[1] کاشکی سن منه آنامین اَمجه‌یئندن اَممئش قارداش کئمی اولایدین. او واخت، اِشئگده سنی تاپاندا اؤپَردئم؛ هچ کس ده منی قینامازدی.
[2] قاباغا دوشوب سنی آنامین اِوئنه آپاراردیم، او کی، منه تعلئم وِرَردی. سنه اَدوئیّه‌لی شرابدان، ناریمین سویوندان ائچئردَردئم.
[3] اونون سول اَلی باشیمین آلتیندادیر، صاغ اَلی ده منی قوجاقلاییر.
[4] سئزی آند ورئرم، ای اورشلئم قیزلاری، اؤزو موشتاق اولمایانا قدر، سِوگئنی دئندئرمه‌یئن، اویاندیرمایین.
[5] بو قیز کئمدئر کی، سِوگئلئسی ائله قول-قولا صحرادان گلئر؟ آلما آغاجی آلتیندا سنی اویاتدیم؛ اورادا آنان سنئن دوغوش آغرینی چکدی، اورادا آغری چکئب سنی دوغدو.
[6] بئر مؤهور کئمی منی اوره‌یئنئن باشینا قوی، بئر مؤهور کئمی قولونون اوستونه قوی. چونکی سِوگی اؤلوم کئمی گوجلودور، قیرت ده اؤلولر دئیاری کئمی بَرک. اونون آلوولاری اود آلوولاری کئمی‌دئر، یاندیریب-تؤکَن آلوو کئمی.
[7] چوخلو سولار سِوگئنی سؤندوره بئلمز، چایلار دا اونو اؤزونده بوغا بئلمز. اگر آدام سِوگئنئن عوضئنده اِوئنئن بوتون مالینی دا ورسه، گئنه ده حقئر گؤرونر.
[8] کئچئک بئر باجیمیز وار، اونون حله دؤشلری یوخدور؛ باجیمیزی ائستمه‌یه دانیشان گون، اونون اوچون نه اده‌جیئک؟
[9] اگر بئر دووار اولسایدی، اوستونه گوموشدن بئر بورج تئکَردئک، اگر بئر قاپی اولسایدی، اوستونو سئدر خونچالاری ائله اؤرتَردئک.
[10] من بئر دووارام، دؤشلرئم ده بورجلر کئمی‌دئر؛ اونا گؤره ده اونون گؤزونده، خوشو گلن بئری کئمی اولموشام.
[11] بَعَل-خاموندا سولیمانین بئر اوزوم باغی وار ائدی؛ باغی باغ توتانلارا کئرایه وردی، محصول اوچون هر بئری مئن گوموش گتئرمه‌لی ائدی.
[12] اؤزوم اوچون منئم ده باغیم وار؛ مئن گوموش سنئن اولسون، ای سولیمان، ائکی یوز گوموش ده باغینی توتانلارین.
[13] سن، ای باغلاردا اوتوران، یولداشلاریم سنئن سَسئنی اِشئدئرلر - سَسئنی منه ده اشئتدئر!
[14] قاچ، سِوگئلئم. عطئرلی داغلار اوستونده جیران کئمی اول، مارال بالاسی کئمی اول.