[1] بو اوچونجو دفه‌دئر کی، سئزئن یانینیزا گلئرم: «هر سؤز ائکی و یا اوچ شاهئدئن آغزی ائله تصدئق اولوناجاق.»
[2] ائکئنجی دفه اورادا حاضیر اولارکن دمئشم و ائندی ده ائره‌لئدن قایئب اولارکن کچمئشده گوناها باتانلارا، هم ده سئزئن هامینیزا دیئرم کی، اگر گئنه یانینیزا گلسم، هچ کئمی اسئرگمه‌یه‌جه‌یم.
[3] اوندان اؤتری کی، مسئحئن منئم واسئطمله دانیشدیغینا دلئل آختاریرسینیز. او، سئزئن قاباغینیزدا ضعئف دیئل، لاکئن سئزئن آرانیزدا قووّتلی‌دئر.
[4] چونکی او، ضعئفلئیی اوچون چارمیخا چکئلدی، لاکئن حله ده تارینین قودرتی اوچون یاشاییر. بئز ده اوندا ضعئفئک، لاکئن تارینین سئزده اولان قودرتی اوچون اونونلا یاشایاجاغیق.
[5] اؤزونوزو ائمتاحان ادئن، گؤرون آیا ائمانداسینیز. اؤزونوزو یوخلایین. مگر درک اتمئرسئنئز کی، عئسا مسئح سئزده‌دئر؟! مگر بو کی، حقئقتن ائمتاحاندا مردود اولورسونوز.
[6] لاکئن اومئد ادئرم کی، بئزئم ائمتاحاندا مردود اولمادیغیمیزی باشا دوشه‌جکسئنئز.
[7] آمّا تارییا دوعا ادئرئک کی، سهو بئر ائش گؤرمه‌یه‌سئنئز. بونون اوچون یوخ کی، بئز حاقلی گؤرونک. بونون اوچون کی، سئز صحئح اولانی یرئنه یتئره‌سئنئز، حتّا اگر بئز حاقلی گؤرونمه‌یک.
[8] چونکی بئز حقئقتئن ضئدّئنه هچ بئر ائش گؤره بئلمه‌رئک، آنجاق حقئقتئن یولوندا گؤره بئله‌رئک.
[9] چونکی بئز ضعئف، لاکئن سئز قووّتلی اولاندا بئز سوئنئرئک. دوعا دا ادئرئک کی، سئز کامئل‌لَشه‌سئنئز.
[10] من قایئب ائکن بونلاری اونا گؤره یازیرام کی، اورادا حاضیر اولدوغوم زامان، ربّئن منه وردئیی ائقتئداری ائله سئزئنله، ییخماق اوچون یوخ، بئنا اتمک اوچون برک رفتار اتمه‌یئم.
[11] نهایت، قارداشلار! سوئنئن، کامئل‌لَشئن، تسلّی تاپین، همفئکئر اولون، باریش ائچئنده یاشایین و سوگی و باریش تاریسی سئزئنله اولار.
[12] بئر‌بئرئنئزی موقدّس اؤپوشله سالاملایین.
[13] بوتون موقدّسلر سئزه سالام گؤندَ‌رئرلر.
[14] رب عئسا مسئحئن فیضی، تارینین محبّتی، و موقدّس روحون رفاقتی سئزئن هامینیزلا اولسون.