[1] ངན་པ་འདེད་མཁན་མེད་ཀྱང་འབྲོ༌ནའང༌། །དྲང་པོ་སེང་གེ་བཞིན་དུ་ཞུམ་པ༌མེད།།
[2] རྒྱལ་ཁམས་ཤིག་ལ་ཉེས་སྐྱོན་མངའ་བས༌ན། །དེ་ལ་འགོ་དཔོན་མང་དུ་འབྱུང་བ༌འོ། །བློ་གྲོས་ཤེས་ཡོན་མངའ་བས་སྲིད་བརྟན༌འགྱུར།།
[3] དབུལ་པོས་དབུལ་པོར་གཉའ་གནོན་བྱེད་པ༌ནི། །འབྲུ་རིགས་ཡོངས་སུ་འཁུར་བའི་དྲག་ཆར༌འདྲ།།
[4] བཀའ་ཁྲིམས་འདོར་བའི་མི་ཡིས་ངན་པར༌བསྟོད། །བཀའ་ཁྲིམས་སྲུང་མཁན་གྱིས་ནི་ངན་པར༌རྒོལ།།
[5] མི་ངན་གྱིས་ནི་དྲང་གཞག་གོ་བ༌མིན། །ཡ་ཝཱེ་འཚོལ་མཁན་ཐམས་ཅད་ལེགས་པར༌རྟོགས།།
[6] སྤྱོད་པ་ཕྱིན་ཅི་ལོག་པའི་ཕྱུག་བདག༌ལས། །དྲང་པོར་སྤྱོད་པའི་དབུལ་པོ་ལེགས་པ༌འོ།།
[7] བཀའ་རྒྱ་སྲུང་མཁན་བློ་གྲོས་བུ་ཡིན༌ཞིང༌། །ཟས་རྔམ་ཅན་དང་འགྲོགས་པའི་མི་དེས༌ནི། །རང་གི་ཕ་ཡང་ངོ་ཚར་སྦྱོར་བ༌ཡིན།།
[8] སྐྱེད་ཀ་མཐོན་པོས་རང་ནོར་སྤེལ་བ༌དེས། །དབུལ་པོར་སྙིང་རྗེ་བྱེད་པའི་དོན་དུ༌གསོག །
[9] ཁ་ཕྱིར་འཁོར་ནས་བཀའ་རྒྱར་མི་ཉན༌པའི། །སྨོན་ལམ་ཡང་ནི་ཞེན་པ་ལོག་པར༌རྩི།།
[10] དྲང་པོ་ལོག་ལམ་འདྲེན་མཁན༌ནི། །རང་གི་དོང་ནང་ལྟུང་བར༌འགྱུར། །སྐྱོན་དང་བྲལ་བར་ནོར་སྐལ༌འཐོབ།།
[11] ཕྱུག་པོས་རང་ཉིད་མཁས་པར༌འཛིན། །དབུལ་པོ་མཛངས་པས་དེ་ནི༌རྟོགས།།
[12] དྲང་པོ་རྒྱལ་དུས་གཟི་དཔལ་ཤིན་ཏུ༌ཆེ། །ངན་པ་དར་དུས་མི་རྣམས་གཡོལ་བར༌འགྱུར།།
[13] རང་གི་ཉེས་སྐྱོན་སྦ་མཁན་དོན་མི༌འགྲུབ། །རང་སྐྱོན་མཐོལ་ནས་སྤང་བར་ཐུགས་རྗེ༌འཐོབ།།
[14] རྟག་ཏུ་གུས་ཤིང་འཇིགས་པའི་མི་ནི༌བདེ། །སེམས་པ་གྱོང་པོ་བར་ཆད་ནང་དུ༌ལྟུང༌།།
[15] གདུག་རྩུབ་ཆེ་བའི་འགོ་དཔོན༌གྱིས། །དབུལ་པོར་དབང་དུ་བསྒྱུར་པ༌ནི། །སེང་གེས་ང་རོ་སྒྲོག་པ༌དང༌། །ཁ་ཟས་འཚོལ་བའི་དོམ་དང༌མཚུངས།།
[16] འགོ་དཔོན་གླེན་པས་གདུག་རྩུབ༌བཀོལ། །མི་གཙང་རྒྱུ་ལ་སྡང་བ༌ནི། །ཚེ་ཐག་རིང་བར་སྙམ་པ༌འོ།།
[17] མི་ཁྲག་བཞུར་བའི་སྡིག་པ་འཁུར་མཁན༌ནི། །འཆི་བའི་བར་དུ་བྲོས་ཀྱང་སྐྱོབ་མི༌འོས།།
[18] སྤྱོད་པ་སྐྱོན་བྲལ་ཐར་བར༌འགྱུར། །ལོག་ལམ་ཞུགས་པ་ཐོལ་གྱིས༌འགྱེལ།།
[19] འབད་པས་སོ་ནམ་བྱེད་པར་ཟས་ཀྱིས༌མོད། །འཕྲུལ་སྣང་སྙེག་པས་ཕོངས་པའི་སྡུག་བསྔལ༌མྱོང༌།།
[20] བློ་སེམས་དཀར་བ་ལ་ནི་བྱིན་རླབས༌མོད། །ཕྱུག་པོར་འགྱུར་བར་རྔམ་ལ་ཉེས་ཆད༌འཕོག །
[21] མི་ལ་ཕྱོགས་རིས་འཛིན་པ་མི་ལེགས༌ཀྱང༌། །མི་ཡིས་བག་ལེབ་དུམ་བུའི་ཕྱིར་ཉེས༌བྱེད།།
[22] སེར་སྣ་ཅན་ནི་ཕྱུག་པོར་འགྱུར་བར༌རྔམ། །དབུལ་ཕོངས་སླེབ་པ་ཡིད་ལ་འཆར་བ༌མེད།།
[23] ལྗགས་ཀྱིས་མི་ལ་ཁ་ཡག་བཤད་པ༌ལས། །བཀྱོན་མཁན་ལ་ནི་མཇུག་མཐར་ངོ་སོ༌འཐོབ།།
[24] རང་གི་ཕ་མའི་རྒྱུ་འཕྲོག༌ཅིང༌། །འདི་ནི་ཉེས་པ་མིན་ཟེར༌ན། །དེ་ནི་ཇག་པའི་འགྲོགས་ཡ༌ཡིན།།
[25] ཧམ་པ་ཅན་གྱིས་རྩོད་གཞི༌སློང༌། །ཡ་ཝཱེར་བརྟེན་པ་ཕྱུག་པར༌འགྱུར།།
[26] རང་ཉིད་མཁས་པར་འཛིན་པ་གླེན་པ༌ཡིན། །ཤེས་རབ་ནང་དུ་འགྲོ་བ་ཐར་བར༌འགྱུར།།
[27] དབུལ་པོར་སྦྱིན་པ་གཏོང་མཁན་ཕོངས་མི༌འགྱུར། །དེ་རྣམས་མིག་ནང་མེད་པར་དམོད་མོ༌ཐེབས།།
[28] ངན་པ་དར་དུས་མི་རྣམས༌གཡོལ། །དེ་རྣམས་འཇིག་དུས་དྲང་པོ༌འཕེལ།།