[1] ຈາກ ຜູ້ປົກຄອງ ເຖິງ ທ່ານສຸພາບສະຕຼີທີ່ຊົງເລືອກໄວ້ ແລະ ພວກລູກຂອງ^ນາງ ຜູ້ທີ່ເຮົາຮັກຢ່າງແທ້ຈິງ ບໍ່ແມ່ນເຮົາພຽງຄົນດຽວ ແຕ່ທຸກຄົນທີ່ຮູ້ຄວາມຈິງກໍຮັກເໝືອນກັນ,
[2] ເພາະຄວາມຈິງດຳລົງຢູ່ໃນພວກເຮົາ ແລະມີຢູ່ກັບພວກເຮົາຊົ່ວ^ນິຣັນດອນ.
[3] ພຣະຄຸນ ພຣະເມດຕາ ແລະສັນຕິສຸກທີ່ມາຈາກພຣະເຈົ້າ ພຣະບິດາເຈົ້າ ແລະຈາກພຣະເຢຊູ^ຄຣິດເຈົ້າ ພຣະບຸດຂອງ^ພຣະບິດານັ້ນ ຈະສະຖິດຢູ່ກັບເຮົາທັງຫລາຍ ໃນຄວາມຈິງແລະໃນຄວາມຮັກ.
[4] ເຮົາດີໃຈຫລາຍທີ່ຮູ້ວ່າ ພວກລູກຂອງ^ເຈົ້າບາງຄົນໄດ້ດຳເນີນຊີວິດໃນຄວາມຈິງ ຕາມທີ່ພຣະບິດາເຈົ້າໄດ້ສັ່ງພວກເຮົານັ້ນ.
[5] ດັ່ງນັ້ນແຫລະ ທ່ານສຸພາບສະຕີຼທີ່ຮັກ^ເອີຍ, ເຮົາຂໍຮ້ອງເຈົ້າທັງຫຼາຍ ໃຫ້ພວກເຮົາຮັກຊຶ່ງກັນແລະກັນ ນີ້ບໍ່ແມ່ນກົດບັນຍັດຂໍ້ໃໝ່ທີ່ເຮົາໄດ້ຂຽນມາເຖິງພວກເຈົ້າ, ແຕ່ເປັນກົດບັນຍັດທີ່ພວກເຮົາເຄີຍມີມາແລ້ວຕັ້ງແຕ່ຕົ້ນເດີມ.
[6] ແລະຄວາມຮັກທີ່ເຮົາກ່າວເຖິງນີ້ ຄືໃຫ້ພວກເຮົາປະຕິບັດຕາມກົດບັນຍັດຂອງ^ພຣະເຈົ້າ ເປັນກົດບັນຍັດທີ່ພວກເຈົ້າເຄີຍໄດ້ມີມາແລ້ວຕັ້ງແຕ່ຕົ້ນເດີມນັ້ນ ເພື່ອໃຫ້ພວກເຈົ້າທຸກຄົນໄດ້ປະຕິບັດຕາມ.
[7] ຜູ້ຫລອກລວງຫລາຍຄົນໄດ້ອອກໄປທົ່ວໂລກແລ້ວ ເປັນພວກທີ່ບໍ່ຍອມຮັບວ່າ ພຣະເຢຊູ^ຄຣິດເຈົ້າໄດ້ສະເດັດລົງມາຮັບຊາດເປັນມະນຸດ. ຄົນຢ່າງນັ້ນແຫລະ ເປັນຜູ້ຫລອກລວງ ແລະເປັນສັດຕູຂອງ^ພຣະຄຣິດ.
[8] ເຫດສະນັ້ນ ພວກເຈົ້າຈົ່ງລະວັງຕົວໃຫ້ດີ ເພື່ອວ່າພວກເຈົ້າຈະບໍ່ເສຍປະໂຫຍດໃນສິ່ງທີ່ພວກເຈົ້າໄດ້ກະທຳນັ້ນ ແຕ່ຈະໄດ້ຮັບບຳເໜັດເຕັມສ່ວນ.
[9] ຜູ້ໃດທີ່ລ່ວງເກີນ ບໍ່ດຳລົງຢູ່ໃນຄຳສອນຂອງ^ພຣະຄຣິດ ຜູ້ນັ້ນກໍບໍ່ມີພຣະເຈົ້າ ຜູ້ໃດທີ່ດຳລົງຢູ່ໃນຄຳສັ່ງສອນນີ້ ກໍມີທັງພຣະບິດາເຈົ້າແລະພຣະບຸດ.
[10] ຖ້າຜູ້ໃດມາຫາເຈົ້າ ແລະບໍ່ເອົາຄຳສອນນີ້ມານຳ ກໍຢ່າຮັບຄົນນັ້ນເຂົ້າໃນເຮືອນ ແລະທັງຢ່າສະແດງຄວາມ^ຄຳນັບຕໍ່ຜູ້ນັ້ນ.
[11] ດ້ວຍວ່າ, ຜູ້ໃດທີ່ສະແດງຄວາມ^ຄຳນັບຕໍ່ເຂົາ ຜູ້ນັ້ນກໍເຂົ້າສ່ວນໃນການກະທຳຊົ່ວຂອງ^ເຂົາແລ້ວ.
[12] ເຮົາຍັງມີຫລາຍຢ່າງ ທີ່ຈະຂຽນມາເຖິງເຈົ້າທັງຫຼາຍ ແຕ່ເຮົາບໍ່ຢາກໃຊ້ເຈ້ຍແລະນໍ້າມຶກ ເຮົາຫວັງວ່າຈະມາຫາພວກເຈົ້າ ແລະເວົ້າກັນປາກຕໍ່ປາກ ເພື່ອຄວາມ^ຍິນດີຈະໄດ້ມີຢ່າງເຕັມປ່ຽມ.
[13] ບັນດາລູກຂອງ^ນ້ອງສາວຂອງ^ເຈົ້າທີ່ຊົງເລືອກໄວ້ນັ້ນ ກໍຝາກຄວາມ^ຄິດເຖິງ ມາຍັງພວກເຈົ້າດ້ວຍ. 22-Jul-2009@18:43, Backup Description=19-Aug-2009@11:28, Le Khac Tam - 01-Sep-2009@13:06, Backup Description=31-Jul-2009@08:50, Bounthanh - 20-ต.ค.-2552@10:41, Backup Description=15-Sep-2009@14:35, Bounveun - 19-พ.ย.-2552@09:28, Backup Description=17-พ.ย.-2552@09:49, BOUNTHANH - 01-ม.ค.-2547@06:01, Backup Description=23-Mar-2010@15:39, Le Khac Tam - 01-ม.ค.-2547@00:19, Backup Description=16-Sep-2010@15:11, Le Khac Tam -