[1] Ana manguddoo waldaya biraa, haa gahu gara Gaayos jaalatamaa kaniin dhugumaan jaaladhuu!
[2] Yaa saahiba kiyya! Akkuma ruuhaan sitti toletti, karuma hundumaanuu akka sitti toluu fi, ammaas akka ati fayyaa nagaya taatuus niin kadhadha.
[3] Jarri obboleeyyan keeysaanii tokko dhufanii, dhugaaf hammam amanamaa akka taatee fi, ammaas dhugaa keeysa jiraachuu kee tiis wayta anatti himan hedduu dhaan gammade.
[4] Joolleen tiyya dhugaa qabatanii, jiraachuu isaanii dhagayuu irra caalaa, waan na gammachiisu hin qabu.
[5] Yaa saahiba kiyya! Warra amantootaaf wanni ati amanamummaan gootuuf, keeysumaa huu keeysummaaf wanni goote gaarii dha.
[6] Obboleeyyan keeysummaa dhufan, waa'ee jaalala tee tii waldaya kiristaanaa duratti mullisanii odeeysanii ti jiru; jarreen kanaaf waan amna karaa tiif isaan barbaachisu, akka Rabbi itti gammadutti itti guduunfii hadaraa isaan geggeeysi.
[7] Isaan maqaa Kiristoosiin barsiisuufi bahan; amantoota warra hin tahin irraa hiis humaa tuu warra hin fudhan.
[8] Nuti, qoowlii dhugaa tana keeysatti gola isaanii tahuuf, namoota akka isaanii kana, simannee gargaaruu tu nu irraa eegama.
[9] Ani waldaya kiristaanaa tiif waan takka katabee tiin ture; Diyotreefes, namtichi hoogganaa tahuu barbaadu sun, nama amrii teenya hin fudhanne.
[10] Eegaa yooniin dhufe, waan inni hojjatuu fi waan inni dubbii hundee hin qabneen maqaa keenya balleeysu hundumaa huu kaasuun kiyya hin hafu; tun isaaf hanqattee, ifumaa fuu amantoota warra diidaa dhufan simachuu dha dida; warra biraa tiis, kanneen amantoota kana silaa simachuu fedhaniis ni dhoorka, waldaya keeysaa hiis isaan ni baasa.
[11] Yaa saahiba koo! Waan gaarii malee, waan hamaa fakkii godhattee hin fudhatin! Namni waan gaarii hojjatu, nama Rabbii ti; namni waan hamaa hojjatu ammoo, nama Rabbi hin arkini.
[12] Namni hundinuu Demeexros maquma gaariin kaasanii ti haasawu; dhugaan ifumaa fuu waanuma gaarii dubbattiif; nutiis daballee gaarummaa isaa irraa dubbanna; wanni nuti jennu dhugaa tahuu isii atuu ni beeyta.
[13] Waaniin siif katabu illee silaa hedduun qabaan ture; garuu qalamaa fi dibeetaan siif katabuu hin barbaadu.
[14] Dhihoo tanatti si arkuuf abdii dhaan qaba; hogguusi gadi teenyee wajjiin haasooyna.
[15] Nagayni siif haa tahuus, saahibban kee tiis nagaya siif dhaaman; firoottan keenya matuma matatti nagaya nuuf itti himi!