[1] بو ائشلر قورتاراندان سونرا، رهبرلر منه یاخینلاشیب ددئلر: «ائسرایئل خالقی، کاهئنلر، و لاوئلی‌لر اؤزلرئنی اطرافلارینداکی خالقلاردان یعنی کَنَعانلی‌لاردان، خئتلی‌لردن، پِرِئزلی‌لردن، یِبوسلولاردان، عَمّونلولاردان، موآبلی‌لاردان، مئصئرلی‌لردن، اِمورلولاردان و ائیرنج روسوملاریندان اوزاق ساخلاماییبلار.
[2] بله کی اونلار اؤزلرئنه و اوغوللارینا اطرافلارینداکی خالقلارین قیزلاریندان آلیبلار. بونونلا موقدّس خالق اؤلکه‌نئن آیری خالقلاری ائله قاریشیب. دوغرودان دا کی، بو خیانته ائلک یول آچانلار ریئسلرله رهبرلر ائمئشلر.»
[3] من بو سؤزو اشئدنده پالتاریملا جوبّه‌می جیریب، ساچ-ساقّالیمی یولدوم و مات اوتوردوم.
[4] اسئرلئکدن قاییدانلاردان هر کس کی، بو خیانت باره‌ده ائسرایئل تاریسینین سؤزلرئنی اشئتدی، اَسمه‌یه دوشوب یانیما ییغیلدی. من آخشام قوربانینین تقدئمی واختاجاق مات اوتوردوم.
[5] آخشام قوربانی واختی پرئشان حالدا آیاغا قالخدیم. پالتاریم و جوبّم جیریق ائدی. دئز چؤکوب اَللرئمی تاریم ربّه آچیب
[6] بله دوعا اتدئم: «ای تاریم، اوتانیرام! اوزومو سن تاریما قالدیرماغا خجالت چکئرم، چونکی گوناهلاریمیز باشیمیزدان آشیب، تقصئرلرئمئز بؤیویوب گؤیلره چاتیب.
[7] آتالاریمیزین دؤوروندن بو گونه قدر بؤیوک تقصئر ائچئنده‌یئک. اونا گؤره ده بوگونکی کئمی بئز، پادشاهلاریمیز و کاهئنلرئمئز، تقصئرلرئمئز اوزوندن یاداِللی پادشاهلارا تسلئم ادئلئب قیلینجا، اسئرلئیه، تالانا، و روسوایچیلیغا دوچار اولدوق.
[8] آمّا ائندی بئزه تاریمیز رب طرفئندن قیسا بئر مودّت اوچون فیض گؤرسدئلئب. اسئرلئکدن قورتولوب صاغ قالان بئر نچه آدامی تاریمیز بئزئم اوچون ساخلاییب کی، موقدّس مکانیندا بئزه مؤحکم بئر یر ورسئن. گؤزوموزه نور ورسئن، نؤکرچئلئیئمئزده بئزه بئر آز حیات باغیشلاسین.
[9] بئز نؤکرئک، لاکئن تاریمیز بئزی نؤکرچئلئیئمئزده ترک اتمه‌یئب. فارس پادشاهلارینین اوره‌یئنده بئزه مهرئبانلیق یارادیب کی، قووّتلَنَک و قالخیب تاریمیزین معبدئنی تئکَک و اونون خارابالیقلارینی آباد اِدَک و یهودا ائله اورشلئمده بئزه بئر قورونما دوواری اولسون.
[10] ای تاریمیز، داها نه دئیه بئله‌رئک؟ چونکی سنئن امرلرئنی ترک اتمئشدئک.
[11] سن امرلرئنی قوللارین پیغمبرلر واسئطه‌سی‌ائله ورئب ددئن: ”مولک اولاجاق اوچون گتدئیئنئز اؤلکه نجئسدئر، اؤز اهالئسئنئن نجئسلئیی ائله، اورانی باشدان-باشا دولدوران ائیرنج رسم-روسوملاری و ناپاکلیقلاری ائله چئرکابا باتان اؤلکه‌دئر.
[12] بونا گؤره ده نه قیزلارینیزی اونلارین اوغوللارینا ورئن، نه ده قیزلاریندان اوغوللارینیزا آلین. اگر ائسته‌یئرسئنئز کی، قووّتلی اولوب بو تورپاغین نعمتلرئندن یئیه‌سئنئز، هچ واخت اونلارین آراملیغی و بوللوغو اوچون چالیشمایین. او واخت بو تورپاغی اؤولادلارینیزا ائرث اولاراق ابدی ساخلایارسینیز.“
[13] بوندان سونرا هر شی پئس ائشلرئمئزدن و بؤیوک تقصئرلرئمئزدن اؤتری باشیمیزا گلئب، لاکئن، ای تاریمیز، سن بئزی تقصئرلرئمئزئن جزاسیندان داها آز جزالاندیریبسان. اسئرلئکدن قورتولوب صاغ قالان بئر نچه آدامی یعنی بونلاری بئزه ورئبسن.
[14] گئنه مگر امرلرئنی پوزاجاغیق؟ بله ائیرنج ائشلر گؤرَن خالقلارلا قوحوم اولاجاغیق؟ مگر سن قضبله‌نئب بئزی هلاک اتمَیه قالخمازسان، اله کی، بئزدن نه صاغ قالان اولسون نه ده قورتولا بئلَن؟
[15] ای ائسرایئلئن تاریسی رب، سن صالحسن! بوگونکی کئمی کئچئک بئر دسته ساخلاییبسان. باخ، سنئن حوضوروندا تقصئر ائچئنده‌یئک و بونا گؤره هچ کس سنئن حوضوروندا دایانا بئلمز.»