[1] ᐱᑕᕒ ᐅᐟ ᐊᐹᐢᑎᓬᐃᒪ ᒋᓴᐢ ᙭ ᐁ ᒪᓯᓇᐦᐊᒪᐋᐧᐟ ᑳ ᓇᐊᐧᓱᓂᐦᒋᐠ ᐸᐹᒥ ᑳ ᐊᔮᒋᐠ ᐹᐣᑕᐢ, ᑲᓬᐁᓯᔭ, ᑳᐸᑖᓯᔭ, ᐁᓯᔭ, ᒥᓇ ᐱᑎᓂᔭ ᐊᐢᑭᕽ,
[2] ᐁ ᑭ ᐃᓯ ᓂᔮᐠ ᑭᐢᑫᔨᑕᕽ ᑭᓭᒪᓂᑐ ᐁᐧᔪᑖᐃᐧᕽ, ᐅ ᑲᓈᒋᐃᐁᐧᐃᐧᓂᕽ ᐊhᒑᕽ, ᓇᓇᐃᑕᒧᐃᐧᓂᕽ ᐃᓯ ᒥᓇ ᐹᐸᑭᑲᐃᐧᓇᒫᑯᐃᐧᐣ ᐅ ᒥᐦᑯ ᒋᓴᐢ ᙭; ᑭᓭᐋᐧᑐᑖᑯᐃᐧᐣ ᒥᓇ ᐯᔭᑕᑫᔨᒧᐃᐧᐣ ᑭ ᑲ ᐃᐧ ᔭᑭᑕᒫᑲᐃᐧᓈᐋᐧᐤ.
[3] ᑭᑕ ᐃᐧ ᒥᔪᑭᓵᐧᑖᐤ ᐅ ᑭᓭᒪᓂᑐᒪ ᒥᓇ ᐅᑖᐃᐧᔭ ᑳ ᑎᐯᔨᒥᑯᔭᕽ ᒋᓴᐢ ᙭ ᐊᓇ ᐁ ᐃᑕᐢᑌᔨᐠ ᐅ ᑭᐦᒋ ᑭᓭᐋᐧᑎᓯᐃᐧᐣ ᑳ ᑭ ᓂᐦᑖᐃᐧᑭᐃᑯᔭᕽ ᒥᓇ ᐱᒫᑎᓯᐃᐧᓂ ᐊᐢᐯᔨᒧᐃᐧᓂᕽ ᐅᐟ ᐋᐱᓯᓯᓄᐃᐧᐣ ᐅᐦᒋ ᒋᓴᐢ ᙭ ᓂᐳᐃᐧᓂᕽ ᐅᐦᒋ,
[4] ᑭᑕ ᐊᔮᔭᕽ ᑎᐱᔭᐁᐧᐃᐧᓯᐃᐧᐣ ᐁᑳ ᑳ ᓂᓯᐊᐧᓈᑕᕽ ᒥᓇ ᐁᑳ ᑳ ᐃᐧᔨᐱᑖᕽ ᑳ ᑲᓇᐁᐧᔨᑕᒫᑲᐃᐧᔦᐠ ᑭᐦᒋ ᑭᓯᑯᕽ,
[5] ᑭᔭᐋᐧᐤ ᐅ ᒪᐢᑲᐃᐧᓯᐃᐧᐣ ᑭᓭᒪᓂᑐ ᑳ ᑲᓇᐁᐧᔨᒥᑯᔦᐠ ᑖᐯᐧᔦᔨᑕᒧᐃᐧᐣ ᐅᐦᒋ ᑭᑕ ᐅᑎᑕᒣᐠ ᐱᒫᒋᐦᐅᐃᐧᐣ ᑳ ᑲᐧᔮᑕᕽ ᑭᑕ ᓄᑯᑖᕽ ᐃᐢᑳᐧᔮᐨ ᐊᑎ.
