[1] Әмма син аек тәгълиматка туры килгәннәрне ѳйрәт.
[2] Өлкән яшьтәге ир-атларга әйт: алар тотнаклы, ихтирамга лаек, тѳпле булырга ћәм иман, мәхәббәт, түземлектә нык торырга тиеш.
[3] Шулай ук ѳлкән яшьтәге хатын-кызларга да әйт: алар үзләрен чын иман итүчеләр кебек тотарга, гайбәт сѳйләшмәскә, эчкечелеккә бирелмәскә ћәм башкаларны яхшылыкка ѳйрәтергә тиеш.
[4] Аллаћы сүзенә карата хурлык килмәсен ѳчен, алар яшь хатыннарны үз ирләрен ћәм балаларын яратырга,
[5] тѳпле, саф, яхшы хуҗабикә булырга ћәм ирләренә күндәм булырга ѳйрәтергә тиеш.
[6] Шул рәвешчә, яшь ир-атларга да тѳпле булырга нәсыйхәт бир.
[7] Аларга барлык яхшы гамәлләрдә үрнәк күрсәт. Өйрәтүләрењдә намуслы ћәм җитди бул;
[8] каршы торучылар безнењ турыда ћичнинди начар сүз әйтә алмыйча оятка калсын ѳчен, сѳйләмењ тәнкыйть итә алмаслык дәрәҗәдә дѳрес булсын.
[9] Колларга нәсыйхәт бир: алар бар нәрсәдә хуҗаларына буйсынсыннар, ярарга тырышсыннар, бәхәсләшмәсеннәр,
[10] урлашмасыннар, бәлки үзләренењ ћәрнәрсәдә чыннан да тугры булуларын күрсәтсеннәр. Коткаручыбыз Аллаћыныњ тәгълиматы кешеләрнењ игътибарын бар нәрсәдә үзенә җәлеп итә торган булсын ѳчен, аларга боларны эшләү кирәк.
[11] Чѳнки Аллаћыныњ ћәр кешегә котылу бирүче мәрхәмәте килде.
[12] Бу мәрхәмәт, алласызлыкны ћәм дѳньяви нәфесләрне кире кагып, безне бу дѳньяда тѳпле, гадел ћәм Аллаћыны хѳрмәт итеп яшәргә ѳйрәтә.
[13] Шул ук вакытта бѳек Аллаћы ћәм Коткаручыбыз Гайсә Мәсихнењ шѳћрәте килүенә куанычлы ѳметебез бар.
[14] Мәсих безне ћәртѳрле гѳнаћтан йолып алу ѳчен ћәм яхшылык кылырга ашкынып торучы үзенчәлекле халкын Үзе ѳчен чистартырга дип, Үзен корбан итте.
[15] Моныњ барысын ћәртѳрле хакимлек белән сѳйлә, нәсыйхәт ит ћәм фаш ит. Сиња беркем дә түбәнсетеп карамасын.