[1] In kanyam piyagsolat sa kanyo panawen sa Agiplaong Agpamaboway. Sa parakayan kay siyo datiyan wa agkaboway. Kanyam ngiitan siyo, kanyam din arengeyan, riyoris, kanyam din yaatang.
[2] Piyapangkit in Boway. Kalbas kanyam ngiitan, matang kanyam piyagbarita sa kanyo. Kanyam piyagpatoldo sa kanyo in Boway idapo kalobosan. Siyo in sarig in Amang, kalbas lomwas sa kanyam.
[3] Kanyam piyagpaalam sa kanyo in kanyam ngiitan, osai arengeyan, matang kamo miyagem sa kanyam barkadaan, osai in Amang osai in kansiyo Bodang IsoKiristo.
[4] Anda kanyam piyagsolat, matang kitam agkaanggay wano gayed.
[5] Anda in barita kanyam arengeyan sa Bodang Diyos, kanyam wakay piyagpatoldo sa kanyo. In Diyos in tinglaw. Sa kansiyo idapono lened.
[6] No kantam piyagsabi kitam agyanggat sa kansiyo, kamay no kantam ogali kagwali lened, na kitam bosliyen. Yewed betek in kantam ogali.
[7] Kamay no kantam ogali kagwali rawa, kataw daan siyo sa rawa, na kitam osai waget ka barkadaan. Osai in boo kantam mga daet liimes wa in daya Isos in Bodang Diyos.
[8] No kantam piyagsabi kitam idapo daet, na bomaribid in kantam remrem, kitam yewed wano betek.
[9] No kantam piyagsabi in kantam mga daet, na in Diyos batay agpangwat in kansiyo pangako. Kansiyo batay liibangaw in boo kantam daet. Kataw betek in kansiyo ogali.
[10] No kantam piyagsabi kitam idapo batang agpangwat daet, na kitam aglaban sa Diyos keyen, Siyo bosliyen. Na idapo daan sa kantam in kansiyo agiplaong.