[1] ด๊างพื่งวี่ ซีง-เอ้อ น ซื๊ง ซีงแฌ๊ เซ๊งพ้า ท้างพ้า เมาน่าง เย้า ดี๊ น ซื๊ง ซีงแฌ๊-อ้ะ เซ๊งพ้า ท้างพ้า นอ ยู่แคว่ โพล้ง พี่ อ โอ ม๊า ได้ะ อ แค๊ นอ ล้อ.
[2] เซ๊งพ้า ท้างพ้า อางแม้เลา เว๊ กมืง พี่ อ ทาง แซย่ เย้า แบ โอ ฆึ ดี๊ อ แว้ พี่ อ แว้ โอ ได้ะ นอ. แบ เด้าะ อ แว้ เมะ ซี๊ง นอ อ เว๊ พ้อง ไฆวะ ดี๊ ท อางแม้เลา พี่ อ เกม๊า โอ ฆึ โละ ซ้ะ.
[3] ท บี่ นอ กมืง พี่ อ แว้ โอ ได้ะ เมะ โอ ฆึ ดี๊ โพล้ง แคว๊ อ แฌ้แพ นอ อ เว๊ เอโบ้ง อ แว้. แบ เด้าะ อ แว้ เมะ ซี๊ง เย้า นอ อ เว๊ พ้อง ไฆวะ ดี๊ ท อางแม้เลา ดี๊ ล เอโบ้ง เท่อ ล้า แบ ทึ เมะ ทาง แซย่ ดี๊ โพล้ง อ แฌ้แพ ฌี้~ๆ.
[4] จ ด๊างพื่งวี่ ซีง-เอ้อ น ซื๊ง เว๊ ซีง ปะ. พี่ กแช่ เยซู คริ้ ซี๊ง ลู่ง เซง ป้างกิ้ อ ล้อง นอ น ซื๊ง ซี๊ง ฆึ ดี๊-อ้ะ ฌ้อง พ้อง ไฆวะ ดี๊ เซ๊งพ้า ท้างพ้า อ ท อางแม้เลา อ ไฌ่ บี่ อี้ง น ซื๊ง เก กแช่ เยซู คริ้ อ ล้อง อ ย่าง ล เม้ง แบ ล เม้ง. ค๊องเนง อี้ง น ซื๊ง เก โพล้ง พี่ กแช่ แยว้ แม้ ม๊า ทาง ไท้-อ้ะ ล แฌ้ นอ อ เท่อ บี่ ซุ้ ก ม ล้างเปิ่ง พี่ ก แม้ เอะ กแช่ แยว้ อ เท่อ.
[5] พี่ ก แม้ โพะ กโพล้ง อ ท ยื้งแย่ อ ไค๊ ได้ะ นอ ท ซ้ะกวี้ง ล๊องก้อง ท ล ฌี้ ล แอว้ แบ พี่ เซ๊งพ้า ท้างพ้า แม้ ชอง ทาง-อ้ะ นอ แม้ เท่อ ลู่ง ก ล้อง ก ย่าง. อ นอ อ แซ เก ทาง ท ซี๊ง นอ ล้อ.
[6] แบ เด้าะ ค๊องเนง อี้ง ก พ้อง ไฆวะ ดี๊ เซ๊งพ้า ท้างพ้า เมะ เว๊ ก ซี๊ง แด ไฆวะ อ ดู้ง อ ยาง พี่ อ จ้าทะ เฆ้อ นอ เย้า. ท บี่ นอ ก ล แม้ กแช่ แยว้ อ เท่อ บี่ อ ล่าง ล้า แบ เมะ เว๊ ก ล แม้ โพะ ไละเมะ พี่ อ กวิ้ เว๊ ลู่ง เซ๊งพ้า ท้างพ้า อ ไค๊ ล้า แบ แบ เด้าะ ก แม้ ก้ะ เท่อ ลู่ง อ ซ๊าง บี่ ซุ้ วีง ฌี้ แล้ แอว้ ลี้ ฌ้า เฆ้อ.
