[1] Chhám lé, ke-têu soi chhai mìn-chhòng táng kie-mèu chok-ok ke ngìn! Yîn-vi kì-têu sú-thèu kha̍k yû-khièn, thiên yit-kông, chhiu hi cho fái-sṳ.
[2] Kì-têu thâm thièn-thi, chhiu hi chhîm-cham; oi vuk-è, chhiu hi pa-cham. Kì-têu khî-ap ngìn, chhióng-kiap ngìn ke kâ-thìn lâu chhòi-sán.
[3] Só-yî, Song-chú án-ngiòng kóng: “Ngài kie-va̍k oi chiông châi-nan kong chhai ngì-têu sṳ̂n-song; ngì-têu mò fap-thu thò-chéu, ngì-têu hàng-lu mò án vî-fûng lé, yîn-vi ngì-têu châi-fo lìm-to lé.
[4] Ke-sṳ̀ ngìn-kâ voi chok-sṳ̂ sâu-nat ngì-têu, phiên-siá ôi-kô lòi chhong: Ngài-têu vàn-chhiòn pho-sán lé! Song-chú nâ-chéu ngài-têu ke thièn-thi, kâu-pûn chiông ngài-têu chok-chéu ke ngìn.”
[5] Só-yî, Song-chú ke chṳ́-mìn sû-chón thú-thi ke sṳ̀, ngì-têu chhiòn-phu mò-fun.
[6] Ke-têu ngìn tui ngài fat-khién hêm-kóng: “M̀-hó hiong ngài-têu sot-kau! M̀-hó kóng án sôi ke sṳ! Song-ti m̀-voi sṳ́ ngài-têu án mò mien-chṳ́.
[7] Kám-kóng Yî-set-lie̍t-ngìn voi su chu-chú mâ? Song-chú kám voi án mò thu-liong! Kì ton-chṳ̂n voi cho liá-chúng sṳ mâ? Kì ke fa tui hàng-vì chṳn-chhṳ̍t ke ngìn kám mò hó-chhu?”
[8] Song-chú en-kóng: “Ngì-têu chhiong thi̍t-ngìn khiung-yong kûng-kit Ngài ke chṳ́-mìn. Tui chan-chhòng chón-lòi ke ngìn, ôn-yèn kîn-ko ke sṳ̀, ngì-têu sa chiông kì-têu ke ngoi-sâm pok-chéu.
[9] Ngì-têu chiông Ngài chṳ́-mìn chûng ke fu-ngìn-kâ tui kì-têu khoai-lo̍k ke kâ-thìn kiuk-chéu, yu chiông Ngài ke fuk-hi tui kì-têu ke chṳ́-ńg yún-yén chhióng-chéu.
[10] Hong hí-lòi! Kiak-kiak chéu ô! Liá-vi yí-kîn m̀-he ôn-kî ke só-chhai! Ngì-têu ke vû-ve tai-pûn liá só-chhai pî-chhám ke thai fí-me̍t.
[11] “Na yû-ngìn to-chhu hi kóng phong-fûng, phien-ngìn kóng: ‘Ngài yi-ngièn ngì-têu voi yû lîm m̀-thet ke thâm-chiú lâu ngiàm-chiú’, kì chhiu voi sàng-cho liá mìn-chung só fôn-hí ke siên-tî!
[12] “Ngâ-kok ke heu-thoi, Yî-set-lie̍t hàn-chhûn ke ngìn-mìn â, Ngài yit-thin oi chiông ngì-têu si̍p-ha̍p hí-lòi, chhiong chóng-yòng ke chiông yòng-khiùn tai-chón yòng-làn. Ngì-têu ke thú-thi voi chai yit-pái ngìn-tên hîn-vong, chhiong mu̍k-chhòng yû chhin-tô ke yòng-khiùn, chhin nau-ngie̍t.”
[13] Song-ti oi vi kì-têu khôi-lu, tai kì-têu chhong-khôi sàng-mùn, thûng-ko sàng-mùn chhut-hi ngoi-poi. Kì-têu ke kiûn-vòng, chhiu-he Song-chú, chhṳ-kâ voi chhai thèu-chhièn tai-liâng kì-têu.