[1] Wa baʼad da, kubaaraat aayilaat al-Laawiyiin jo giddaam raajil al-diin Aliʼaazar wa Yachuuʼ wileed Nuun wa kubaaraat aayilaat gabaayil Bani Israaʼiil
[2] fi Chiilooh fi balad Kanʼaan. Wa gaalo leehum : «Allah gaal be waasitat Muusa tantuuna mudun al-naskunu fooghum wa induhum bakaan le bahaayimna yasraho foogah.»
[3] Wa khalaas min ard warasathum, Bani Israaʼiil antoohum le l-Laawiyiin mudun be bakaanaathum hana sarha hasab kalaam Allah.
[4] Wa gassamo be amʼiyeedaat wa l-gisim al-awwal, antooh le khachum beet Gahaat. Wa minhum zurriiyit Haaruun raajil al-diin ligo 13 mudun min gabiilat Yahuuza wa gabiilat Chimʼuun wa gabiilat Banyaamiin.
[5] Wa l-Laawiyiin al-aakhariin hana khachum beet Gahaat ligo be amʼiyeedaat 10 mudun min gabiilat Afraayim wa gabiilat Daan wa nuss gabiilat Manassa.
[6] Wa khachum beet Girchuun ligi be amʼiyeedaat 13 mudun min gabiilat Yassaakar wa gabiilat Achiir wa gabiilat Naftaali wa nuss gabiilat Manassa al-fi turaab Baachaan.
[7] Wa khachum beet Maraari ligi 12 mudun min gabiilat Raʼuubiin wa gabiilat Gaad wa gabiilat Zabuluun.
[8] Wa Bani Israaʼiil anto kulla l-mudun dool be bakaanaathum hana l-sarha be amʼiyeedaat le l-Laawiyiin misil Allah amar beyah be waasitat Muusa.
[9] Wa daahu asaame al-mudun al-antoohum gabiilat Yahuuza wa gabiilat Chimʼuun
[10] le zurriiyit Haaruun min khachum beet Gahaat min gabiilat Laawi gisimhum antooh leehum be amʼiyeedaat fi l-awwal.
[11] Wa anto Kharyat Arbaʼa yaʼni Hibruun al-gaaʼide fi jibaal Yahuuza be bakaanaatha hana l-sarha al-muhawwigiinha. Wa sammo al-madiina di Kharyat Arbaʼa be usum hana Arbaʼa abu Anuukh.
[12] Wa laakin al-ziraaʼa wa l-hillaal hana l-madiina di antoohum warasa le Kaalib wileed Yafuuna.
[13] Wa ziyaada min Hibruun madiinat al-luju be bakaanaatha hana l-sarha, zurriiyit Haaruun raajil al-diin ligo Libna be bakaanaatha hana l-sarha
[14] wa Yattiir be bakaanaatha hana l-sarha wa Achtamuuʼa be bakaanaatha hana l-sarha
[15] wa Huluun be bakaanaatha hana l-sarha wa Dabiir be bakaanaatha hana l-sarha
[16] wa Achan be bakaanaatha hana l-sarha wa Yutta be bakaanaatha hana l-sarha wa Beet Chams be bakaanaatha hana l-sarha. Wa be l-jumla 9 mudun al-antoohum gabiilat Yahuuza wa gabiilat Chimʼuun.
[17] Wa min gabiilat Banyaamiin ligo Gibʼuun be bakaanaatha hana l-sarha wa Gabaʼ be bakaanaatha hana l-sarha
[18] wa Anatuut be bakaanaatha hana l-sarha wa Almuun be bakaanaatha hana l-sarha. Wa be l-jumla 4 mudun.
[19] Wa adad al-mudun hana rujaal al-diin zurriiyit Haaruun 13 mudun be bakaanaathum hana l-sarha.
[20] Wa l-Laawiyiin al-aakhariin min khachum beet Gahaat ligo mudun be amʼiyeedaat min gabiilat Afraayim.
[21] Wa humman antoohum Chakiim madiinat al-luju le l-kaatil al-gaaʼide fi jibaal Afraayim be bakaanaatha hana l-sarha wa Gaazar be bakaanaatha hana l-sarha
[22] wa Khibsiim be bakaanaatha hana l-sarha wa Beet Huruun be bakaanaatha hana l-sarha. Wa be l-jumla 4 mudun.
