[1] མི་ངན་ལ་ནི་ཕྲག་དོག་མ་བྱེད༌ཅིག །དེ་དང་འགྲོགས་པའི་རེ་འདོད་སྤང་བར༌གྱིས།།
[2] རྒྱུ་མཚན་དེ་དག་སེམས་ཀྱིས་གདུག་རྩུབ༌སྙེག །དེ་ཚོའི་ཁ་ནས་བསྟན་བཤིག་གཏམ་གླེང༌བྱ།།
[3] ཤེས་རབ་ལ་བརྟེན་ཁང་པ་བརྩིགས་པ༌དང༌། །གོ་རྟོགས་ཀྱིས་ནི་ཁང་པ་ཚུགས་པར༌བྱེད།།
[4] ཤེས་ཡོན་བརྒྱུད་ནས་ཁང་མིག་སོ་སོ༌རུ། །རིན་པོ་ཆེ་དང་ཡིད་འོང་ནོར་རྫས༌འགེངས།།
[5] ཤེས་ལྡན་སྟོབས་དང་ལྡན་པ༌དང༌། །ཤེས་ཡོན་ཅན་གྱི་མཐུ་སྟོབས༌རྒྱས།།
[6] ཐབས་མཁས་ཀྱིས་ནི་གཡུལ་འགྱེད༌དགོས། །གྲོས་མི་མང་ན་རྒྱལ་ཁ༌ལོན།།
[7] བླུན་པོར་ཤེས་རབ་ཆེས་འཕགས༌པས། །མཁར་སྒོར་དེ་ཡིས་ཁ་མི༌གྲགས།།
[8] ཐབས་བཀོད་ངན་པ་འཐེན་མཁན༌ལ། །ངན་ཤོམ་བྱེད་པོ་ཞེས་སུ༌འབོད།།
[9] བླུན་པོའི་གཡོ་ཇུས་སྡིག་པ་ཡིན་པ༌དང༌། །འཕྱ་སྨོད་མཁན་ལ་མི་རྣམས་ཞེན་པ༌ལོག །
[10] སྡུག་བསྔལ་ཉིན་མོར་ཡིད་ཕམ༌ན། །ཁྱོད་ཀྱི་སྟོབས་ཤུགས་ཆུང་བ༌ཡིན།།
[11] གསོད་དུ་འདྲུད་རྣམས་སྐྱོབ་པར༌གྱིས། །འཆི་ཁར་འཁྱོར་བ་ཕྱིར་འཐེན༌བྱོས།།
[12] བདག་གིས་མ་ཤེས་ཞེས་སྨྲ༌ན། །མི་སེམས་སྲང་ལ་གཞལ་མཁན༌གྱིས། །དེ་ནི་རྟོགས་པ་མ་ཡིན༌ནམ། །ཁྱོད་ཀྱི་ཚེ་སྲོག་སྲུང་མཁན༌གྱིས། །དེ་ནི་མཁྱེན་པ་མ་ཡིན༌ནམ། །ཁོང་གིས་རེ་རེའི་བྱ་སྤྱོད༌བཞིན། །རེ་རེར་ལན་ཞིག་མི་གནང༌ངམ།།
[13] ངའི་བུ་སྦྲང་རྩི་བཟང་བས་དེ་ཟོ༌ཞིག །སྦྲང་ཚང་ཁ་ཡི་སྦྲང་རྩི་ཁ་ལ༌མངར།།
[14] ཤེས་རབ་ཁྱོད་ཀྱི་ཡིད༌ལའང༌། །དེ་བཞིན་ཡིན་པ་ཤེས་པར༌གྱིས། །གལ་སྲིད་ཤེས་རབ་ཐོབ་ན༌ནི། །ཁྱོད་ལ་མཇུག་འབྲས་ལེགས་པོ༌འབྱུང༌། །རེ་ལྟོས་ཀྱང་ནི་ཟད་མི༌འགྱུར།།
[15] ངན་པ་ཁྱོད་ནི་དྲང་པོ༌ཡི། །ཁྱིམ་ལ་རྒོལ་བར་མ་འཇབ༌ཅིག །དེ་ཡི་སྡོད་གནས་མ་བརླག༌ཅིག །
[16] གང་ལ་ཞེ་ན་དྲང་པོ༌ནི། །ལན་བདུན་འགྱེལ་ཡང་སླར་འགྲེང༌ནུས། །ངན་པ་བར་ཆད་ནང་དུ༌ལྟུང༌།།
[17] དགྲ་བོ་འགྱེལ་དུས་ཁྱོད་མ༌དགའ། །དེ་ཁ་རྡབ་དུས་སེམས་མ༌སྤྲོ།།
[18] དེ་ནས་ཡ་ཝཱེས་གཟིགས་ན༌ནི། །ཁོང་ཉིད་ཁྱོད་ལ་ཐུགས་མི༌དགྱེས། །ཁོང་གི་ཐུགས་ཁྲོ་དགྲ་ལས༌འཐེན།།
