[1] Matigi ye jɛgɛba dɔ ci, o ye Jonasi kunun. A ye tile saba ni su saba kɛ o jɛgɛba kɔnɔ.
[2] Ka Jonasi to jɛgɛba kɔnɔ, a ye Matigi, a ka Ala deli ko:
[3] «Ka ne to tɔorɔ la, Matigi, ne ye e deli. I ye ne jaabi. Ka ne to saya dibi la, ne kasira i nɔ fɛ, i ye ne kasikan mɛn.
[4] I ye ne fili kɔgɔji dunba la. Kɔgɔji woyo ye ne datugu, kɔgɔji kuruw tɛmɛnna ne kun na.
[5] Ne ko, i ye ne fili ka bɔ i ɲɛ kɔrɔ, nka i ka sɔn ne ka i batosoba senuma ye ko kura.
[6] Kɔgɔji woyo ye ne tunun fo ne tun bɛ ɲini ka sa. Ne degunna ne fan bɛɛ la dingɛ dunba kɔnɔ. Kɔgɔji jukɔrɔ bin melekera ne kunkolo la.
[7] Ne jiginna fo kulu jusigilanw jukɔrɔ. Dugukolo da nɔrɔla ne da la badaa. Nka i ye ne ɲɛnama labɔ dingɛ dunba kɔnɔ, Matigi, ne ka Ala.
[8] Ne tun bɛ ɲini ka sa tuma min na, Matigi, ne ye i deli. I ye ne ka delili lamɛn, ka i to i batosoba senuma kɔnɔ.
[9] Mɔgɔ minw bɛ boliw bato, olu bɛ u yɛrɛw yɔrɔ janya u ka hɛrɛ dibaa la.
[10] Nka ne yɛrɛ ta fan fɛ, ne na i tanuli dɔnkili da ka sarakaw bɔ i ye. Ne ye dafale minw kɛ, ne na olu bɔ i ye ka dafa. Matigi de bɛ kisili kɛ.»
[11] Ayiwa Matigi kumana jɛgɛba fɛ. O ye Jonasi fɔonɔ gwele kan.