[23] Wa min gabiilat Daan ligo hillit Alitakha be bakaanaatha hana l-sarha wa Gibbatuun be bakaanaatha hana l-sarha.
[24] Wa Ayyaluun be bakaanaatha hana l-sarha wa Gaat Rimmuun be bakaanaatha hana l-sarha. Wa be l-jumla 4 mudun.
[25] Wa min nuss gabiilat Manassa ligo Taʼnak be bakaanaatha hana l-sarha wa Yiblaʼaam be bakaanaatha hana l-sarha. Wa be l-jumla 2 mudun.
[26] Wa be l-jumla al-Laawiyiin al-aakhariin min khachum beet Gahaat ligo 10 mudun be bakaanaathum hana l-sarha.
[27] Wa l-Laawiyiin min khachum beet Girchuun ligo min nuss gabiilat Manassa, Joolaan madiinat al-luju le l-kaatil fi Baachaan be bakaanaatha hana l-sarha wa Baʼachtara be bakaanaatha hana l-sarha. Wa be l-jumla 2 mudun.
[28] Wa min gabiilat Yassaakar, ligo Khichyuun be bakaanaatha hana l-sarha wa Dabra be bakaanaatha hana l-sarha
[29] wa Yarmuut be bakaanaatha hana l-sarha wa Een Ganniim be bakaanaatha hana l-sarha. Wa be l-jumla 4 mudun.
[30] Wa min gabiilat Achiir ligo Michaal be bakaanaatha hana l-sarha wa Abduun be bakaanaatha hana l-sarha
[31] wa Halkha be bakaanaatha hana l-sarha wa Rahuub be bakaanaatha hana l-sarha. Wa be l-jumla 4 mudun.
[32] Wa min gabiilat Naftaali ligo Khadach fi l-Jaliil madiinat al-luju be bakaanaatha hana l-sarha wa Hammuut Duur be bakaanaatha hana l-sarha wa Khartaan be bakaanaatha hana l-sarha. Wa be l-jumla 3 mudun.
[33] Wa khachum beet Girchuun be l-jumla ligo 13 mudun be bakaanaathum hana l-sarha.
[34] Wa l-Laawiyiin min khachum beet Maraari ligo min gabiilat Zabuluun Yakhnaʼaam be bakaanaatha hana l-sarha wa Kharta be bakaanaatha hana l-sarha
[35] wa Rimuuna be bakaanaatha hana l-sarha wa Nahlaal be bakaanaatha hana l-sarha. Wa be l-jumla 4 mudun.
[36] Wa min gabiilat Raʼuubiin sabaah khaadi le bahar al-Urdun mugaabil Ariiha ligo Baasar madiina le luju al-kaatil al-gaaʼide fi l-sahara fi l-kadaade be bakaanaatha hana l-sarha, wa Yahaas be bakaanaatha hana l-sarha
[37] wa Khadimuut be bakaanaatha hana l-sarha wa Mifaʼat be bakaanaatha hana l-sarha. Wa be l-jumla 4 mudun.
[38] Wa min gabiilat Gaad anto Raamuut al-fi Gilʼaad madiinat al-luju le l-kaatil be bakaanaatha hana l-sarha wa Mahanaayim be bakaanaatha hana l-sarha
[39] wa Hachbuun be bakaanaatha hana l-sarha wa Yaʼziir be bakaanaatha hana l-sarha. Wa be l-jumla 4 mudun.
[40] Wa be l-jumla adad al-mudun al-antoohum be amʼiyeedaat le l-Laawiyiin min khachum beet Maraari 12 mudun.
[41] Wa be l-jumla adad al-mudun al-antoohum le l-Laawiyiin fi lubb Bani Israaʼiil 48 mudun be bakaanaathum hana l-sarha.
[42] Wa ayyi waahide min al-mudun dool indaha bakaanaat hana sarha.
[43] Wa Allah anta Bani Israaʼiil kulla l-balad al-hu halaf le juduudhum wa gaal yantiiha leehum. Wa humman chaalooha wa gaʼado foogha.
[44] Wa Allah antaahum al-raaha min kulli jiihe hasab al-haliife al-halaf beeha le juduudhum. Wa min kulla udwaanhum, waahid kula ma gidir yihaaribhum wa be da, Allah sallam leehum kulla udwaanhum.
[45] Wa min kulla kalaam al-kheer al-Allah gaalah le Bani Israaʼiil, ma fi kilme al-ma alhaggagat. Kulla l-kalaam da alhaggag leehum.