[7] เมะ บี่ นอ ก ม ไจ้ะ บี่ จะ เล้. ไจ้ะ เซ๊งพ้า ท้างพ้า เก ท เด้บ้ะ โบ่. ล เมะ แบ เฆาะ. แบ เด้าะ เซ๊งพ้า ท้างพ้า เกม๊า จ ซีงแฌ๊ ท เด้บ้ะ เก ท เม้ง เล้. เซ๊งพ้า ท้างพ้า เมะ ล โล้ เว๊ แบ "ซ้ะกวี้ง ล๊องก้อง โพล้ง อ เท่อ ล ฌี้" จ ล ซีงแฌ๊ แบ ท ซ้ะกวี้ง ล๊องก้อง นอ เก ท เม้ง เล้.
[8] แบ เด้าะ ท เด้บ้ะ เจ่ เซ๊งพ้า ท้างพ้า แม้ ชอง ทาง ท ซ้ะกวี้ง ล๊องก้อง กุ้ อ เม้ง ลู่ง จ ซ้ะ พ้า. อ ไฌ่ บี่ อี้ง เซ๊งพ้า ท้างพ้า เมะ ล โอ แบ นอ ท เด้บ้ะ แม้ เท่อ ล ซี แบ ล้อ.
[9] อ ต้องคู พี่ จ ล ซีงแฌ๊ เซ๊งพ้า ท้างพ้า แบ นอ จ โอ ม๊า เว๊ ล้อ แบ เด้าะ ท่อง จ ซีงแฌ๊ เซ๊งพ้า ท้างพ้า นอ ท เด้บ้ะ อ ดู้ง อ ยาง โอ ทาง
[10] ฌ้อง จ ซี๊ง เว๊ ล้อ. เซ๊งพ้า ท้างพ้า พี่ อ เกิ้ง เฌ๊ โชะ ท ม๊า นอ เฌ๊ โชะ ท ซี๊ง ลู่ง จ ฌ่าง ล้อ
[11] อ ไฌ่ บี่ อี้ง ท เด้บ้ะ เจ่ เซ๊งพ้า ท้างพ้า อางโล๊ แย้ ดี๊ แม้ ซี๊ง แย้.
[12] เซ๊งพ้า ท้างพ้า เฌ๊ เว๊ ลู่ง กแช่ แยว้ อ โอ ดี๊ อ ท อางแม้เลา กุ้ อ ทีง เฌ๊ เว๊ ลู่ง กแช่ แยว้ อ โอ เก เท่อ ลู่ง อ เกิ้ง อ แบ อ ฌี้ อ แอว้.
[13] เมะ บี่ นอ ท อ ฌี้ แม้ ซี๊ง แย้ โบ่. ล เมะ แบ เฆาะ. ท เด้บ้ะ ล้อ แม้ ซี๊ง แย้. ท เด้บ้ะ เจ่ ท อ ฌี้ แม้ ซี๊ง แย้ บี่ ซุ้ ม โพล ทาง อ ซ้ะ ล้างที๊ง. ท บี่ นอ ท อางแม้เลา ปล้ะ ล้าง ท เด้บ้ะ อ มยู๊ อ จะ เต้~ๆ.
[14] ก ซีงแฌ๊ เซ๊งพ้า ท้างพ้า นอ เฌ๊ เว๊ ลู่ง กแช่ แยว้. เมะ ยี๊ แด นอ จ เก โพล้ง ฌางคู โคล๊ง คู. จ เก ท เด้บ้ะ อ ฆ่อง.
[15] จ แน ล้าง จ ซ้ะ ล ซี แบ จ แม้ ท เม้ง เล้. อ ไฌ่ บี่ อี้ง จ ล แม้ เท่อ พี่ จ แบ ซ้ะ แม้-อ้ะ นอ แบ แบ เด้าะ จ แม้ เท่อ พี่ จ แคว่-อ้ะ ล มึ แบ.
