[1] ᐁᑲᐧ ᒫᑲ ᑭᔭᐋᐧᐤ ᐅᐁᐧᔪᑎᓯᐋᐧᐠ, ᒫᑐᐠ ᒥᓇ ᒪᐃᐧᒧᑫᐠ ᑯᑕᑭᑖᐃᐧᓇ ᐅᐦᒋ ᑳ ᐅᑎᐦᑎᑯᔦᐠ.
[2] ᑭ ᐁᐧᔪᑎᓯᐃᐧᓂᐋᐧᐋᐧ ᓂᓯᐊᐧᓈᑕᓇᐧ ᒥᓇ ᑭ ᑭᑭᐢᑳᒋᑲᓂᐋᐧᐊᐧ ᒧᑌᐊᐧᐠ ᒥᒋᐊᐧᐠ.
[3] ᑯᓵᐃᐧ ᓱᓂᔮᒥᐋᐧᐤ ᒥᓇ ᑭ ᐊᐧᐱᐢᑭ ᓱᓂᔮᒥᐋᐧᐤ ᐊᑳᐧᑳᐧᐱᐢᑭᓯᐤ; ᐁᑯᓯ ᐁ ᐊᑳᐧᑳᐧᐱᐢᑭᓯᒋᐠ ᑭ ᑲ ᐋᒋᒥᑯᓈᐋᐧᐤ ᒥᓇ ᑭ ᑲ ᒧᐃᐧᑯᓈᐋᐧᐤ ᑭ ᐃᐧᔮᓯᐋᐧᕽ ᑖᐱᐢᑯᐨ ᐃᐢᑯᑌᐤ. ᑭ ᑭ ᒫᐊᐧᒋᑖᐧᓱᓈᐋᐧᐤ ᐁᐧᔪᑎᓯᐃᐧᐣ ᐃᐢᑳᐧᔮᐨ ᐁ ᑲᑭᓯᑳᑭ.
[4] ᒫᑎᑲ, ᐅ ᑎᐸᐦᐊᒫᑯᐃᐧᓂᐋᐧᐤ ᐅᑕᑐᐢᑫᐊᐧᐠ ᑳ ᑭ ᒪᓂᓯᑫᒋᐠ ᑭ ᑭᐢᑎᑳᓂᐋᐧᕽ ᐁᑯᓯ ᑭᔭᐋᐧᐤ ᑳ ᒥᒋᒥᓇᒣᐠ ᑲᑲᔦᔨᓯᐃᐧᐣ ᐅᐦᒋ ᒪᐃᐧᒧᑫᒪᑲᐣ; ᐁᑯᓯ ᐅ ᒪᐃᐧᒧᑫᐃᐧᓂᐋᐧᐊᐧ ᐊᓂᑭ ᑳ ᑭ ᒪᓂᓯᑫᒋᐠ ᑭ ᐱᐦᑐᑫᒪᑲᓂᔨᐤ ᐅᑕᐊᐧᑳᕽ ᑳ ᑎᐯᔨᐦᒋᑫᐟ ᓵᐯᐋᐟ.
[5] ᑭ ᑭ ᒥᔪ ᐸᒥᐅᓈᐋᐧᐤ ᐁ ᐱᒫᑎᓯᔦᐠ ᐅᑕ ᐊᐢᑭᕽ ᒥᓇ ᑭ ᑭ ᒥᔦᐧᔨᑕᒥᐃᓱᓈᐋᐧᐤ; ᑭ ᑭ ᒪᐢᑲᐃᐧᓯᑖᓈᐋᐧᐤ ᑭᑌᐦᐃᐋᐧᐊᐧ ᐁ ᓂᐸᑖᑫᐃᐧ ᑭᓯᑳᐠ.
[6] ᑭ ᑭ ᓈᓂᐳᒫᐋᐧᐤ, ᑭ ᑭ ᓂᐸᐦᐋᐋᐧᐤ ᑳ ᑲᐧᔭᐢᑳᐧᑎᓯᐟ; ᓇᒪᐃᐧᔭ ᑭ ᓇᑳᐢᑳᑯᐋᐧᐤ.
[7] ᓯᐯᔨᑕᒧᐠ ᒫᑲ ᓂᒋᐋᐧᒥᑎᐠ ᐃᐢᑯ ᑭᑕ ᑕᑯᓯᕽ ᑳ ᑎᐯᔨᐦᒋᑫᐟ. ᒫᑎᑲ ᑭᐢᑎᑫᐃᐧᔨᓂᐤ ᐯᐦᐅ ᑭᑕ ᒥᔪ ᐅᐱᑭᒋᑫᒪᑲᕽ ᐊᐢᑭ, ᐁ ᓯᐯᔨᑕᕽ ᐱᔨᐢ ᑭᑕ ᑕᑯᐸᔨᐠ ᓂᐢᑕᑦ ᑳ ᑭᒥᐊᐧᕽ ᒥᓇ ᐃᐢᑳᐧᔮᐨ ᑳ ᑭᒥᐊᐧᕽ.
