Listen to this chapter • 1:24
[1] رب گئنه منه ددی: «گت گئنه ده باشقا بئرئنئن سِودئیی آروادی کی، فاحئشه‌دئر ده، سِو. نجه کی رب ائسرایئل اؤولادلارینی سِوئر، گرچی اونلار باشقا آللاهلارا اوز توتوب بونلارا تقدئم ادئلَن کئشمئش لاواشالارینی سِوئرلر.»
[2] من ده آروادی اؤزوم اوچون اون بش گوموش شِکِل و بئر یاریم خومِر آرپایا ساتین آلدیم.
[3] اونا ددئم: «اوزون مودّت منئم یانیمدا قالاجاقسان؛ زئنا اتمیه‌جکسن، باشقا بئر کئشی ائله اولمایاجاقسان، منئمله ده اولمایاجاقسان.
[4] اونا گؤره کی، ائسرایئل اؤولادلاری اوزون مودّت پادشاهسیز و باشچیسیز قالاجاقلار و قوربان و موقدّس سوتون، اِفود و اِو بوتلری اولمادان یاشایاجاقلار.
[5] سونرا ائسرایئل اؤولادلاری دؤنوب اؤزلرئنئن تاریسی ربّی و پادشاهلاری داوودو آختاراجاقلار. آخیر گونلرده لرزه ائچئنده ربّه و اونون خیئرخاهلیغینا طرف گله‌جکلر.»