[1] داریوشون حاکئمئیّتئنئن ائکئنجی ائلئنده، سکّئزئنجی آیدا عئدّو اوغلو بِرِکیا اوغلو زِکَرئیّا پیغمبره ربّئن بو سؤزو نازئل اولدو:
[2] «رب آتالارینیزا چوخ قضبلَندی.
[3] اونا گؤره ده سن اونلارا دِه کی، قوشونلار ربّئن سؤزو بله‌دئر: ”منه طرف قاییدین.“ قوشونلار ربّی بویورور، ”من ده سئزه طرف قاییدارام.“ قوشونلار ربّی دیئر.
[4] ”آتالارینیز کئمی اولمایین! قاباقکی پیغمبرلر اونلارا اعلان اتدئلر کی، قوشونلار ربّی اونلارا دیئر: پئس عمل‌لرئنئزدن و پئس ائشلرئنئزدن قاییدین. آمّا اونلار اشئتمه‌دئلر و منه قولاق آسمادیلار.“ رب بله بویورور.
[5] ”آتالارینیز ائندی هارادادیر؟ پیغمبرلر ده مگر ابده‌جک یاشاییرلار؟
[6] قوللاریم پیغمبرلره امر اتدئیئم سؤزلرئم و قایدالاریم، مگر اونلارین باشلارینا گلمه‌دی؟“ اونلار دا تؤوبه ادئب ددئلر: ”قوشونلار ربّی عمل‌لرئمئزه و ائشلرئمئزه گؤره بئزه نه اتمه‌یی دوشونوب، بئزئمله اِله ده رفتار ادئب.“»
[7] داریوشون حاکئمئیّتئنئن ائکئنجی ائلئنده، اون بئرئنجی آی اولان شِبات آیینین ائیئرمی دؤردونجو گونو، عئدّو اوغلو بِرِکیا اوغلو زِکَرئیّا پیغمبره ربّئن بو سؤزو نازئل اولدو:
[8] گجه یاریسی گؤردوم کی، قیرمیزی آتا مئنمئش بئر نفر، دره‌نئن دئبئنده، مَرسئن آغاجلاری آراسیندا دوروب. اونون آرخاسیندا دا قیرمیزی، کَهر و آغ آتلار وار ائدی.
[9] من سوروشدوم: «آی آغام، بونلار نه‌دئر؟» منئمله دانیشان ملک ددی: «بونلارین نه اولدوغونو سنه گؤرسه‌ده‌جیم.»
[10] مَرسئن آغاجلاری آراسیندا دوران آدام جاواب وردی: «بونلاری رب گؤندَ‌رئب کی، دونیانی گَزسئنلر.»
[11] اونلار مَرسئن آغاجلاری آراسیندا دوران ربّئن مَله‌یئنه جاواب وردئلر: «بئز دونیانی گَزدئک و گؤردوک کی، بوتون دونیا آسایئش و اَمئن-آمانلیق ائچئنده‌دئر.»
[12] او واخت ربّئن مَله‌یی ددی: «ای قوشونلار ربّی، بو یتمئش ائل عرضئنده قضبلَندئیئن اورشلئمه و باشقا یهودا شهرلرئنه، نه واختا قدر مرحمت اتمَیه‌جکسن؟»
[13] رب منئمله دانیشان مَلَیه یاخشی و تَسلّی‌ورئجی سؤزلرله جاواب وردی.
[14] منئمله دانیشان مَلَک منه ددی: «سؤزو اعلان ادئب دِه کی، قوشونلار ربّی بله دیئر: ”اورشلئم و صحیون اوچون بؤیوک قیرت واریمدیر.
[15] لاقید اولان مئلّتلرئن ضئدّئنه چوخ قضبلی‌یَم. چونکی من بئر آز قضبلَنمئشدئم، لاکئن اونلار وضعئیّتی داها دا پئسلَشدئردئلر.“
[16] بونا گؤره ده رب بله دیئر: ”من مرحمتله اورشلئمه قاییتدیم. اِوئم گئنه اورادا قورولاجاق، اورشلئمئن اوستونه اؤلچو ائپی چکئله‌جک.“ قوشونلار ربّی بویورور.
[17] سن بئر داها اعلان ادئب دِه کی، قوشونلار ربّی بله دیئر: ”شهرلرئم گئنه بوللوقلا دولوب داشاجاق. رب صحیونا گئنه تسلّی وره‌جک، گئنه اورشلئمی سِچه‌جک.“»
[18] سونرا باشیمی قالدیریب باخدیم و دؤرد بوینوز گؤردوم.
[19] منئمله دانیشان مَلَکدن سوروشدوم: «بونلار نه‌دئر؟» او منه جاواب وردی: «بونلار یهودانی، ائسرایئلی و اورشلئمی داغیتمیش بوینوزلاردیر.»
[20] او واخت رب منه دؤرد اوستا گؤرسَتدی.
[21] سوروشدوم: «بونلار نه اتمه‌یه گلئرلر؟» او جاواب وردی: «بو بوینوزلار یهودانی اِله داغیتدیلار کی، هچ کس باشینی قالدیرا بئلمه‌دی. بو اوستالار دا گلدئلر کی، یهودا اؤلکه‌سئنی داغیتماق اوچون بوینوز قالدیران مئلّتلری دهشته گتئرئب بوینوزلارینی یِره چیرپسینلار.»