[1] Kangay piyagpapangkit sa kanyo Pibi in kantam belag pag kagbaiyan. Siyo agpanawen sa barkadaan mga bodang Diyos sa bayan Sinkiriyo.
[2] Panawen sa Kapwan siyo kanyo pabelagen kalakoy in betek sa mga iidang Diyos. Siyo tolongen sa boo kansiyo kailangan angkataw lakonaw in kansiyo tolong sa karowan, kadayo sa kangay.
[3] Kagwali wa nakay taybalang Pirisila osai Akwila, in kangay sarig agpanawen kay Kiristo Isos?
[4] Siro bangen nges matay matang ako yewed matay. Yewed waget ako in agkaanggay, kadayo in boo mga barkadaan mga bodang Diyos sa mga yewed Odyo.
[5] Nangkagwali wakay in barkadaan mga bodang Diyos in agsamba sa kansiro balay? Osai in kangay pagbelag Ipinito, kataw wa nakay siyo? Siyo in tokaw pag agpasandig kay Kiristo ista sa kobat lakoy Asya.
[6] Osai Mariya, in agpanawen gayed sa kanyo.
[7] Osai kora Adroniko osai Onya, siro Odyo din kataw ako. Siro taite kangay sarig sa bilanggowan. Atawanan siro mga sogowan Kiristo, tokaw kay sa kangay agpasandig sa kansiyo.
[8] Kagwali wa nakay Ampilyato, kangay piyagmaal sa kay Kiristo?
[9] Osai Orbano kantam katolong agpanawen kay Kiristo. Osai kangay pagbelag Istakis.
[10] Kadayo Apilis, atawanan siyo yewed aglimbang agpasandig kay Kiristo. Osai in balayan Aristobolo.
[11] Kadayo Orodiyon, Odyo din kataw ako. Osai in mga belag agpasandig kay Kiristo sa balay Narsiso.
[12] Osai nangkagwali wakay Tiripina osai Tiriposa, mga maeyat agpanawen sa Kapwan? Kadayo din Pirsida in kangay piyagbelag, lakonaw in kansiyo piyanawen sa Kapwan.
[13] Osai Ropo in lakonaw pag sogowan in Kapwan, osai in kansiyo inang, kangay din inang.
[14] Osai kora Asindirito, osai Piligonti, osai Irmis, osai Patrobas, osai Irmas, osai in boo mga belag kansiro sarig.
[15] Osai kora Pilogogo, osai Olya, osai Niryo osai kansiyo belag kagbaiyan, osai Olimpas, osai in boo mga belag kansiro sarig.
[16] No kamo maltagbowan na malkaanggayan kamo. In boo mga barkadaan mga agpasandig kay Kiristo siro keyen, Kamo kagwali wa nakay?
[17] Mga belag, tandaen in mga agbaslagbaslag sa kanyo barkadaan, in mga agpaakay agbenglay in mga piyatoldo kanyo wa piyaniwalaan. Siro kanyo panliliyanen.
[18] In mga kataw ina mangyan yewed sogowan Kiristo kantam Kapwan, no yewed sa kansiro waget sadiri mga beet. Panawen waget sa kansiro mga maalno kamay bosliyen pag panggisoden kansiro piyaglibangaw in mga ikkay maeyat in paniwala.
[19] In kamo agpaniwala kay Kiristo biyarita wa sa boo mangyan. Ako agkaanggay wano asin. Kamay in kangay beet kamo apo atawanan panawen sa mga maalno, kamay idapo atawanan sa mga daet.
[20] In Diyos in agtaboy in apyaan pag remrem. Idwa dogay batay wa kansiyo piyadaeg Katanas, batay kanyo piyanlaedan. Sa kanyo in lakonaw pag agpakayawte kantam Kapwan IsoKiristo.
[21] Timotiyo, in kangay katolong agpanawen, siyo keyen, Kagwali wa nakay kamo? Kadayo Losyo, Ason osai Sosipatro, siro kangay kabelagan.
[22] Ako Tirsiyo in agsolat anda in kay Pablo solat, ako din keyen, Panawen kitam agpaybelagan sa Kapwan kagwali wa nakay kamo?
[23] Keyen din Gayo, kansiyo balay kangay pagitokodan. Atai agsamba in boo barkadaan mga bodang Diyos. Osai Irasto in agalapet kowarta atai pag bayan, osai kantam belag Kowarto.
[25] Ngona kantam pagmaalen in Diyos, in kabaloy agparigen sa kantam panawen in Maalno pag Barita kangay piyagpatoldo panawen kay IsoKiristo. Ina pag Maalno pag Barita tangona dogay wano piyagbetang kamay ngona piyalowas wa.
[26] Panawen sa sogo in Diyos idapo kalobosan ina pag barita piyatoldo wa sa boo mga mangyan, matang siro agpasandig kay Kiristo, maniwala sa kansiyo. Ina pag boo siyabi in mga poropita sa mga Agisolat.
[27] In osai waget ka Diyos in katawan sa boo, siyo pakalakonawen anggan idapo kalobosan, panawen kay IsoKiristo. Ina wa ngani.