[1] من شارون دره‌سئنئن قیزیل گولویم، دره‌لرئن زانباغی.
[2] زانباق تئکانلار آراسیندا نجه‌دئر، سِوگئلئم ده قیزلار آراسیندا اِله‌دئر.
[3] آلما آغاجی مِشه‌نئن آغاجلاری آراسیندا نجه‌دئر، سِوگئلئم ده اوغلانلار آراسیندا اِله‌دئر. اونون کؤلگه‌سئنده اوتورماقدان کِف ادئرم و میوه‌سی داماغیما شئرئندئر.
[4] منی ضئیافت اِوئنه گتئردی، بایراغی منئم اوستومده محبّت ائدی.
[5] کئشمئش فطئرلری ائله منه قووّت ورئن، آلمالارلا منی جانلاندیرین، چونکی من عشقئن ناخوشویام.
[6] سول اَلی باشیمین آلتیندادیر، صاغ اَلی منی قوجاقلاییر.
[7] ای اورشلئم قیزلاری، سئزی جیرانلارا، چؤلون ماراللارینا آند ورئرم، اؤزو موشتاق اولمایانا قدر سِوگئنی دئندئرمه‌یئن، اویاندیرمایین،
[8] سِوگئلئمئن سَسی! باخ، او گلئر؛ داغلار اوستوندن آتیلا-آتیلا، تپه‌لر اوستوندن اوچا-اوچا.
[9] سِوگئلئم جیران کئمی‌دئر، مارال بالاسی کئمی. باخ، دوواریمیزین دالیندا دورور؛ پنجره‌لردن ائچه‌ری باخیر، شبکه‌لردن تاماشایا دوروب.
[10] سِوگئلئم دانیشیب منه ددی: «قالخ، سِوگئلئم، منئم گؤزَلئم، گل.
[11] باخ، قیش کچئب، یاغیش کچئب گدئب.
[12] اؤلکه‌ده چئچکلر چیخیر؛ نغمه اوخوماق زامانی گلئب، دئیاریمیزدا قومرونون سَسی اِشئدئلئب.
[13] انجئر آغاجی یاشیل انجئرلرئنی چیخاردیب، اوزوم آغاجلاری دا چئچکله‌نئب خوش رایئحه ورئر. قالخ، سِوگئلئم، منئم گؤزَلئم، گل!»
[14] ای قایانین چاتلاقلاریندا، اوچوروملارین گئزلی یرلرئنده اولان گؤیرچئنئم، قوی اوزونو گؤروم، قوی سَسئنی اِشئدئم؛ سَسئن شئرئندئر، اوزون گؤزَلدئر.
[15] تولکولری بئزه توتون، اوزوم باغلارینی خاراب ادن کئچئک تولکولری، چونکی اوزوم آغاجلاریمیز چئچکله‌نئب.
[16] سِوگئلئم منئمدئر، من ده سِوگئلئمئن. سوروسونو زانباقلار آراسیندا اوتاریر.
[17] گون سَرئلَنجه، کؤلگه‌لر قاچانجا قاییت، سِوگئلئم. جیران کئمی اول، بِتِر داغلارین باشیندا مارال بالاسی کئمی اول.