[1] Hâ-poi he yû-koân Nì-nì-mì ke sin-sit, he ki-liu̍k Yî-le̍t-kô-sṳ̂-ngìn Nâ-fùng só khon-tó ke yi-siong.
[2] Song-chú he tông-nâu sià-ok ke Song-ti, m̀-chún ngìn lâu Kì tui-li̍p; Song-chú sṳ̍t-hàng po-fu̍k, khién hí-lòi fî-sòng li-hoi. Kì chit-fa̍t lâu Kì chok-tui ke ngìn; Kì hiong Kì ke sù-thi̍t thai fat-khién.
[3] Song-chú mò sùi-phien fat-khién, chúng-he thai-yû nèn-li̍t; Kì chhie̍t-tui m̀-voi chiông yû-chhui ke chún-cho mò-chhui. Song-chú hàng-ko ke só-chhai, chhiu kién-hí phau-fûng lâu liùng-kién-fûng; yùn he Kì kîn-ko ke sṳ̀ kiok-hâ ke fôi-chhṳ̀n.
[4] Kì chit-phi hói, hói chhiu châu-thet; Kì sṳ́ kông-hò pien-to châu-châu. Kì sṳ́ Pâ-sân ke chhó-chhòng khû-kôn, Kâ-me̍t-sân pien-vòng, Lì-pâ-nun ke fâ chhia-thet.
[5] Khiùn-sân chhai Song-chú mien-chhièn kín-chûn; sân-kông ya chhai Kì ke mien-chhièn yùng-thet. Song-chú chhut-hien, thi chhiu chṳ́n-thung; chhiòn sṳ-kie lûng-chúng pi̍t-pi̍t-chhat.
[6] Kì yit fat-khién, má-ngìn khî tet-he̍t nè? Kì ke nu-hi, má-ngìn nai tet-hò nè? Kì ke fat-khién chhiong fó sêu-to tông-mâng; ngàm-sa̍k chhai Kì mien-chhièn liet-to sui-sui.
[7] Song-chú he chṳ-san ke, Kì pó-fu chhai fam-nan chûng ke chṳ́-mìn; Kì cheu-ku ke-têu sin-kho Kì ke ngìn.
[8] Kì chhiong pot thai-súi, chha̍t-tái sêu-me̍t Kì ke thi̍t-ngìn; Kì chiông lâu Kì chok-tui ke ngìn kiuk ngi̍p-hi yîm-kiên.
[9] Ngì-têu sat má-ke yîm-mèu lòi fán-tui Song-chú nè? Kì thin-chho̍k voi chiông ngì-têu fí-me̍t to chhiang-chhiang; mò-ngìn yû khó-nèn chai fán-khong Kì yit-pái.
[10] Chhiong nùng kau-kau ke net-è lâu châu-châu ke ma̍k-kón, ngì-têu chiú-chui ke ngìn voi pûn fó sêu chhiang-chhiang!
[11] Nì-nì-mì â, tui ngì ke-vi yû yit-ke kúi-kie tô-tôn ke ngìn chhut-lòi, yîm-mèu kûng-kit Song-chú.
[12] Song-chú tui Kì ke chṳ́-mìn Yù-thai án-ngiòng kóng: “Â-sut-ngìn sûi-yèn yu khiòng yu tô, kì-têu voi su fí-me̍t, pûn-ngìn chhù-thet. Ngài ke chṳ́-mìn â, Ngài sṳt sṳ́ ngì-têu su-khú, chúng-he Ngài m̀-voi chai ham ngì-têu su-khú lé.
[13] Ngài liá-ha oi kiet-suk Â-sut tui ngì-têu ke kón-hot, tá-thôn khún ngì-têu ke só-lien.”
[14] Hâ-poi he Song-chú koân-he Â-sut-ngìn ke siên-ko: “Su̍k ngì-têu miàng-hâ ke ngìn mò-hó chhòn-chúng. Ngài oi chhù-thet ngì-têu sṳ̀n-meu chûng ke ngiéu-siong. Ngài oi vi ngì-têu yi-phi chhúng-pû, yîn-vi ngì-têu fái-to mò chṳ̂-kiet sên-chhùn!”
[15] Khon â, yû po hó sêu-sit ke ngìn phàn-sân ko-liâng lòi! Kì lòi po fò-phìn ke hó sêu-sit! Yù-thai-ngìn â, oi khin-chuk ngì-têu ke chiet-khì, hiong Song-ti vàn ngì-têu só-hí ke ngien! Fái-ngìn m̀-voi chai lòi chhîm-fam ngì-têu ke thú-thi. Kì-têu yí-kîn chhiòn-phu sêu-me̍t lé.