[1] Matigi kumana Jonasi fɛ a siɲɛ filanan la
[2] ko: «I ka wuli ka taa Ninivɛ duguba kama. Ne ye kuma min fɔ i ye, i ka pɛrɛn ka o welewele da.»
[3] O tuma la Jonasi wulila ka taa Ninivɛ dugu kɔnɔ i ko Matigi y'a fɔ cogo min na. Ninivɛ tun ye duguba ye. Tile saba taama tun bɛ sɔrɔ a kɔnɔ.
[4] Jonasi ye tile kelen taama kɛ ka welewele da ko: «Tile binaani bi kɔ, Ninivɛ dugu na halaki.»
[5] Ninivɛkaw dara Ala ka kuma la. U ye welewele da ko bɛɛ ka sun don, k'a daminɛ denmisɛnw la ka taa bila mɔgɔ kɔrɔbaw la, u bɛɛ ye cafu fini don.
[6] O kibaru sera Ninivɛ masakɛ ma tuma min na, a wulila ka bɔ a ka masasigilan kan ka a ka dulɔkiba bɔ a kan na ka cafu fini don ka i sigi bugurijɛ la.
[7] Masakɛ ni a ka faamaw ka ci filɛ nin ye, ko welewele ka da dugu kɔnɔ ko: «Mɔgɔ ni bagan si kana dumuni kɛ. Misiw ni sagaw si kana bin dun. U si kana ji min.
[8] Cafu fini ka don mɔgɔw ni baganw bɛɛ la, u ka kasi Ala nɔ fɛ ka u jɔ u ka kɛwale juguw ni u ka tilenbaliya kow la ka u dabila.
[9] Ala tun b'a fɛ ka ko jugu min kɛ an na, a dɔrɔ a na yɛlɛma ka o dabila walisa an kana halaki.»
[10] Ayiwa Ala y'a ye ko u nimisara ka u ka kɛwale juguw dabila. A tun b'a fɛ ka ko jugu min kɛ u la, a ma o kɛ tun.