[6] ᐃᑕ ᒥᐢᑕᐦᐃ ᑳ ᒪᒪᐦᑖᑯᓯᔦᐠ, ᐋᑕ ᐊᓄᐦᐨ ᐃᐧᔭ ᐊᒋᔭᐤ ᑭᐢᐱᐣ ᐃᓯ ᓇᑕᐁᐧᔨᑖᑲᐧᑭ, ᑭ ᑭ ᒥᑯᐢᑳᑌᔨᑕᒥᐃᑯᓈᐋᐧᐤ ᓇᓈᑐᕽ ᑯᑌᔨᒥᑯᐃᐧᓇ,
[7] ᐁ ᑫᒋᓈᑖᕽ ᑭ ᑖᐯᐧᔦᔨᑕᒧᐃᐧᓂᐋᐧᐤ ᐊᐊᐧᓯᒣ ᐁ ᑭᐢᑕᑭᑌᐠ ᐃᔨᑯᕽ ᓱᓂᔮᐤ ᑳ ᓂᓯᐊᐧᓈᑎᓯᐟ ᐋᑕ ᐁ ᑫᒋᓇᐃᐦᐟ ᐃᐢᑯᑌᐤ ᐅᐦᒋ, ᑭᑕ ᑭ ᐅᐦᒋ ᒥᐢᑲᒥᕽ ᒪᒥᒋᒥᑯᐃᐧᐣ ᒥᓇ ᑭᐢᑌᔨᑖᑯᓯᐃᐧᐣ ᒥᓇ ᑭᒑᔨᐃᐧᐃᐧᐣ ᐃᐢᐱ ᓄᑯᓯᒋ ᒋᓴᐢ ᙭;
[8] ᐊᓇ ᐁᑳ ᐁ ᑭ ᐅᐦᒋ ᐋᐧᐸᒫᔦᐠ ᑳ ᓵᑭᐋᔦᐠ; ᐊᓇ ᐁ ᐋᑖ ᐁᑳ ᐊᓄᐦᐨ ᐋᐧᐸᒫᔦᐠ, ᐁᔨᐁᐧᕽ ᐁ ᑖᐯᐧᑕᐋᐧᔦᐠ, ᒥᐢᑕᐦᐃ ᑭ ᒪᒪᐦᑖᑯᓯᓈᐋᐧᐤ ᐁᑳ ᑭᑕ ᑭ ᑌᐱ ᐃᐧᒋᑳᑌᐠ ᐃᔨᑯᕽ ᒪᒪᐦᑖᑯᓯᐃᐧᐣ ᒥᓇ ᐁ ᒧᐢᑭᓀᐠ ᑭᐢᑌᔨᑖᑯᓯᐃᐧᐣ;
[9] ᐁ ᒥᔨᑲᐃᐧᔦᐠ ᐊᓂᒪ ᑳ ᐅᐦᒋ ᑖᐯᐧᑕᒣᐠ, ᐅ ᐱᒫᒋᐃᑯᐃᐧᓂᐋᐧᐤ ᑭᐟ ᐊᐦᒑᐦᑯᐋᐧᐊᐧᐠ.
[10] ᐊᓂᒪ ᐱᒫᒋᐦᐃᐁᐧᐃᐧᐣ ᐅᑭᐢᑭᐁᐧᐦᐃᑫᐊᐧᐠ ᑳ ᑭ ᓇᑐᓇᑭ ᒥᓇ ᑳ ᑭ ᐋᑲᒥ ᓇᑐᓂᑫᒋᐠ ᑳ ᑭ ᑭᐢᑭᐁᐧᐊᑭᐠ ᐊᓂᒪ ᓂᓱᑲᒫᑫᐃᐧᐣ ᑭᑕ ᐅᑎᐦᑎᑯᔦᐠ;
[11] ᐁ ᓇᑐᓂᑫᒋᐠ ᑖᓂᐢᐱ ᐊᐦᐳ ᑖᓂᓯ ᐁ ᐃᑭᓂᔨᐠ ᐃᔨᑯᕽ ᐅᐟ ᐊᐦᒑᐦᑯᔨᐊᐧ ᙭ ᑳ ᑭᑭᐢᑳᑯᒋᐠ ᑳ ᐋᑐᑕᒥᔨᐟ, ᐃᐢᐱ ᐁ ᐋᑐᑕᒥᔨᐟ ᓂᔮᐠ ᐅ ᑲᑳᐧᑕᑭᑖᐃᐧᓇ ᙭ ᒥᓇ ᐊᓂᐦᐃ ᑭᐢᑌᔨᑖᑯᓯᐃᐧᓇ ᓈᐊᐧᐩ ᑫ ᐊᔮᑭ.
