤ ᐅ ᒣᑳᐧ ᐱᒫᑎᓯᐃᐧᓂᐋᐧᐤ ᓇᐊᐧᐨ ᐃᔨᓂᓯᑲᑕᒪᐧᐠ ᐃᐢᐱᐨ ᐊᓂᑭ ᑳ ᐅᐟ ᐊᐋᐧᓯᒥᓯᒥᑯᒋᐠ ᐋᐧᐢᑌᐤ.
[9] ᒥᓇ ᒫᑲ ᑭᐟ ᐃᑎᓈᐋᐧᐤ, ᐅᑐᑌᒥᑕᒫᓱᐠ ᐊᓂᒪ ᐁᐧᔪᑎᓯᐃᐧᐣ ᐅᐦᒋ ᐁᑳ ᑳ ᑲᐧᔭᐢᑲᐧᕽ ᐃᐢᐱ ᒫᑲ ᓄᑌᐸᔨᔦᑯ, ᑭᑕ ᐱᑕᑲᐃᑯᔦᑳᐧᐤ ᑳᑭᑫ ᐃᑖᐃᐧᓂᕽ.
[10] ᐊᓇ ᑳ ᐊᔮᑳᐧᒥᓯᑲᑕᕽ ᐁ ᐊᐱᐢᑌᔨᑖᑲᐧᓂᔨᐠ ᐊᔭᑲᐧᒥᓯᑲᑕᑦ ᐊᓂᒪ ᒥᐢᑕᐦᐃ ᑳ ᐃᑌᔨᑖᑲᐧᓂᔨᐠ; ᒥᓇ ᐊᓇ ᐁᑳ ᑲᐧᔭᐢᐠ ᑳ ᐃᑖᑎᓯᑲᑕᕽ ᑳ ᐊᐱᐢᑌᔨᑖᑲᐧᓂᔨᐠ, ᓇᒪᐃᐧᔭ ᑲᐧᔭᐢᐠ ᐃᑖᑎᓯᑲᑕᑦ ᐊᓂᒪ ᒥᐢᑕᐦᐃ ᑳ ᐃᑌᔨᑖᑲᐧᓂᔨᐠ.
[11] ᑭᐢᐱᐣ ᒫᑲ ᓇᒪᐃᐧᔭ ᑭ ᑭ ᐊᔮᑲᐧᒥᓯᑲᑌᓈᐋᐧᐤ ᐁᐧᔪᑎᓯᐃᐧᐣ ᐁᑳ ᑳ ᑲᐧᔭᐢᑲᐧᕽ, ᐊᐁᐧᓇ ᑫ ᑲᓇᐁᐧᔨᑕᒧᐃᑯᔦᐠ ᑖᐯᐧ ᐁᐧᔪᑎᓯᐃᐧᓇ.
[12] ᒥᓇ ᒫᑲ ᑭᐢᐱᐣ ᓇᒪᐃᐧᔭ ᑭ ᑭ ᐊᔮᑲᐧᒥᓯᑲᑕᒫᐧᓈᐋᐧᐤ ᑯᑕᐠ ᐊᐃᐧᔭᐠ ᑳ ᐊᔮᐟ, ᐊᐁᐧᓇ ᑫ ᒥᔨᑯᔦᐠ ᐊᓂᒪ ᑳ ᑎᐱᔭᐁᐧᐃᐧᓯᔦᐠ ᑭᔭᐋᐧᐤ.
[13] ᓇᒪᐃᐧᔭ ᐊᐃᐧᔭᐠ ᐊᑐᐢᑫᔮᑲᐣ ᑭᑕ ᑭ ᐊᑐᐢᑲᐁᐧᐤ ᓂᓱ ᐅᑭᒫᐊᐧ: ᒋᑫᒫ ᐃᑕᐊᐧᐣ ᐯᔭᐠ ᑭᑕ ᐸᑲᐧᑌᐤ, ᐁᑯᓯ ᑭᑕ ᓵᑭᐦᐁᐤ ᑯᑕᑲ: ᐊᐁᐧᑳ ᑭᑕ ᑭᐢᑌᔨᒣᐤ ᐯᔭᐠ, ᐁᑯᓯ ᑯᑕᑲ ᑭᑕ ᐱᐁᐧᔨᒣᐤ. ᓇᒪᐃᐧᔭ ᑭ ᑲ ᑭ ᐸᒥᐢᑕᐋᐧᐋᐧᐤ ᑭᓭᒪᓂᑐ ᒥᓇ ᒫᒪᐣ.