[8] ᑭᔭᐋᐧᐤ ᒥᓇ ᓯᐯᔨᑕᒧᐠ; ᐋᔮᑕᐢᑖᐠ ᑭᑌᐦᐃᐋᐧᐊᐧ; ᒋᑫᒫ ᐅ ᑕᑯᓯᓄᐃᐧᐣ ᑳ ᑎᐯᔨᐦᒋᑫᐟ ᑭᓯᐋᐧᐠ ᐊᔮᔨᐤ.
[9] ᐁᑳᐃᐧᔭ ᒪᒥᑕᐁᐧᒥᑐᐠ ᓂᒋᐋᐧᒥᑎᐠ ᐁᑳ ᑭᑕ ᐅᔭᓱᐋᐧᑎᑲᐃᐧᔦᐠ; ᒋᐢᐟ ᑳ ᐅᔭᓱᐁᐧᐟ ᐃᐢᑳᐧᑌᒥᕽ ᓂᐸᐃᐧᐤ.
[10] ᐅᑎᓂᑯᐠ ᓂᒋᐋᐧᒥᑎᐠ ᑭᑕ ᑭᐢᑭᓇᐋᐧᐸᒫᔦᑯᐠ ᑯᑕᑭᑖᐃᐧᓂᕽ ᒥᓇ ᓯᐯᔨᑕᒧᐃᐧᓂᕽ, ᐅᑭᐢᑭᐁᐧᐦᐃᑫᐊᐧᐠ ᑳ ᑭ ᐱᑭᐢᑫᐧᒋᐠ ᐅ ᐃᐧᔪᐃᐧᓂᔨᕽ ᑳ ᑎᐯᔨᐦᒋᑫᔨᐟ.
[11] ᒋᐢᐟ ᓴᐁᐧᔨᑖᑯᓯᐊᐧᐠ ᑭᐟ ᐃᑖᓇᐊᐧᐠ ᐊᓂᑭ ᑳ ᓯᐯᔨᑕᐦᑭᐠ; ᑭ ᑭ ᐯᐦᑌᓈᐋᐧᐤ ᐁ ᐋᑐᑖᑲᐧᓂᔨᐠ ᐅ ᓯᐯᔨᑕᒧᐃᐧᐣ ᒍᑊ ᒥᓇ ᑭ ᑭ ᐋᐧᐸᑌᓈᐋᐧᐤ ᑳ ᐃᓯ ᑭᓯᒋᑫᐟ ᑳ ᑎᐯᔨᐦᒋᑫᐟ, ᐁ ᐃᓯ ᒧᐢᑭᓀᐢᑳᑯᐟ ᑳ ᑎᐯᔨᐦᒋᑫᐟ ᑭᑎᒫᑭᓈᑫᐃᐧᐣ ᒥᓇ ᑭᓭᐋᐧᑎᓯᐃᐧᐣ.
[12] ᒫᑲ ᑕᑯᐦᐨ ᑲᐦᑭᔭᐤ ᓂᒋᐋᐧᒥᑎᐠ, ᐁᑳᐃᐧᔭ ᑭᐦᒋ ᐃᑌᐧᐠ, ᐁᑳᐃᐧᔭ ᑭᐦᒋ ᑭᓯᐠ ᐊᐢᐱᒧᐠ ᐊᐦᐳ ᐊᐢᑭ ᐊᐦᐳ ᓈᐣᑕᐤ ᑯᑕᐠ ᑭᐦᒋ ᐃᑌᐧᐃᐧᐣ; ᒫᑲ ᐁ ᓇᐢᑯᒧᔦᐠ ᐁᐦᐁ ᐃᑌᐧᐠ, ᒥᓇ ᐁ ᐋᓀᐧᑕᒣᐠ ᓇᒪᐃᐧᔭ ᐃᑌᐧᐠ, ᐁᑳ ᑭᑕ ᐸᐦᑭᓯᓂᔦᐠ ᑭᑕ ᐹᑕᑯᐢᑳᑯᔦᐠ ᐅᔭᓱᐁᐧᐃᐧᐣ.
[13] ᐊᐃᐧᔭᐠ ᒋ ᑭᔭᐋᐧᐤ ᑯᑕᑭᑖᐤ? ᑭᔮᑦ ᑭᑕ ᐊᔭᒥᐦᐋᐤ. ᐊᐃᐧᔭᐠ ᒋ ᒥᔦᐧᔨᑕᑦ? ᑭᔮᑦ ᑭᑕ ᓂᑲᒧ ᒪᒥᒋᒥᐁᐧᐃᐧᐣ.
