[1] To chui-mî ke ngit-è, Song-chú sṳn-thien ke sân thin-chho̍k voi kien-li̍p chhai khiùn-sân ke táng-kô, kô-kô chhai-song, chhêu-ko chung-sân. Chhin-tô mìn-chhu̍k chhiòn-phu voi liù hiong liá sân;
[2] van-koet voi chhi-si̍p chhièn-lòi, kóng: Lòi â, ngài-têu khiung-ha sông-hi Song-chú ke sân, khiung-ha lòi-hi Ngâ-kok Song-ti ke sṳn-thien. Kì voi chṳ́-kau ngài-têu yin-kôi hàng ke tho; ngài-têu ya oi hàng Kì só chṳ́-sṳ ke lu. Song-chú ke kau-hiun tui Siak-ôn fat-chhut; Kì ke sin-sit tui Yâ-lu-sat-lâng chhòn chhut-lòi.
[3] Kì voi kié-kiet mìn-chhu̍k kiên ke kiu-fun, vi yén-fông khiòng-sṳn ke koet thiàu-kié chên-tôn. Kì-têu voi chiông tô-kiam tá-cho lài-thèu, chiông màu-chhiông tá-cho liàm-è. Koet-chi kiên m̀-voi yû siông-chhṳ̀, kì-têu ya m̀-sṳ́ chai ho̍k-si̍p chan-chên.
[4] Tak-sà oi chhai chhṳ-kâ ke phù-thò yèn-chûng, chhai vù-fâ-kó-su hâ, hióng-su thai-phìn; mò-ngìn voi hoi kì-têu chho̍k-kiâng. Song-chú — Van-kiûn ke Ngièn-soi án-ngiòng yin-hí lé.
[5] Sûi-yèn lie̍t-koet chhiòn-phu kin-pai, fu̍k-sṳ kì-têu chhṳ-kâ ke sṳ̀n-mìn, chúng-he ngài-têu oi kin-pai, fu̍k-sṳ Song-chú — ngài-têu ke Song-ti, chhṳ̍t-to yún-yún yén-yén.
[6] Song-chú kóng: “Ngài chit-fa̍t Ngài ke chṳ́-mìn, chúng-he to ke-ngit, Ngài oi chiông liù-mòng chhai kok-koet ke chṳ́-mìn chhi-si̍p cho yit-ha.
[7] Ngài oi sṳ́ só-chhûn ke chṳ́-mìn sàng-cho fu̍k-hîn ke chúng-chṳ́, ngiôn-ngio̍k sṳt-san ke, sàng-cho khiòng-sṳn ke koet-kâ. Ngài chhṳ-kâ oi chhai Siak-ôn-sân thúng-chhṳ kì-têu, chhiùng-kîm chhṳ̍t-to yún-yén.”
[8] Yâ-lu-sat-lâng â, ngì chhiong sú-mong-thòi lâu sàng-pó pó-fu Song-ti ke yòng-khiùn; ngì chiông-lòi voi fu̍k-koet; ngì oi chhùng-sîn sàng-cho kîn-sàng.
[9] Liá-ha ngì cho-má-ke thai-sâng chhin-kieu? Cho-má-ke chhiong sán-fu chhṳn-thung to mò-kat mò-sat? Ngì mò kiûn-vòng he-mò? Ngì ke chhâm-mèu chhiòn-phu sí chhiang-chhiang he-mò?
[10] Siak-ôn ke ngìn-mìn â, ngì-têu oi chhiong sán-fu chhṳn-thung, fî-sòng thung-khú; yîn-vi ngì-têu chhiu oi lì-khôi liá-sàng, hi he̍t chhai fông-thi. Ngì-têu yit-thin voi pûn-ngìn chok-to Pâ-pí-lùn hi; chúng-he chhai ke-vi, Song-chú voi chṳ́n-kiu ngì-têu, tui thi̍t-ngìn sú-chûng chiông ngì-têu kiu-su̍k chhut-lòi.
[11] Liá-ha chhin-tô koet-kâ lièn-ha̍p hí-lòi kûng-kit ngì. Kì-têu kóng: “Ngài-têu lòi tá-lá-sap Yâ-lu-sat-lâng! Ngài-têu oi khon-tén Siak-ôn fí-me̍t!”
[12] Chúng-he kì-têu m̀-tî Song-chú ke kie-va̍k, m̀-tî Song-chú chiông kì-têu chhi-si̍p khiung-ha he oi chit-fa̍t kì-têu, chhiong nùng-mìn chiông vò-pá sû-to tá-kuk-chhòng hi tá khiung-yong.
[13] Song-chú kóng: “Siak-ôn ke ngìn-mìn â, hong hí-lòi! Chhiong ngiù tha̍p-kuk án-ngiòng hi hìn-fa̍t ngì-têu ke thi̍t-ngìn! Ngài oi sṳ́ ngì-têu khiòng-chong to chhiong sâng thiet-kok thùng-thài ke ngiù-kú. Ngì-têu oi sêu-me̍t chhin-tô koet-kâ, chiông kì-têu yung phau-li̍t chhióng-lòi ke chhòi-vu̍t hien-pûn Ngài — thiên-ha ke Chú-chái.”