[12] ᐁᐊᐧᑯᓂᐠ ᑳ ᑭ ᓄᑯᑖᐧᒋᐠ, ᐁᑳ ᐃᐧᔭᐋᐧᐤ ᑫᐦᒋᐋᐧᐠ ᒫᑲ ᑭᔭᐋᐧᐤ ᑳ ᐸᒥᑖᐧᑯᔦᑯᐠ ᐅᐦᐃ ᐁᑲᐧ ᑳ ᑭ ᐃᐧᐦᑕᒫᑯᔦᑯᐠ ᐊᓂᑭ ᑳ ᑭ ᑲᑫᐢᑭᒥᑯᔦᑯᐠ ᒥᔮᐧᒋᒧᐃᐧᐣ, ᑳ ᑲᓈᑎᓯᐟ ᐊᐦᒑᕽ ᐅᐦᒋ ᑭᐦᒋ ᑭᓯᑯᕽ ᑳ ᑭ ᐯ ᐅᐦᒋ ᐃᓯᑎᓴᐅᐦᐟ; ᐁᐊᐧᑯᓂ ᐅᑭᓯᑯᐊᐧᐠ ᑳ ᓄᐦᑌ ᑲᓇᐋᐧᐸᐦᑕᑭᐠ.
[13] ᐁᐊᐧᑯ ᐅᐦᒋ ᒫᑲ ᐸᑲᐧᑌᐦᐅᐠ ᑭ ᒥᑐᓀᔨᒋᑲᓂᐋᐧᕽ, ᐊᔮᑳᐧᒥᓯᐠ ᒥᓇ ᒥᑐᓂ ᐃᑕᐢᑖᐧᐠ ᑭᑕ ᐊᐢᐯᔨᒧᑐᑕᒣᐠ ᐊᓂᒪ ᑭᓭᐋᐧᑎᓯᐃᐧᐣ ᑫ ᐯᑕᒫᑲᐃᐧᔦᐠ ᐃᐢᐱ ᓄᑯᓯᒋ ᒋᓴᐢ ᙭;
[14] ᑖᐱᐢᑯᐨ ᐁ ᓇᓇᐦᐃᐦᑕᐦᑭᐠ ᐊᐊᐧᓯᓴᐠ ᐁᑳ ᐁ ᐃᓯᓈᑯᐃᓱᔦᐠ ᑖᐱᐢᑯᐨ ᑲᔮᐢ ᑳ ᑭ ᐃᓯ ᒪᒋ ᒧᐢᑕᐁᐧᔨᑕᒣᐠ ᐁ ᒣᑳᐧ ᑲᑫᐹᑎᓯᔦᐠ;
[15] ᒫᑲ ᑳ ᐃᓯ ᑲᓈᑎᓯᐟ ᐊᓇ ᑳ ᑭ ᓇᑐᒥᑯᔦᐠ ᐁᑯᓯ ᑭᐢᑕᐋᐧᐤ ᐃᓯ ᑲᓈᑎᓯᐠ ᒥᓯᐁᐧ ᐁ ᐃᓯ ᐱᒫᑎᓯᔦᐠ;
[16] ᒋᑫᒫ ᐃᑕᓯᓇᐦᐃᑳᑌᐤ, ᑭ ᑲ ᐃᐧ ᑲᓈᑎᓯᓈᐋᐧᐤ ᒋᑫᒫ ᓂ ᑲᓈᑎᓯᐣ ᓂᔭ.
[17] ᑭᐢᐱᐣ ᒫᑲ ᑭ ᒪᐃᐧᒧᐢᑕᐋᐧᐋᐧᐤ ᑖᐱᐢᑯᐨ ᐁ ᐅᔪᑖᐃᐧᔦᐠ ᐊᓇ ᐁᑳ ᐁ ᑲᑫᑭᓈᐟ ᐊᔨᓯᔨᓂᐊᐧ ᑳ ᐅᔭᓱᐁᐧᐟ ᐁ ᐃᓯᓈᑲᐧᓂᔨᐠ ᑲᐦᑭᔭᐤ ᐊᔨᓯᔨᓂᐤ ᐅᐟ ᐊᑐᐢᑫᐃᐧᐣ, ᐊᐢᑖᓯᐠ ᐅᑕ ᐃᐢᑯ ᐁ ᐊᔮᔦᐠ;
[18] ᐁ ᑭᐢᑫᔨᑕᒣᐠ ᐁ ᑭ ᑭᐢᐱᓇᑎᑲᐃᐧᔦᐠ ᓇᒪᐃᐧᔭ ᑳ ᓂᓯᐊᐧᓈᑕᑭ ᑫᑲᐧᔭ ᐁ ᐋᐸᑕᑭ, ᐋᐧᐱᐢᑭ ᓱᓂᔮᐋᐧᐱᐢᐠ ᐊᐦᐳ ᐅᓵᐃᐧ ᓱᓂᔮᐋᐧᐱᐢᐠ, ᐱᑯᓇᑕ ᑳ ᑭ ᐯ ᐃᓯ ᐱᒫᑎᓯᔦᐠ ᐋᓂᐢᑫᑯᑖᐃᐧᐋᐧᐊᐧᐠ ᐅᐦᒋ;
