[1] Nì-nì-mì â, ke oi fí-me̍t ngì ke lòi kûng-kit ngì lé! Oi si̍p-chûng chhiòn-li̍t, ku-hó sàng-pó! Oi ngiàm-fòng thûng-lu, chún-phi siông-chhṳ̀!
[2] (Song-chú oi fî-fu̍k Ngâ-kok ke kông-yùng, chhiong Yî-set-lie̍t ke kông-yùng khiung-yong, sûi-yèn tá-kiap ke chiông kì-têu tá-kiap to chhiang-chhiang, chiông kì-têu ke phù-thò-yèn fí-fái lé.)
[3] Thi̍t-ngìn ke kiûn-chhui nâ-tén fùng tún-phài, chok fùng chṳ-fu̍k; kì-têu tông chún-phi oi chin-kûng. Kì-têu ke chan-chhâ kîm-to hâu-kông! Kì-têu ke chan-mâ hiùng-chong kín-pêu!
[4] Chan-chhâ chhai kiê-hong pêu-to chhiong pî, chhai kóng-chhòng táng-kô chhong-lòi chhong-hi. Kì-têu ke hìn-chhong chhiong fó-pá, yu chhiong ngiap-lang án-ngiòng pî-sa.
[5] Kôn-chóng pûn vòng hêm-hi; kì-têu yèu-yèu pài-pài chéu-tén lòi. Chhîm-ngi̍p-chá chhin-chhong sàng-chhiòng, kì-têu chhiu ka-hí pó-fu ke thai tún-phài.
[6] Súi-khu pên-lie̍t; vòng-kiûng vang-thet.
[7] Vòng-heu pûn-ngìn vú-yu̍k, chok-chéu; kiûng-ńg chhùi sîm-kôn pî-sông kín-kieu, kieu-sâng chhiong ngie̍t-kap-è.
[8] Nì-nì-mì-sàng chhiong súi-khu pên-thet khiung-yong, ngìn-mìn thò-nan chhiong súi-khu-súi thai sia. Yû-ngìn kín-hêm: M̀-hó chéu! M̀-hó chéu! Chúng-he mò-ngìn fì-thèu.
[9] Chhióng ngiùn-è! Chhióng kîm-é! Sàng-tú yû tôi-sân ke chhòi-pó! To-chhu yû tak-yong ke pó-vu̍t!
[10] Nì-nì-mì fí-me̍t lé, mân-phién khûng-khûng fông-liòng! Ngìn-sîm hak-to kiû-thet, chhit-thèu kín-chûn, hi-li̍t sêu-sṳt, mien-set la̍k-chhiâng.
[11] Ke-chak thai-sàng liá-ha chhai nai-vi? Ke-chak chhiong sṳ̂-é ke lùng, vi se sṳ̂-é ke thi-fông chhai nai-vi? Kûng-sṳ̂ mû-sṳ̂ chhut-ngi̍p, se sṳ̂-é chhṳ-yù chhṳ-chhai ke thi-fông chhai nai-vi?
[12] Kûng-sṳ̂ tá-lòi ke lia̍p-vu̍t, pak-pûn mû-sṳ̂ lâu se sṳ̂-é; lùng-tú tôi-mân chang pak-sui ke ngiuk.
[13] Song-chú — Van-kiûn ke Ngièn-soi kóng: “Nì-nì-mì â, Ngài he ngì ke thi̍t-ngìn; Ngài oi sêu-thet ngì ke chan-chhâ. Ngì ke-têu seu-chong sṳ̂-é oi pûn tô-kiam thûn-me̍t; Ngài oi chiông ngì tui phe̍t-ngìn ke-vi chhióng-lòi ke tûng-sî chhióng-chéu. Mò-ngìn chai thâng-tó ngì ke-têu sṳ́-chá ke sâng lé.”