<1 Thessalonians ᓂᐢᑕᑦ ᑌᓴᓬᐋᓂᔭᓇ 1

[1] ᐹᓬ, ᒥᓇ ᓯᓬᐯᓇᐢ, ᒥᓇ ᑎᒪᑎ, ᐁ ᒪᓯᓇᐦᐊᒪᐋᐧᒋᐠ ᑌᓴᓬᐋᓂᔭᓇ ᐅᑕᔭᒥᐦᐋᐊᐧᐠ ᑭᓭᒪᓂᑐ ᐃᓯ ᐁᐧᔪᑖᐃᐧᕽ ᒥᓇ ᑳ ᑎᐯᔨᐦᒋᑫᐟ ᒋᓴᐢ ᙭: ᑭᓭᐋᐧᑐᑖᑯᐃᐧᐣ ᒥᓇ ᐯᔭᑕᑫᔨᒧᐃᐧᐣ ᑭ ᑲ ᐃᐧ ᐊᔮᓈᐋᐧᐤ.

[2] ᒧᓴᐠ ᓂ ᓇᓈᐢᑯᒫᓈᐣ ᑭᓭᒪᓂᑐ ᑲᐦᑭᔭᐤ ᑭᔭᐋᐧᐤ ᐅᐦᒋ, ᐁ ᒫᒥᐢᑯᒥᑖᕽ ᓂᐟ ᐊᔭᒥᐦᐋᐃᐧᓂᓈᕽ;

[3] ᐁᑳ ᐁ ᐳᓂ ᑭᐢᑭᓯᑐᑕᒫᕽ ᑳ ᐃᓯᐦᒋᑫᔦᐠ ᑖᐯᐧᔦᔨᑕᒧᐃᐧᐣ ᐅᐦᒋ ᒥᓇ ᑳ ᐊᑐᐢᑫᔦᐠ ᓵᑭᐦᐃᐁᐧᐃᐧᐣ ᐅᐦᒋ ᒥᓇ ᑳ ᓯᐯᔨᑕᒣᐠ ᐁ ᐊᐢᐯᔨᒧᔦᐠ ᑳ ᑎᐯᔨᒥᑯᔭᕽ ᒋᓴᐢ ᙭, ᐁ ᐃᓯ ᐋᐧᐸᒥᑯᔦᐠ ᑭ ᑭᓭᒪᓂᑐᒥᓇᐤ ᒥᓇ ᑯᑖᐃᐧᓇᐤ;

[4] ᐁ ᑭᐢᑫᔨᑕᒫᕽ, ᓂᒋᐋᐧᒥᑎᐠ ᑳ ᓵᑭᐦᐃᑯᔦᐠ ᑭᓭᒪᓂᑐ, ᑭ ᐊᐧᐁᐧᔦᔨᒥᑯᐃᐧᓂᐋᐧᐤ,

[5] ᑳ ᑭ ᐃᓯ ᐅᑎᐦᑎᑯᔦᐠ ᓂ ᒥᔮᐧᒋᒧᐃᐧᓂᓈᐣ ᓇᒪᐃᐧᔭ ᐱᑯ ᐃᑌᐧᐃᐧᓂᕽ, ᒫᑲ ᒥᓇ ᒪᐢᑲᐃᐧᓯᐃᐧᓂᕽ, ᒥᓇ ᑳ ᑲᓈᑎᓯᐟ ᐊᐦᒑᕽ, ᒥᓇ ᒥᐢᑕᐦᐃ ᑫᒋᓈᐅᐃᐧᓂᕽ; ᑳ ᐃᓯ ᑭᐢᑫᔨᑕᒣᐠ ᑖᓂᓯ ᐁ ᑭ ᐃᓯ ᐊᔨᓯᔨᓂᐃᐧᔮᕽ ᐃᑕ ᑳ ᐊᔮᔦᐠ ᑭᔭᐋᐧᐤ ᐅᐦᒋ.

[6] ᐁᑯᓯ ᑭ ᑭ ᑭᐢᑭᓇᐋᐧᐸᒥᓈᐣ ᓂᔭᓈᐣ, ᒥᓇ ᑳ ᑎᐯᔨᐦᒋᑫᐟ, ᒥᐢᑕᐦᐃ ᐋᔨᒥᓯᐃᐧᓂᕽ ᐁ ᑭ ᐅᑎᓇᒣᐠ ᐃᑌᐧᐃᐧᐣ, ᑭᑭ ᐅ ᒪᒪᐦᑖᑯᐃᐁᐧᐃᐧᐣ ᑳ ᑲᓈᑎᓯᐟ ᐊᐦᒑᕽ;

[7] ᐁᑯᓯ ᑭ ᑭ ᑭᐢᑭᓇᐋᐧᐸᐦᑕᐋᐋᐧᐊᐧᐠ ᑲᐦᑭᔭᐤ ᑳ ᑖᐯᐧᑕᐦᑭᐠ ᒫᓯᑖᓂᔭᐃᕽ ᒥᓇ ᐋᑫᔭᐃᕽ.

[8] ᒋᑫᒫ ᑭᔭᐋᐧᐤ ᐅᐦᒋ ᑳ ᑭ ᐯᑖᑲᐧᓂᔨᐠ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ, ᓇᒪᐃᐧᔭ ᐱᑯ ᒫᓯᑖᓂᔭᐃᕽ ᒥᓇ ᐋᑫᔭᐃᕽ, ᒫᑲ ᒥᓯᐁᐧ ᐃᑕ ᑭ ᑖᐯᐧᔦᔨᑕᒧᐃᐧᓂᐋᐧᐤ ᑭᓭᒪᓂᑐᕽ ᐃᓯ ᓯᐯᐧ ᐯᐦᑖᑲᐧᐣ; ᐁᑯᓯ ᓇᒪᐃᐧᔭ ᑲᑖᐨ ᐁᐊᐧᑯ ᑭᑕ ᑕᓯᑕᒫᕽ.

[9] ᐊᔨᐢ ᐃᐧᔭᐋᐧᐤ ᑫᐦᒋᐋᐧᐠ ᓂᐟ ᐋᒋᒥᑯᓈᓇᐠ ᑳ ᑭ ᐃᓯ ᐱᑐᑳᑖᕽ; ᐁᑯᓯ ᑳ ᑭ ᐃᓯ ᑫᐧᐢᑭᐢᑕᐋᐧᔦᐠ ᑭᓭᒪᓂᑐ ᐁ ᐳᓂᐋᔦᑯᐠ ᒪᓂᑐᑳᓇᐠ, ᑭᑕ ᐊᑐᐢᑲᐋᐧᔦᐠ ᑳ ᐱᒫᑎᓯᐟ ᒥᓇ ᑖᐯᐧ ᑳ ᑭᓭᒪᓂᑐᐃᐧᐟ,

[10] ᒥᓇ ᑭᑕ ᐯᐃᒫᔦᐠ ᐅᑯᓯᓴ ᑭᐦᒋᑭᓯᑯᕽ ᐅᐦᒋ, ᐊᓂᐦᐃ ᑳ ᑭ ᐊᐧᓂᐢᑳᓈᐟ ᓂᐳᐃᐧᓂᕽ ᐅᐦᒋ, ᒋᓴᓴ ᐅᑎ, ᐊᓇ ᑳ ᐸᐢᐱᐃᑯᔭᕽ ᐁᑳ ᑭᑕ ᐸᑲᒥᐢᑲᑯᔭᕽ ᑭᓯᐋᐧᓯᐃᐧᐣ ᓂᑳᐣ ᑳ ᐊᔮᐠ.