[14] ᐸᕒᐊᓯᐊᐧᐠ ᒫᑲ, ᐃᐧᔭ ᐁ ᓵᑭᐋᒋᐠ ᓱᓂᔮᐊᐧ, ᑭ ᐯᑕᒪᐧᐠ ᑲᐦᑭᔭᐤ ᐅᐦᐃ ᐃᑌᐧᐃᐧᓇ; ᐁᑯᓯ ᐁ ᑭ ᐱᐊᐧᐱᐋᒋᐠ.
[15] ᐁᑲᐧ ᒫᑲ ᑭ ᐃᑌᐤ, ᑭᔭᐋᐧᐤ ᐊᓂᑭ ᑳ ᑲᐧᔭᐢᑳᐧᑎᓯᐊᐧᑫᔨᒥᓱᔦᐠ ᐁ ᐃᓯ ᐋᐧᐸᒥᑯᔦᑯᐠ ᐊᔨᓯᔨᓂᐊᐧᐠ; ᒫᑲ ᑭᓭᒪᓂᑐ ᑭᐢᑫᔨᑕᑦ ᑭ ᑌᐃᐋᐧᐊᐧ; ᒋᑫᒫ ᐊᓂᒪ ᒥᐢᑕᐦᐃ ᑳ ᐃᑌᔨᑖᑲᐧᕽ ᐊᔨᓯᔨᓂᓇᕽ ᐸᑳᐧᑎᑲᐧᐣ ᐃᓯ ᑲᓇᐋᐧᐸᐦᑕᑦ ᐃᐧᔭ ᑭᓭᒪᓂᑐ.
[16] ᐅᔭᓱᐁᐧᐃᐧᐣ ᒥᓇ ᐅᑭᐢᑭᐁᐧᐦᐃᑫᐊᐧᐠ ᑭ ᐊᔮᐊᐧᐠ ᐃᔨᑯ ᒑᐣ; ᐁᑯᐢᐱ ᐊᐢᐱᐣ ᐅᐟ ᐅᑌᓇᐃᐧᐃᐧᐣ ᑭᓭᒪᓂᑐ ᐋᑐᒋᑲᑌᐤ, ᐁᑯᓯ ᑳ ᐃᑕᓯᐟ ᐊᔨᓯᔨᓂᐤ ᐊᑲᒣᔨᒧ ᐁ ᐃᐧ ᐱᐦᑐᑫᐟ.
[17] ᒥᓇ ᒫᑲ ᓇᐊᐧᐨ ᐁᐧᑕᐣ ᑭᓯᐠ ᒥᓇ ᐊᐢᑭ ᑭᑕ ᒣᒋᐸᔨᑭ, ᐃᐢᐱᐨ ᐯᔭᐠ ᒐᑭᐯᐃᑲᓂᐢ ᐅᔭᓱᐁᐧᐃᐧᓂᕽ ᑭᑕ ᓄᑌᐸᔨᐠ.
[18] ᐱᑯ ᐊᐃᐧᔭᐠ ᐅᐱᒣ ᑫ ᐊᔮᑫᐧ ᐃᐧᐊᐧ, ᒥᓇ ᑯᑕᑲ ᑫ ᐃᐧᑭᒫᑫᐧ, ᐃᑐᑕᑦ ᐱᓯᑳᐧᑎᓯᐃᐧᐣ: ᐁᑯᓯ ᐱᑯ ᐊᐃᐧᔭᐠ ᑫ ᐃᐧᑭᒫᑫᐧ ᐊᓂᐦᐃ ᑳ ᐁᐧᐱᓂᑯᔨᐟ ᐅ ᓈᐯᒪ ᐃᑐᑕᑦ ᐱᓯᑲᐧᑎᓯᐃᐧᐣ.
