[1] پیغمبرلردن پیغمبر خَگّه‌ی ائله عئدّو اوغلو زِکَرئیّا یهودادا و اورشلئمده یاشایان یهودئلره ائسرایئل تاریسینین آدی ائله کی، اونلارلا ائدی، پیغمبرلئک اتدئلر.
[2] او زامان سِعَلتی‌اِل اوغلو زِروبّابئل و یوصاداق اوغلو یوشَع ائشه باشلاییب، تارینین اورشلئمده‌کی معبدئنئن تزه‌دن تئکئلمه‌سئنی باشلادیلار. تارینین پیغمبرلری ده اونلارلا ائدئلر و اونلارا کؤمک ادئردئلر.
[3] او واختلار تَتِنه‌ی کی، فَرات چایینین قرب تورپاقلارین والئسی ائدی، شِتَربوزِنه‌ی و یولداشلاری ائله اونلارین یانینا گلئب بله ددی: «کئم سئزه فرمان صادئر اتدی کی، معبدی تزه‌دن تئکه‌سئنئز و اونون بئناسینی تامالایاسینیز؟»
[4] او واخت بئز اونلارا بو بئنانی تئکَنلرئن آدلارینی بئلدئردئک.
[5] تارینین نظری یهودی آغساقّاللارینین اوستونده ائدی. اونا گؤره بو ائشئن سوراغی داریوشا چاتاناجاق و بو باره‌ده مکتوبلا جاواب قاییداناجاق، اونلار یهودئلرئن ائشئنی دایاندیرمادیلار.
[6] فَرات چایینین قرب تورپاقلارینین والئسی تَتِنه‌ی، شِتَربوزِنه‌ی و یولداشلاری کی، پادشاهین فَرات چایینین قرب تورپاقلارینداکی مأمورلار ائدئلر، داریوش پادشاها بو صورتده مکتوب یوللادیلار.
[7] اونا یوللادیقلاری مکتوبدا بله یازیلمیشدی: «داریوش پادشاها صمئمی قلبدن سالاملار اولسون!
[8] پادشاها معلوم اولسون کی، بئز یهودا وئلایتئنده‌کی بؤیوک تارینین معبدئنه گتدئک. معبد بؤیوک داشلاردان تئکئلئر، دووارلارین ائچه‌رئسئنه دئرَکلر قویولور. بو ائش چوخ دئقّتله گؤرولور و اونلارین اَلئنده یاخشی قاباغا گدئر.
[9] اورانین آغساقّاللاریندان سوروشوب بله ددئک: ”کئم سئزه فرمان صادئر اتدی کی، معبدی تزه‌دن تئکه‌سئنئز و اونون بئناسینی تامالایاسینیز؟“
[10] هم ده اونلاردان بو ائشئن باشچیلارینین آدینی سوروشدوق کی، بونلاری یازیب سئزه بئلدئرَک.
[11] اونلار بئزه بله جاواب وردئلر: ”بئز گؤیلرئن و یرئن تاریسینین قوللاری‌ییق. او معبدی تئکئرئک کی، بوندان چوخ ائل قاباق تئکئلمئشدی. ائسرایئلئن بؤیوک بئر پادشاهی اونو تئکئب باشا چاتدیرمیشدی.
[12] لاکئن آتالاریمیز گؤیلرئن تاریسینی قضبلَندئردئیی اوچون، تاری اونلاری بابئل پادشاهی کَلدانی نِبوکَدنِصّره تسلئم اتدی. او دا بو معبدی خارابایا چِوئردی و خالقینی بابئله اسئر آپاردی.
[13] لاکئن بابئل پادشاهی کوروشون حاکئمئیّتئنئن بئرئنجی ائلئنده، کوروش پادشاه فرمان صادئر اتدی کی، تارینین معبدی تزه‌دن تئکئلسئن.
[14] همچئنئن کوروش پادشاه، او قیزیل و گوموش قابلاری کی، نِبوکَدنِصّر تارینین اورشلئمده‌کی معبدئندن گؤتوروب بابئل معبدئنه آپارمیشدی، بابئلده‌کی معبددن چیخارتدی. اونلاری والی تعیئن اتدئیی شِشبَصّر آدلی بئر آداما وردی.
[15] اونا ددی: بو قابلاری گؤتوروب گت، اورشلئمده‌کی معبده قوی. تارینین معبدی قوی اؤز یرئنده تزه‌دن تئکئلسئن.
[16] او زامان همئن شِشبَصّر گلئب تارینین اورشلئمده‌کی معبدئنئن پایالارینی قویدو. او زاماندان ائندئیه قدر بو معبد تئکئلئر، لاکئن حله تاماملانماییب.“
[17] ائندی اگر پادشاهین خوشونا گلسه، قوی پادشاهین بابئل سارایینداکی دفترلر آختاریلسین و تارینین اورشلئمده‌کی معبدئنئن تئکئلمه‌سی اوچون کوروش پادشاهین وردئیی امر اوزه چیخاریلسین. سونرا دا بو ائش باره‌ده پادشاه اؤز ائراده‌سئنی بئزه بئلدئرسئن.»