[1] ای لوبنان، قاپیلارینی آچ کی، اود سنئن سئدر آغاجلارینی یاندیریب-یاخسین.
[2] ای شام آغاجی، شئون ات، چونکی سئدر آغاجی ییخیلدی، شؤوکتلی آغاجلار محو اولدو. شئون ادئن، ای باشان پالیدلاری، چونکی قالین مِشه‌نئن آغاجلاری بؤیرو اوسته آشدی.
[3] چوبانلارین چیغیریشینی اشئت، چونکی اونلارین شؤوکتلی اوتلاقلاری محو اولدو. جاوان آصلانلارین نَرئلتئسئنه قولاق آس، چونکی اوردون چایینین کنارینداکی سیخ مِشه یوخ اولدو.
[4] تاریم رب بله دیئر: «کَسمَک اوچون آیریلمیش سورونو اوتار.
[5] او سورونون قویونلارینی آلانلار اونلاری کَسسه ده، تقصئرسئز قالیر. اونلاری ساتانلار ”ربّه حمد اولسون کی، دؤولتلی اولدوم“ دیئر. چوبانلار اؤز سورولرئنه آجیمیرلار.
[6] من ده داها اؤلکه‌ده یاشایان خالقا آجیمایاجاغام.» رب بویورور. «هر کسی اؤز قونشوسونا و پادشاهینا تسلئم اده‌جیم. اؤلکه‌نی داغیداجاقلار، من ده خالقی اَللرئندن قورتارمایاجاغام.»
[7] بونا گؤره ده کَسمَک اوچون آیریلمیش سورونو اوتاردیم، خوصوصَن ده لاپ ضعئفلرئنی. اؤزومه ائکی دَیَنَک گؤتوردوم، بئرئنی «ائلطئفات»، او بئرئنی ده «بئرلئک» آدلاندیردیم و سورونو اوتارماغا باشلادیم.
[8] بئرجه آیین ائچئنده اوچ چوبانی ائشدن قوودوم، چونکی اونلارین اَلئندن تَنگه گلمئشدئم، اونلارین دا مندن زَهله‌سی گدئردی.
[9] سونرا سورویه ددئم: «داها سئزی اوتارمایاجاغام. اؤلَن اؤلسون، کَسئلَن کَسئلسئن، یرده قالانلار دا بئربئرلرئنئن اَتئنی یِسئن.»
[10] سونرا «ائلطئفات» آدلی دَیَنه‌یئمی گؤتوردوم و اونو قیردیم کی، بوتون خالقلارلا باغلادیغیم عهدی پوزوم.
[11] بله‌جه عهد او گوندن پوزولدو. سورونون منه باخان ضعئفلری باشا دوشدولر کی، بو ربّئن سؤزودور.
[12] من اونلارا ددئم: «اگر بو، سئزه خوشدور، منئم موزدومو ورئن، اگر بله دیئل، ورمه‌یئن.» اونلار منه اوجرت اولاراق اوتوز گوموش حساب اتدئلر.
[13] رب منه ددی: «اونلارین منی قئیمتلَندئردئیی بو اوجا موزدو کوزه‌گره آت.» بله‌جه اوتوز گوموشو گؤتوروب ربّئن معبدئنده اولان کوزه‌گره آتدیم.
[14] سونرا «بئرلئک» آدلی او بئری دَیَنه‌یی ده قیردیم کی، یهودا ائله ائسرایئل آراسینداکی قارداشلیغی پوزوم.
[15] رب منه ددی: «گئنه آغیلسیز بئر چوبانین اشیالارینی اؤزون اوچون گؤتور.
[16] من اؤلکه‌یه اِله بئر چوبان قویاجاغام کی، هلاک اولانلارین قیدئنه قالمایاجاق، داغیلمیشلاری آختارمایاجاق، یارالی‌لاری صاغالتمایاجاق، صاغلارا یمک ورمه‌یه‌جک. آنجاق کؤک قویونلارین اَتئنی یمکله، دیرناقلارینی پارچالاماقلا مشغول اولاجاق.
[17] سورونو ترک ادن یاراماز چوبانین وای حالینا! قوی قیلینج اونون قولونو و صاغ گؤزونو وورسون! قوی اونون قولو قوروسون، صاغ گؤزو کور اولسون!»