[1] ንስኻ ግና ሕይወት ዝርከቦ ቕኑዕ ትምህርቲ መሃር።
[2] ነቶም ኣረጋውያን ጥንቁቓት ክብሮም ዝሕልዉ ለባማት ብእምነትን ብፍቕርን ብትዕግሥትን ጥዑ ያት ክኾኑ መዓዶም።
[3] ነተን ኣረጋውያትውን ከምኡ ብቕድስና ዝነብራ ዘይሓምያ ዘይሰኽራ ሠናይ ዝኾነ ዂሉ ንንኡሳት ኣንስቲ ዝምህራ ክኾና መዓደን።
[4] እተን ንኡሳት ኣንስቲውን ንሰብኡተንን ንውሉደንን ከፍቅራ
[5] ርእሰን ዝመልካ ንጹሃት ስድራአን ዝከናኸና ሕያዎት ንሰብኡተን ዝእዘዛ ምእንቲ ክኾና ይምሃርአን። እዙይ ከዓ ቃል እግዚኣብሔር ምእንቲ ኸይጽረፍ እዩ።
[6] ነጓብዝውን ከምኡ ርእሶም ዝመልኩ ክኾኑ መዓዶም።
[7] -
[8] እቶም ዝቃወሙ ብዛዕባና ዝብልዎ ኽፉእ ነገር ስኢኖም ምእንቲ ኽኃፍሩስ ክትምህር እንተለኻ እሙን ብምዃን ብምስትውዓል ነቐፋ ብዘይብሉ ዘረባ ብዂሉ ሠናይ ግብሪ እናዘውተርካ ኣርኣያ ኹኖም።
[9] ነቶም መገልገልቲ ኸዓ ንጐይተቶም ብዂሉ ነገር ክእዘዙ ከሐጕስዎም እምበር ክፉእ ከይምልሱሎም መዓዶም።
[10] እቲ ናይ መድኃኒና እግዚኣብሔር ትምህርቲ ኣብ ኲሉ ቕቡል ምእንቲ ክኸውን ብዂሉ እሙናት ክኾኑ እምበር ሰረቕቲ ኸይኾኑ መዓዶም።
[11] ንዂሉ ሰብ ዘድኅን ጸጋ እግዚኣብሔር ተገሊጹ እዩሞ፤
[12] እዝ ጸጋ እዙይ ኃጢኣትን ዓለማዊ ድልየትን ኃዲግና ኣብዛ ዓለም እዚኣ ርእስና መሊኽና ብጽድቅን ብመንፈሳዊ ሕይወትን ክንነብር ይምህረና።
[13] ከምዙይ ኢልና ነቲ ብሩኽ ተስፋና ናይቲ ዓብዪ ኣምላኽናን መድኃኒናን ኢየሱስ ክርስቶስ ክብሪ ኽግለጽ ንጽበ ኣለና።
[14] ንሱ ካብ ኲሉ ኃጢኣት ሓራ ምእንቲ ኸውፅአና ንሠናይ ግብሪ ዝቐንኡ ንእኡ ዝኾንዎ ሕዝቢ ምእንቲ ኸንጽህ ንርእሱ ቤዛና ኣኅሊፉ ሃበ።
[15] እምበኣር ነዝ ነገርዙይ መሃር፤ ብምሉእ ሥልጣን ከዓ መዓድን ገሥጽን ሓደኳ ኣይንዓቕካ።