[14] ᐊᐃᐧᔭᐠ ᒋ ᑭᔭᐋᐧᐤ ᐋᑯᓯᐤ? ᑭᔮᑦ ᑭᑕ ᓇᑐᒣᐤ ᑳ ᓂᑳᓀᔨᑖᑯᓯᔨᐟ ᐊᔭᒥᐦᐋᐃᐧᓂᕽ; ᐁᑯᓯ ᑭᑕ ᐊᔭᒥ ᐁᐢᑕᒫᐠ, ᐁ ᑐᒥᓂᑯᐟ ᐱᒥ ᐅᐦᒋ ᐅ ᐃᐧᔪᐃᐧᓂᔨᕽ ᑳ ᑎᐯᔨᐦᒋᑫᔨᐟ;
[15] ᐁᑯᓯ ᑖᐯᐧᔦᔨᑕᒧᐃᐧ ᐊᔭᒥᐦᐋᐃᐧᐣ ᑭᑕ ᐃᔨᓂᑲᐃᐠ ᐊᓇ ᑳ ᐋᑯᓯᐟ, ᒥᓇ ᑳ ᑎᐯᔨᐦᒋᑫᔨᐟ ᑭᑕ ᐊᐧᓂᐢᑳᓂᐠ; ᐁᑯᓯ ᑳ ᐃᑐᑕᒧᑫᐧ ᒪᒋᑎᐃᐧᓇ ᑭᑕ ᐳᓀᔨᑕᒪᐋᐧᐤ.
[16] ᐋᒋᒧᐢᑖᑐᐠ ᒫᑲ ᑭ ᒪᒋᑎᐃᐧᓂᐋᐧᐊᐧ ᒥᓇ ᐊᔭᒥᐦᐁᐢᑕᒫᑐᐠ, ᑭᑕ ᐃᔨᓂᑲᐃᑲᐃᐧᔦᐠ. ᐅ ᒪᐃᐧᒧᐢᒋᑫᐃᐧᐣ ᑳ ᑲᐧᔭᐢᑭᑖᑎᓯᐟ ᐊᔨᓯᔨᓂᐤ ᒥᐢᑕᐦᐃ ᒪᐢᑲᐃᐧᓯᒪᑲᐣ ᐁ ᐃᓯ ᐊᑐᐢᑫᒪᑲᕽ.
[17] ᐃᓬᐊᐃᒐ ᑭ ᐊᔨᓯᔨᓂᐃᐧᐤ ᐁ ᐃᓯᐃᑯᐃᐧᓯᐟ ᑖᐱᐢᑯᐨ ᑭᔮᓇᐤ, ᐁᑯᓯ ᓱᑭ ᑭ ᐊᔭᒥᐦᐋᐤ ᐁᑳ ᑭᑕ ᑭᒥᐊᐧᓂᔨᐠ; ᓇᒪᐃᐧᔭ ᒫᑲ ᑭᒥᐊᐧᐣ ᐊᐢᑭᕽ ᓂᐢᑐ ᐊᐢᑭ ᒥᓇ ᓂᑯᑖᐧᓱ ᐱᓯᑦ ᐃᔨᑯᕽ.
[18] ᒥᓇ ᒫᑲ ᑭ ᐊᔭᒥᐦᐋᐤ; ᐁᑯᓯ ᑭᓯᐠ ᑭ ᒣᑭᒪᑲᐣ ᑭᒥᐊᐧᐣ ᒥᓇ ᐊᐢᑭ ᑭ ᐅᐱᑭᒋᑫᒪᑲᐣ.
[19] ᓂᒋᐋᐧᒥᑎᐠ ᑭᐢᐱᐣ ᐊᐃᐧᔭᐠ ᑭᔭᐋᐧᐤ ᐸᐢᑫᒋ ᑖᐯᐧᐃᐧᓂᕽ ᐅᐦᒋ ᐁᑯᓯ ᐯᔭᐠ ᑫᐧᐢᑭᓂᑯᒋ;
[20] ᑭᔮᑦ ᑭᑕ ᑭᐢᑫᔨᑕᑦ, ᐊᓇ ᑳ ᑫᐧᐢᑭᓈᐟ ᐅᒪᒋᐃᑎᐊᐧ ᐁ ᐃᓯ ᐊᐧᓂᒥᑎᒣᔨᐟ ᐅᐦᒋ ᑭᑕ ᐱᒫᒋᐦᐁᐤ ᐊᐦᒑᐦᑲᐧ ᓂᐳᐃᐧᓂᕽ ᐅᐦᒋ, ᒥᓇ ᑭᑕ ᐊᑲᐧᓇᐦᐊᑦ ᐁ ᐅᓵᒣᔭᑎᓂᔨᑭ ᒪᒋᑎᐃᐧᓇ.