[19] ངན་པའི་ཕྱིར་དུ་སེམས་མ༌འབར། །དེ་ལ་ཕྲག་དོག་ཀྱང་མ༌བསྐྱེད།།
[20] གང་ལ་ཞེ་ན་མི་ངན༌ལ། །མཇུག་འབྲས་ལེགས་པོ་ཡོད་མ༌ཡིན། །ངན་པའི་སྒྲོན་མེ་ཞི་བར༌འགྱུར།།
[21] ངའི་བུ་ཁྱོད་ཀྱིས་ཡ་ཝཱེ༌ལ། །གུས་ཤིང་འཇིགས་པར་གྱིས་ཤིག༌ཨང༌། །རྒྱལ་པོ་ལ་འང་བཀུར་བར༌གྱིས། །ངོ་ལོག་ཅན་དང་མ་འགྲོགས༌ཤིག །
[22] ཅིའི་ཕྱིར་ཞེ་ན་དེ་དག༌ལ། །གློ་བུར་ཉེས་ཆད་འབྱུང་བར༌འགྱུར། །ཡ་ཝཱེ་དང་ནི་རྒྱལ་པོ༌ལས། །བར་ཆད་ཅི་འབྱུང་སུ་ཡིས༌རྟོགས།།
[23] གཤམ་གྱི་ཚིག་འདི་རྣམས་ཀྱང་ཤེས་ལྡན༌གསུང༌། །ཁྲིམས་ཐག་གཅོད་དུས་ཕྱོགས་རིས་འཛིན་པ༌ཐན།།
[24] ངན་པར་ཁྱོད་ནི་མི་བཟང་རེད་ཅེས༌ན། །མི་རྒྱུད་ཀུན་གྱིས་དེ་ལ་དམོད་མོ༌གདབ། །མི་རིགས་ཡོངས་ཀུན་དེ་ལ་ཞེ་སྡང༌སྐྱེ།།
[25] ངན་པར་གཤེ་གཤེ་གཏོང་བར་དགའ་མོས༌འབྱུང༌། །བྱིན་རླབས་ཆེན་པོ་དེ་རྣམས་ལ་འཐོབ༌བོ།།
[26] ཚིག་ལན་དྲང་པོར་སྨྲ་བ༌ནི། །མཆུ་སྒྲོས་སྟེང་ལ་འོ་བསྐྱེལ༌བཞིན།།
[27] ཕྱི་ཡི་ལས་ཀ་འགྲུབ་པར༌གྱིས། །ས་ཞིང་གྲ་སྒྲིག་ལེགས་པོ༌བྱོས། །དེ་ནས་ཁང་པ་བརྩིག་པར༌གྱིས།།
[28] དོན་མེད་རང་གི་ཁྱིམ་མཚེས༌ལ། །གནོད་པའི་དཔང་པོར་མ་གྱུར༌ཅིག །མཆུ་སྒྲོས་མགོ་སྐོར་གཏོང་མི༌རུང༌།།
[29] མི་ཡིས་ང་ལ་ཅི་བྱས༌ན། །ངས་ཀྱང་ཁོ་ལ་དེ་བཞིན༌བྱ། །མི་དེའི་ལས་ལ་འོས་པའི༌ལན། །འཇལ་བར་བྱ་འོ་མ་ཟེར༌ཞིག །
[30] ང་རང་སྙོམ་ལས་ཅན་གྱི་ཞིང་ཁ༌དང༌། །བླུན་པོའི་རྒུན་ཚལ་བརྒྱུད་ནས་འགྲོ་དུས༌སུ།།
[31] གང་ས་གང་ལ་ཚེར་མ་སྐྱེས་པ༌དང༌། །ས་ངོས་ཡོངས་ལ་རྩྭ་ལྡུམ་གྱིས་ཁེབས༌ཤིང༌། །རྡོ་ཡི་ལྕགས་རི་ཞིག་རལ་གྱུར་པ༌མཐོང༌།།
[32] བདག་གིས་ཅི་ཞིག་མཐོང་བར་བསམ་བློ༌བཏང༌། །ཞིབ་པར་བལྟས་ནས་བསླབ་བྱ་ཐོབ་པ༌འོ།།
[33] ད་དུང་སྐད་ཅིག་གཉིད་ཅིག༌དང༌། །ཡུད་ཙམ་ཞིག་ལ་གཉིད་དུ༌ཡུར། །ལག་པ་འཁུམས་ལ་ཨེན་ཙམ༌སྡོད།།
[34] དེ་ནས་ཁྱོད་ཀྱི་དབུལ་ཕོངས༌ནི། །ཆོམ་པོ་བཞིན་དུ་བསླེབ་ཡོང༌ཞིང༌། །དཀོན་པོ་མཚོན་ཐོགས་ཚུལ་དུ༌བསླེབ།།