[19] ᑭ ᐃᑖᐤ ᐯᔭᐠ ᐁ ᐁᐧᔪᑎᓯᐟ ᐊᔨᓯᔨᓂᐤ, ᐁ ᐃᐧᔭᑕᕽ ᒥᑫᐧᑭᐣ ᒥᓇ ᐁ ᒥᔮᐧᓯᓂᔨᐠ ᐋᐧᐱᐢᑫᑭᐣ ᑕᐦᑐ ᑭᓯᑳᐤ ᒥᓇ ᐁ ᑭ ᒥᔭᐧᒋᑫᐟ:
[20] ᐁᑯᓯ ᑭ ᐃᑖᐤ ᐯᔭᐠ ᐅᐸᑯᓯᑖᐧᐤ, ᓬᐋᓴᕒᐊᐢ ᐁ ᐃᓯᔨᐦᑳᓱᐟ, ᐁ ᑭ ᐱᒥᓯᒥᐦᐟ ᐅᐟ ᐃᐢᑳᐧᑌᒥᔨᕽ ᒥᓯᐁᐧ ᐁ ᐊᐧᔪᒥᑭᐟ,
[21] ᐁ ᐊᑳᐋᐧᑕᕽ ᒫᑲ ᑭᑕ ᐊᓴᒥᐦᐟ ᐱᐊᐧᒋᑲᓇ ᑳ ᐸᑭᑎᓂᔨᑭ ᐅᒥᒋᓱᐃᐧᓈᑎᑯᔨᕽ ᐅᐦᒋ ᑳ ᐁᐧᔪᑎᓯᔨᐟ ᓈᐯᐊᐧ; ᐊᑎᒪᐧ ᒫᑲ ᑭ ᐯ ᓄᑳᐧᑕᒥᔨᐊᐧ ᐅᒥᑭᐃᐧᓇ.
[22] ᐁᑯᓯ ᑭ ᐅᑎᐦᒋᐸᔨᐤ, ᑳ ᑭᑎᒫᑭᓯᐟ ᓈᐯᐤ ᐁ ᑭ ᓂᐱᐟ, ᐁ ᑭ ᐃᑐᑕᐦᐃᑯᐟ ᒫᑲ ᐅᑭᓯᑯᐊᐧ ᐅ ᑕᑯᓂᐁᐧᐃᐧᓂᔨᕽ ᐁᑊᕒᐁᐋᒪ: ᑳ ᐁᐧᔪᑎᓯᐟ ᓈᐯᐤ ᐃᐧᐢᑕ ᑭ ᓂᐱᐤ, ᒥᓇ ᑭ ᓇᐃᓈᐤ.
[23] ᐦᐁᑎᓯᕽ ᒫᑲ ᑭ ᐊᔨᑖᐱᐤ, ᐁ ᑲᑳᐧᑕᑭᑖᐟ, ᒥᓇ ᐁ ᐊᐧᐸᒪᐟ ᐁᑊᕒᐁᐋᒪ ᐋᐧᔭᐤ ᐅᐦᒋ, ᒥᓇ ᓬᐋᓴᕒᐊᓴ ᐅ ᑕᑯᓂᐁᐧᐃᐧᓂᔨᕽ ᐁ ᐊᔮᔨᐟ.
[24] ᐁᑯᓯ ᑭ ᑌᐯᐧᐤ ᐁ ᐃᑌᐧᐟ, ᓄᑕ ᐁᑊᕒᐁᐋᑦ, ᑭᑎᒫᑭᓇᐃᐧᐣ, ᒥᓇ ᐯ ᐃᓯᑎᓴᐤ ᓬᐋᓴᕒᐊᐢ, ᑭᑕ ᑭᑖᓇᕽ ᐅ ᐊᐧᓇᐢᑯᒋᒑᐣ ᓂᐱᕽ, ᑭᑕ ᑕᑳᐹᐊᐧᑖᐟ ᓂᑌᔭᓂ; ᐃᐧᔭ ᐁ ᐃᐧᓴᑲᐱᓀᔮᐣ ᐅᑕ ᑳᐧᑯᑌᕽ.