[16] จ เมะ แม้ เท่อ พี่ จ ล แบ ซ้ะ แม้-อ้ะ แบ นอ จ นย่อง-อ้ะ เย้า เซ๊งพ้า ท้างพ้า เก ท อ ฌี้.
[17] ท บี่ นอ ล เมะ จ กแช่ แม้ แบ แบ เด้าะ ท เด้บ้ะ พี่ อ โอ ลู่ง จ ซ้ะ พ้า นอ ล้อ แม้ เว๊.
[18] จ ซีงแฌ๊ เว๊ ท ฌี้ ท แอว้ ล โอ น่าง เม้ง แบ ลู่ง จ ซ้ะ พ้า เมะ เว๊ จ เก ที่ โพล้ง ฌางคู โคล๊ง คู. อ ไฌ่ บี่ อี้ง จ แบ ซ้ะ แม้ ท อ ฌี้ แบ เด้าะ จ แม้ ล ซี แบ.
[19] จ ล แม้ ท อ ฌี้ พี่ จ แบ ซ้ะ แม้-อ้ะ นอ แบ แบ เด้าะ จ แม้ ท อ้า พี่ จ ล แบ ซ้ะ แม้-อ้ะ แบ.
[20] จ เมะ แม้ เท่อ พี่ จ ล แบ ซ้ะ แม้-อ้ะ แบ นอ อ นอ ล เมะ จ กแช่ แม้ เว๊ แบ แบ เด้าะ เมะ ท เด้บ้ะ พี่ อ โอ ลู่ง จ ซ้ะ พ้า นอ ล้อ แม้ เว๊.
[21] ท บี่ นอ จ แด-อ้ะ เก ท อ เค้อะ ล เม้ง พี่ อ แม้ เท่อ ลู่ง จ ซ้ะ พ้า เมะ เว๊ พี่ จ แบ ซ้ะ แม้ ท อ ฌี้ นอ ท อ้า ท ซ๊าง โอ ฆวี้ ทะ พี่ นอ ล้อ.
[22] ลู่ง จ ซ้ะ พ้า เต้~ๆ นอ จ ซ้ะอวีง ซ้ะโทะ กแช่ แยว้ อ เซ๊งพ้า ท้างพ้า
[23] แบ เด้าะ ลู่ง จ ท ไพ้ะ ท แม้ นอ จ แด ท อ เค้อะ ล้างช๊าง โพล ทาง ล เม้ง พี่ อ ดึ้ โละ ซ้ะ ดี๊ ท อ เค้อะ พี่ จ เซิง จ ซ้ะ ฮะ นี่ เว๊. ท บี่ นอ จ เก ท เด้บ้ะ อ เค้อะ อ ฆ่อง พี่ อ แม้ เท่อ ลู่ง จ ล้อง จ ย่าง.
[24] เอ๊ จ เก โพล้ง ลู่ง ล โอ ดี๊ ท มึ ท พ้า แบ. โพล้ง เล้ ม แม้ช้า แย้ พ้อง พลิ้ ดี๊ จ ซ้ะ ล่างลี้ง อี้ง พี่ อ เกม๊า จ แบ ซี๊ง.
[25] กแช่ แยว้ ล้อ ม แม้ช้า แย้. จ ไจ้ะ บลึ้-อ้ะ ลู่ง ก กแช่ เยซู คริ้ อ กย้อง. ท บี่ นอ ลู่ง จ กแช่ แด เว๊ จ แม้ โพะ กแช่ แยว้ อ ท อางแม้เลา อ ไค๊ ซี ดี๊ จ ท โกง ท มอง ล เม้ง ล้อ แบ เด้าะ ลู่ง จ ท ยื้งแย่ ล โค๊ นอ จ แม้ โพะ ท เด้บ้ะ อ ท อางแม้เลา อ ไค๊.