[1] یهودالی‌لارین و بِنیامئنلی‌لرئن دوشمنلری اشئتدئلر کی، اسئرلئکدن قاییدانلار، ائسرایئلئن تاریسی رب اوچون معبد تئکئرلر.
[2] اونلار زِروبّابئله و نسئل باشچیلارینین یانینا گلئب ددئلر: «قوی بئز ده سئزئنله برابر بو معبدی تئکَک، چونکی بئز ده سئزئن کئمی سئزئن تارینیزا سئتایئش ادئرئک. آشور پادشاهی اِسَرخَدّونون دؤوروندن بَری کی، بئزی بورایا گتئردی، سئزئن تارینیزا قوربان تقدئم ادئرئک.»
[3] لاکئن زِروبّابئل، یَشوع و ائسرایئلئن آیری نسئل باشچیلاری اونلارا بله ددئلر: «تاریمیزین معبدئنی قورماق اوچون سئزئن بئزئمله هچ بئر اورتاق ائشئنئز یوخدور. بئز اؤزوموز اَل‌بئر اولوب فارس پادشاهی کوروشون امرئنه اَساسن ائسرایئلئن تاریسی ربّه معبد تئکه‌جه‌یئک.»
[4] او واخت بو اؤلکه‌نئن خالقی یهودا خالقینی تشوئقدن سالیب تئکئنتی ائشئنده اونلاری قورخوتدولار.
[5] بو خالق یهودئلرئن ضئدّئنه اوجرتله مصلحتچئلر توتدولار کی، اونلارین مقصدلرئنی بوشا چیخارتسینلار. بونو فارس پادشاهلاری کوروشون دؤوروندن داریوشون دؤورونه قدر اتدئلر.
[6] اَخَشوِروشون پادشاهلیغیندا، اونون حؤکمدارلیغینین باشلانیشیندا، اونلار یهودا و اورشلئمده یاشایانلارین ضئدّئنه بئر ائتّئهام مکتوبو یازدیلار.
[7] فارس پادشاهی اَرتَخشَستانین دؤورونده بئشلام، مئترِدات، طابِل و باشقا یولداشلاری پادشاه اَرتَخشَستایا مکتوب یازدیلار. مکتوب اَرامی دئلئنده یازیلیب اَرامی دئلئندن ده ترجومه ادئلدی.
[8] سرکرده رِخوم و مئرزه شئمشه‌ی پادشاه اَرتَخشَستایا اورشلئمئن ضئدّئنه بله بئر مکتوب یازدیلار.
[9] سونرا سرکرده رِخوملا مئرزه شئمشه‌ی و قالان یولداشلاری مکتوبا حاکئملردن، امئرلردن، قوللوقچولاردان، فارسلاردان، اَرَکلی‌لردن، بابئللی‌لردن، شوشَنلی‌لردن، یعنی عِیلاملی‌لاردان
[10] و باشقا خالقلاردان کی، بؤیوک و شانلی آشوربانئپال اونلاری اسئر آپاریب سامئره شهرئنده و فَرات چایینین قرب تورپاقلاریندا یِرلَشدئرمئشدی، ائمضا ییغدیلار.
[11] بودور اونلارین پادشاه اَرتَخشَستایا گؤندَردئیی مکتوبون صورتی: «پادشاه اَرتَخشَستایا فَرات چایینین او بئری تایینین تورپاقلاریندا یاشایان قوللاریندان.
[12] پادشاها معلوم اولسون کی، سئزئن یانینیزدان گلن یهودئلر بئزئم یانیمیزا، اورشلئمه گلئبلر. اونلار بو عاصی و پئس شهری تزه‌دن تئکئرلر. دووارلارین تئکمه‌سئنی قورتاریرلار و پایالاری دا تعمئر ادئرلر.
[13] پادشاها معلوم اولسون کی، اگر بو شهر تزه‌دن تئکئلسه، دووارلاری دا قورتارسا، اونلار سنه خراج، جزیه، و باج ورمه‌یه‌جکلر. بونونلا دا پادشاهین گلئرئنه زئیان دَیه‌جک.
[14] ائندی سارایین خئدمتئنده اولدوغوموزا گؤره، بئزه یاراشماز کی، پادشاها حؤرمتسئزلئک ادئلمه‌سئنی گؤرَک. اونا گؤره ده پادشاها بو خبری گؤندَ‌رئب چاتدیریریق،
[15] اله کی، سنئن آتالارینین دفترلری آختاریلسین. بو دفترلرده بو شهر حاقّیندا معلومات تاپاجاقسینیز کی، نجه هم عاصی، هم ده پادشاهلار و وئلایتلر اوچون ضررلی‌دئر. قدئمدن بَری اورادان عوصیان قالخیب و بونون اوچون شهر خارابایا چِورئلئب.
[16] پادشاها معلوم ادئرئک کی، اگر بو شهر برپا ادئلسه و دووارلاری تئکئلئب قورتارسا، سنئن فَرات چایینین قرب تورپاقلاریندان پایین اولمایاجاق.»
[17] پادشاه سرکرده رِخوما، مئرزه شئمشه‌یه و سامئره ائله فَرات چایینین او بئری تاییندا یاشایان یولداشلارینا بله جاواب گؤندَ‌ردی: «سالاملار!
[18] بئزه گؤندَ‌ردئیئنئز مکتوب حوضورومدا ترجومه ادئلئب اوخوندو.
[19] اونا گؤره من امر وردئم و تفتئش عمله کچدی. تصدئق اولوندو کی، بو شهرئن ساکئنلری قدئمدن بَری پادشاهلارین ضئدّئنه عوصیان قالدیریبلار. خیانت و عوصیان بو شهردن باش قالدیریب.
[20] او زامان اورشلئمی ائداره ادن قودرتلی پادشاهلار وار ائدی. فَرات چایینین او بئری تاییندا بوتون تورپاقلار اوستونده بو پادشاهلار حؤکمرانلیق ادئردئلر و بورانین اهالئسی اونلارا خراج، جزیه و باج ورئردئلر.
[21] ائندی امر ورئن، بو آداملار، ائشی دایاندیرسینلار و من امر ورنه قدر بو شهر تزه‌دن تئکئلمه‌سئن.
[22] بو ائشه اعتئناسیز اولماقدان اوزاق دورون. نئیه شر آرتیب پادشاهلارا زئیان وورولسون؟»
[23] پادشاه اَرتخشَستانین مکتوبونون صورتی رِخوملا مئرزه شئمشه‌یئن و یولداشلارینین حوضوروندا اوخوناندا، اونلار تَلَسئک اورشلئمه یهودئلرئن یانینا گتدئلر. اونلارین ائشئنی قوشون زورو ائله دایاندیردیلار.
[24] بله‌جه، تارینین اورشلئمده‌کی معبدئنئن تئکئلمه ائشی دایاندیریلدی و بو ائش فارس پادشاهی داریوشون حؤکمدارلیغینین ائکئنجی ائلئنه قدر دایاندی.