[25] ᒫᑲ ᐁᑊᕒᐁᐋᑦ ᑭ ᐃᑌᐧᐤ, ᓂᑯᓭ, ᑲᓄᑭᐢᑭᓯ ᒣᑳᐧᐨ ᐁ ᐱᒫᑎᓯᔭᐣ ᑭ ᑭ ᐊᔮᐣ ᐁ ᒥᔭᐧᓯᑭ ᑫᑲᐧᔭ, ᐁᑯᓯ ᐃᐧᔭ ᓬᐋᓴᕒᐊᐢ ᒫᔨ ᑫᑲᐧᔭ; ᒫᑲ ᐁᑲᐧ ᐃᐧᔭ ᑳᑭᒋᐋᐤ, ᐁᑯᓯ ᑭᔭ ᑭ ᑲᑳᐧᑕᑭᑕᐣ.
[26] ᒥᓇ ᒫᑲ ᒥᓴᐋᐧᐨ, ᑕᐢᑕᐋᐧᔨᕽ ᐃᑕ ᑳ ᐊᔮᔭᕽ ᑭᐢᑕᒋᑳᑌᐤ ᑭᐦᒋ ᐸᓴᑎᓈᐤ, ᐃᑕ ᐅᐦᒋ ᐊᓂᑭ ᑳ ᐃᐧ ᓈᑎᐢᑭᐠ ᐁᑳ ᑭᑕ ᑲᐢᑭᑖᒋᐠ, ᒥᓇ ᐊᓂᑭ ᐁᑯᑌ ᑳ ᐃᐧ ᐯ ᐅᐦᒋ ᐅᑎᐦᑎᑯᔮᑯᐠ.
[27] ᐁᑯᓯ ᒫᑲ ᑭ ᐃᑌᐧᐤ, ᑭ ᒪᐃᐧᒧᐢᑕᑎᐣ ᒫᑲ ᓄᑕ, ᑭᑕ ᐃᓯᑎᓴᐊᐧᐟ ᓄᑕᐃᐧᔭ ᐃᐧᑭᔨᕽ;
[28] ᒋᑫᒪ ᓂᔮᓇᓂᐊᐧᐠ ᓂᒋᐋᐧᒪᐠ; ᑭᑕ ᐋᒋᒧᐢᑕᐋᐧᐟ, ᐁᑳ ᐃᐧᐢᑕᐋᐧᐤ ᑭᑕ ᐯ ᐃᑐᐦᑌᒋᐠ ᐅᑕ ᑲᑲᐧᑕᑭᑕᐃᐧᓂᕽ.
[29] ᐁᑊᕒᐁᐊᑦ ᑭ ᐃᑌᐤ, ᐊᔮᐁᐧᐊᐧᐠ ᒧᓯᓴ ᒥᓇ ᐅᑭᐢᑭᐁᐧᐦᐃᑫᐊᐧ: ᐁᐊᐧᑲᐧᓂ ᑭᑕ ᓇᑐᑕᐁᐧᐊᐧᐠ.
[30] ᒫᑲ ᑭ ᐃᑌᐧᐤ, ᓇᒪᐃᐧᔭ ᓄᑕ ᐁᑊᕒᐁᐊᑦ; ᒫᑲ ᑭᐢᐱᐣ ᐊᐃᐧᔭ ᓂᐳᐃᐧᓂᕽ ᐅᐦᒋ, ᓈᑎᑯᒋᐠ ᐅ ᑲ ᑫᐧᐢᑲᑎᓯᑖᐋᐧᐤ.
[31] ᑭ ᐃᑎᐠ ᒫᑲ, ᑭᐢᐱᐣ ᐁᑳ ᓇᑐᑕᐋᐧᑖᐧᐃᐧ ᒧᓯᓴ ᒥᓇ ᐅᑭᐢᑭᐁᐧᐦᐃᑫᐊᐧ, ᓇᒪᐃᐧᔭ ᒥᓇ ᑭᑕ ᑭ ᓴᑯᒋᒫᐊᐧᐠ, ᑭᐢᐱᐣ ᐊᑕ ᐊᐃᐧᔭ ᐊᐧᓂᐢᑳᔨᐟ ᓂᐳᐃᐧᓂᕽ ᐅᐦᒋ.