[1] Kɛlɛbolow Matigi ko: «A filɛ, don bɛ na, o ka gwan i ko fuurunoba tasuma. Kuncɛbaw bɛe ni kojugukɛlaw bɛe na kɛ i ko bin ɲaga. O don na u na jeni ka u ban. U dili wala u bolo si tɛna to.
[2] Nka aw minw bɛ siran ne tɔgɔ ɲɛ, tilennenya tile na bɔ aw ye, kɛnɛyali na kɛ a nɔɔrɔ la. Aw hɔrɔɲalen na bɔ ka panpan i ko misiden bɔtɔ misi wɛrɛ kɔnɔ.
[3] Aw na mɔgɔ juguw cɔngɔ aw sen kɔrɔ, k'a masɔrɔ u na kɛ aw sen kɔrɔ i ko buguri, ne ka don latigɛlen na.» Kɛlɛbolow Matigi ko ten.
[4] Ne ye sariya ni ko latigɛlen ani ci fɔlen minw sɛbɛn ne ka jɔnkɛ Musa ye Hɔrɛb kulu kan Israɛl bɔnsɔn bɛe kosɔn, a' ye aw hakili to olu la.
[5] A filɛ, ne na kira Eli ci aw ma sani Matigi ka donba ka se. O ye siran koba don ye.
[6] A na faw ni u denw cɛ labɛn ka denw ni u faw cɛ labɛn, walisa ne kana nin jamana tiɲɛn ni danga ye.