[1] ཀྱེ་ཀྱེ་བུ་རྣམས་ཕ་ཡི་བསླབ་བྱར༌ཉོན། །གོ་བ་རྟོགས་པར་གཟབ་གཟབ་བྱས་ནས༌བརྩོན།།
[2] བདག་གིས་ཁྱོད་ཚོར་སློབ་སྟོན་བཟང་པོ༌བྱེད། །དེའི་ཕྱིར་ང་ཡི་བཀའ་རྒྱ་འདོར་མི༌བྱ།།
[3] ང་ནི་རང་གི་ཕ་ཡི་དྲུང་དུ་བུ་ཆུང༌དང༌། །མ་ཡི་མདུན་དུ་གཅེས་ཕྲུག་གཅིག་པུ་ཡིན་དུས༌སུ།།
[4] ཕ་ཡིས་ང་ལ་བསླབ་བྱ་འདི་སྐད༌གནང༌། །ཁྱོད་ཀྱིས་སེམས་ནས་ང་ཡི་ཚིག་རྣམས༌རྩིས། །ང་ཡི་བཀའ་རྣམས་སྲུངས་དང་གསོན་པར༌འགྱུར།།
[5] ཤེས་རབ་དང་ནི་གོ་རྟོགས་ལེན་པ༌དང༌། །ང་ཡི་ཚིག་རྣམས་བརྗེད་པར་མི་བྱ༌ཞིང༌། །དེ་ལས་ལམ་ཡན་དུ་ཡང་འཁོར་མི༌བྱ།།
[6] ཤེས་རབ་མ་སྤང་ཁོ་མོས་ཁྱོད་ལ༌གཟིགས། །ཁོ་མོར་གཅེས་ན་ཁོ་མོས་ཁྱོད་རང༌བསྲུང༌།།
[7] ཤེས་རབ་གཙོ་བོ་ཡིན་པས་ཤེས་རབ༌ལོངས། །རང་ལ་ཐོབ་པ་ཀུན་གྱིས་གོ་རྟོགས༌འཚོལ།།
[8] ཤེས་རབ་མཐོན་པོར་བསྒྲེངས་ན་ཁོ་མོས༌ཀྱང༌། །ཁྱོད་རང་མཐོ་སར་འཇོག་ཅིང་ཁྱོད་ཀྱིས༌ནི། །ཤེས་རབ་ལ་ནི་འཐོམས་ཤིག་ཁོ་མོས༌ཀྱང༌། །ཁྱོད་ལ་གུས་བཀུར་འཐོབ་པར་བྱེད་ངེས༌ཡིན།།
[9] ཁོ་མོས་ཁྱོད་ཀྱི་མགོ་ལ་ཐུགས་རྗེའི་གཙུག་རྒྱན༌བསྐོན། །ཟིལ་གྱི་ཅོད་པན་ཡང་ནི་ཁྱོད་ལ་གནང་བར༌འགྱུར།།
[10] བདག་གི་བུ་ཡིས་བདག་གི་གཏམ་ལ༌ནི། །ཉན་པར་བྱེད་ཅིང་དང་དུ་ལོངས་ཤིག༌དང༌། །ཁྱོད་ནི་ཚེ་ཐག་རིང་བོར་གནས་པར༌འགྱུར།།
[11] ང་ཡིས་ཁྱོད་རང་ཤེས་རབ་ལམ་དུ༌དྲངས། །དྲང་པོའི་ལམ་ལ་སྐྱོད་པར་ལམ་སྟོན༌བྱས།།
[12] ཁྱོད་རང་ལམ་ལ་བགྲོད་དུས༌སུ། །རྐང་པ་བཀག་རྒྱར་མི་ཐོགས༌ཤིང༌། །རྒྱུག་དུས་ས་ལ་འགྱེལ་མི༌འགྱུར།།
[13] གདམས་ངག་དམ་པོར་བསྲུངས་ནས་ལྷོད་མི༌རུང༌། །ཁོ་མོ་ཚེ་སྲོག་ཡིན་པས་ནན་གྱིས༌སྲུངས།།
[14] ངན་རུལ་ཅན་གྱི་ལམ་དུ་མི་ཞུགས༌ཤིང༌། །ངན་པའི་ལམ་དུ་འགྲོ་བར་མི་བྱ༌འོ།།
[15] དེ་ལ་གཡོལ་ཞིང་དེའི་ནང་མ་འགྲོ༌ཞིག །ཁ་ཕྱིར་འཁོར་ནས་དེ་ལས་ཕར་སོང༌ཞིག །
[16] ཅིའི་ཕྱིར་ཞེ་ན་དེ་རྣམས༌ཀྱིས། །དོན་ངན་མ་བྱས་གཉིད་མི༌ཐུབ། །སུ་ཞིག་བསྒྱེལ་བར་མ་བྱས༌ན། །དེ་རྣམས་གཉིད་ཀྱང་མི་ཁུག༌གོ།།
[17] དེ་ཚོའི་བཟའ་རྒྱུ་ངན་པའི་བག་ལེབ༌ཡིན། །དེ་ཚོའི་བཏུང་བ་གདུག་རྩུབ་རྒུན་ཆང༌ཡིན།།
[18] དྲང་པོའི་བགྲོད་ལམ་སྐྱ་མདའ་ཤར་བ༌འདྲ། །ཉིན་གུང་བར་དུ་ཇེ་གསལ་འགྲོ་བ༌ཡིན།།
[19] ངན་པའི་ལམ་ནི་སྨག་རུམ་དང་མཚུངས༌ཤིང༌། །རང་ཉིད་འགྱེལ་བའི་རྒྱུ་ཡང་རྟོགས་པ༌མིན།།
[20] བདག་གི་བུ་ཡིས་བདག་གི་ཚིག་ལ༌སོམས། །ང་ཡི་གཏམ་ལ་རྣ་བ་གཏད་ནས༌ཉོན།།
[21] དེ་རྣམས་རང་གི་མིག་ལ་འབྲལ་མ༌འཇུག །གཟབ་ནན་བགྱིས་ནས་རང་གི་སེམས་ལ༌ཟུངས།།
[22] འདི་དག་ཐོབ་པར་ཚེ་སྲོག་ཐོབ་པ༌དང༌། །ཁོ་ཚོའི་ལུས་ཁམས་བདེ་བར་འགྱུར་ཕྱིར༌རོ།།
[23] བསྲུང་བར་བྱ་བ་ཐམས་ཅད༌ལས། །རང་སེམས་ལྷག་པར་སྲུངས་ཤིག༌ཀྱེ། །རྒྱུ་མཚན་དེ་ནི་ཚེ་སྲོག༌གི། །འབྱུང་གནས་ཡིན་པའི་ཕྱིར་དུ༌འོ།།
[24] ལོག་པར་སྨྲ་བའི་ཁ་ནི་འདོར་བ༌དང༌། །སླུ་བྲིད་གཏམ་གྱི་མཆུ་སྒྲོས་རིང་དུ༌སྤོངས།།
[25] ཁྱོད་ཀྱི་མིག་གིས་མདུན་ལ༌ལྟོས། །མིག་གིས་དྲང་མོར་བལྟ་བར༌གྱིས།།
[26] རང་གི་རྐང་པའི་གོམ་སྟབས༌ལ། །གཟབ་གཟབ་གྱིས་དང་རང་གི༌ལམ། །ཐམས་ཅད་བརྟན་པོར་འགྱུར་བ༌འོ།།
[27] གཡས་སམ་གཡོན་དུ་མི་གཡོ༌བར། །རང་གི་རྐང་པ་ངན་ལས༌སྲུངས།།