[1] من گئنه باشیمی قالدیریب باخاندا اوچان بئر طومار گؤردوم.
[2] مَلَک مندن سوروشدو: «نه گؤرورسن؟» جاواب وردئم: «اوچان بئر طومار گؤرورَم: اونون اوزونلوغو ائیئرمی قول‌آچ، اِنی ده اون قول‌آچ‌دیر.»
[3] او ددی: «بو او لعنتدئر کی، بوتون یِر اوزونه گله‌جک. طومارین بئر اوزونه یازیلانلارا موطابئق، اوغورلوق ادن هر کس کَسئلئب آتیلاجاق، او بئری اوزونه یازیلانلارا موطابئق ده یالاندان آند ائچَن هر کس کَسئلئب آتیلاجاقلار.
[4] لعنت گؤندَ‌ره‌جیم.» قوشونلار ربّی بویورور، «اوغرونون اِوئنه و منئم آدیملا یالاندان آند ائچَن آدامین اِوئنه لعنت گئره‌جک، او اِوئن ائچئنده قالاجاق، تاختالاری و داشلاری ائله بئرلئکده اونو ییخیب محو اده‌جک.»
[5] سونرا منئمله دانیشان مَلَک یاخینلاشیب ددی: «باشینی قالدیر، اورتایا چیخان بو شیئن نه اولدوغونا باخ.»
[6] من سوروشدوم: «بو نه‌دئر؟» او، جاواب وردی: «بو اورتایا چیخان شی بئر اؤلچو قابی‌دیر.» سونرا علاوه اتدی: «بو بوتون اؤلکه خالقینین تقصئری‌دئر.»
[7] او واخت قابین قورغوشون قاپاغی قالدیریلدی. قابین ائچئنده بئر آرواد اوتورموشدو.
[8] مَلَک ددی: «بو آرواد پئسلئکدئر.» و آروادی اؤلچو قابینین ائچئنه آتیب اوستونه قورغوشون قاپاغینی باسدی.
[9] من باشیمی قالدیریب باخاندا گؤردوم کی، ائکی آرواد چیخدی، اونلارین قانادلاریندا کولَک وار ائدی. اونلارین لِیلَک قانادلارینا بَنزه‌ر قانادلاری وار ائدی. اونلار قابی یِرله گؤی آراسینا قالدیردیلار.
[10] منئمله دانیشان مَلَکدن سوروشدوم: «قابی هارایا آپاریرلار؟»
[11] او منه ددی: «شئنعار اؤلکه‌سئنه آپاریرلار کی، اورادا اونا بئر اِو تئکسئنلر. اِو حاضیر اولاندا قاب اورایا، اؤز یرئنه قویولاجاق.»