[19] ᒫᑲ ᐁ ᑭᐢᑕᑭᑌᐠ ᒥᐦᑯ ᐅᐦᒋ, ᑖᐱᐢᑯᐨ ᒫᔭᑎᐦᑯᐢ ᐁᑳ ᐁ ᒫᔨ ᐊᔮᐟ ᒥᓇ ᐁᑳ ᐁ ᒪᓯᓈᓱᐟ, ᙭ ᐅᑎ ᐅ ᒥᐦᑯ;
[20] ᓂᔮᐠ ᑖᐯᐧ ᑳ ᑭ ᑭᐢᑫᔨᒥᐦᐟ ᒪᐧᔦᐢ ᐅᔭᐢᑌᐠ ᐅᒪ ᐊᐢᑭ ᒫᑲ ᑳ ᑭ ᓄᑯᓯᐟ ᐁ ᑭᓯᐱᐸᔨᐠ ᐃᔨᑯᕽ ᑭᔭᐋᐧᐤ ᐅᐦᒋ,
[21] ᐁᐊᐧᑯ ᑳ ᐅᐦᒋ ᑖᐯᐧᑕᐋᐧᔦᐠ ᑭᓭᒪᓂᑐ ᑳ ᑭ ᐊᐧᓇᐢᑳᓈᐟ ᓂᐳᐃᐧᓂᕽ ᐅᐦᒋ ᒥᓇ ᑳ ᑭ ᒥᔮᐟ ᑭᐢᑌᔨᑖᑯᓯᐃᐧᐣ; ᐁᑯᓯ ᑭ ᑖᐯᐧᔦᔨᑕᒧᐃᐧᓂᐋᐧᐤ ᒥᓇ ᑭᐟ ᐊᐢᐯᔨᒧᐃᐧᓂᐋᐧᐤ ᑭᓭᒪᓂᑐᕽ ᑭᑕ ᐊᔮᐠ.
[22] ᐃᐧᔭ ᐁ ᑭ ᐯᑭᐋᔦᑳᐧᐤ ᑭᐟ ᐊᐦᒑᐦᑯᐋᐧᐊᐧᐠ ᐁ ᓇᓇᐃᑕᒣᐠ ᑖᐯᐧᐃᐧᐣ ᐁᑳ ᑭᑕ ᑲᔦᓴᕽ ᐁ ᐃᓯ ᓵᑭᐋᔦᑯᐠ ᐅᒋᐋᐧᒥᒫᐊᐧᐠ, ᒥᑐᓂ ᓵᑭᐦᐃᑐᐠ ᒥᑌᐃᕽ ᐅᐦᒋ;
[23] ᐁ ᑭ ᑭᑖᐧᒥ ᓂᐦᑖᐃᐧᑭᐃᑲᐃᐧᔦᐠ ᓇᒪᐃᐧᔭ ᑳ ᓂᓯᐊᐧᓈᑕᕽ ᑭᐢᑎᑳᐣ ᐅᐦᒋ ᒫᑲ ᐁᑳ ᑳ ᓂᓯᐊᐧᓈᑕᕽ ᑭᓭᒪᓂᑐ ᐅᐟ ᐃᑌᐧᐃᐧᐣ ᐅᐦᒋ ᑳ ᐱᒫᑎᓯᒪᑲᕽ ᒥᓇ ᑳ ᐊᔮᐠ.
[24] ᐃᐧᔭ, ᑲᐦᑭᔭᐤ ᐃᐧᔮᐢ ᑖᐱᐢᑯᐨ ᒪᐢᑯᓯᔭ, ᒥᓇ ᑲᐦᑭᔭᐤ ᐁ ᐃᓯ ᑭᐢᑌᔨᑖᑲᐧᕽ ᐁᐊᐧᑯ ᑖᐱᐢᑯᐨ ᐁ ᐋᐧᐱᑲᐧᓂᐊᐧᕽ ᒪᐢᑯᓯ. ᒪᐢᑯᓯ ᓂᐳᒪᑲᐣ ᒥᓇ ᐁ ᐋᐧᐱᑲᐧᓂᐊᐧᕽ ᐸᑭᐦᑎᐣ;
[25] ᒫᑲ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᑳᑭᑫ ᐊᔮᔨᐤ. ᐁᐊᐧᑯ ᒫᑲ ᐅᒪ ᐃᑌᐧᐃᐧᐣ ᒥᔮᐧᒋᒧᐃᐧᐣ ᑳ ᑭ ᑳᑫᐢᑭᒥᑲᐃᐧᔦᐠ.