[1] ᐅᑭᒫᑎᐠ, ᒥᔨᑯᐠ ᑭᐟ ᐊᑐᐢᑫᔮᑲᓂᐋᐧᐊᐧᐠ ᐊᓂᒪ ᑳ ᑲᐧᔭᐢᑲᐧᕽ ᒥᓇ ᑳ ᓇᐃᓈᑲᐧᕽ; ᐁ ᑭᐢᑫᔨᑕᒣᐠ ᑭᐢᑕᐋᐧᐤ ᐁ ᐅᐟ ᐅᑭᒫᒥᔦᐠ ᑭᐦᒋ ᑭᓯᑯᕽ.
[2] ᑖᐱᑕᐃᐧ ᐊᔭᒥᐦᐋᐠ, ᒥᓇ ᐁᑯᓯ ᐃᓯ ᐊᓴᐋᐧᐱᐠ ᓇᓈᐢᑯᒧᐊᐧᑫᔨᑕᒧᐃᐧᓂᕽ;
[3] ᓂᔭᓈᐣ ᒥᓇ ᐁ ᐊᔭᒥᐦᐁᐢᑕᒪᐃᐧᔮᕽ, ᑭᓭᒪᓂᑐ ᑭᑕ ᔪᑌᓇᒫᑯᔮᕽ ᐃᐢᑳᐧᑌᑦ ᑭᑕ ᐱᐦᑐᑫᒪᑲᕽ ᐃᑌᐧᐃᐧᐣ, ᑭᑕ ᐃᐧᐦᑕᒫᐣ ᐅ ᒪᒫᑖᐃᐧ ᐊᔮᐃᐧᐣ ᙭, ᐁᐊᐧᑯ ᒥᓇ ᑳ ᐅᐦᒋ ᒪᒫᒋᑲᐧᐱᑎᑲᐃᐧᔮᐣ;
[4] ᑭᑕ ᑭ ᑭᐢᑫᔨᑖᑯᑖᔮᐣ, ᐊᓂᒪ ᐁ ᐃᑕᐢᑌᐠ ᑭᑕ ᐃᓯ ᐱᑭᐢᑫᐧᔮᐣ.
[5] ᐃᔨᓂᓯᐃᐧᓂᕽ ᐃᓯ ᐱᒧᐦᑌᐠ ᐁ ᐃᓯ ᐋᐧᐸᒥᑯᔦᑯᐠ ᐊᓂᑭ ᐊᐧᔭᐃᐧᑎᒫᔨᕽ ᑳ ᐊᔮᒋᐠ, ᐁ ᒪᓈ ᐊᐧᓂᒋᑫᔦᐠ ᐃᑕ ᓀᐃᐸᔨᑭ.
[6] ᑭᔮᑦ ᑭ ᐱᑭᐢᑫᐧᐃᐧᓂᐋᐧᐤ ᑳᑭᑫ ᑭᑕ ᑭᑭᐸᔨᐤ ᑭᓭᐋᐧᑎᓯᐃᐧᐣ, ᐁ ᓯᐃᐧᑖᑲᓂᑳᒋᑳᑌᐠ, ᑭᑕ ᑭᐢᑫᔨᑕᒣᐠ ᑭᑕ ᐃᓯ ᓇᐢᑫᐧᐊᐧᓯᒣᐠ ᑲᐦᑭᔭᐤ ᐊᐃᐧᔭᐠ.
[7] ᑲᐦᑭᔭᐤ ᐁ ᐃᓯ ᐊᔮᔮᐣ ᑎᑭᑲᐢ ᑭ ᑲ ᑭᐢᑫᔨᑕᒧᐃᑯᐋᐧᐤ, ᑳ ᓵᑭᐦᐊᐠ ᓂᒋᐋᐧᑦ ᑳ ᐊᔮᑳᐧᒥᓯᐟ ᐅᐸᒥᐢᑖᑫᐤ ᒥᓇ ᓂ ᐃᐧᒋ ᐊᑐᐢᑫᒫᑲᐣ ᑳ ᑎᐯᔨᐦᒋᑫᐟ ᐃᓯ:
[8] ᑳ ᑭ ᐃᓯᑎᓴᐊᒫᑕᑯᐠ ᐁᐊᐧᑯ ᐅᒪ ᐅᐦᒋ, ᑭᑕ ᑭᐢᑫᔨᑕᒣᐠ ᐁ ᐃᓯ ᐊᔮᔮᕽ, ᐁᑯᓯ ᑭᑕ ᒥᔪᑌᐁᐃᑯᔦᐠ;
[9] ᐊᓯᒋ ᐋᓀᓯᒪᐢ, ᑳ ᐊᔮᑳᐧᒥᓯᐟ ᒥᓇ ᑳ ᓵᑭᐦᐊᐠ ᓂᒋᐋᐧᑦ, ᐯᔭᐠ ᑭᔭᐋᐧᐤ ᑭ ᐃᐧᒉᐋᐧᑲᓂᐋᐧᐤ. ᑭ ᑲ ᑭᐢᑫᔨᑕᒧᐃᑯᐋᐧᐊᐧᐠ ᑲᐦᑭᔭᐤ ᑫᑲᐧᐩ ᐅᑕ ᑳ ᐃᑐᒋᑳᑌᐠ.
[10] ᐋᕒᐃᐢᑖᕒᑲᐢ ᓂ ᐃᐧᒋ ᑭᐸᐅᑯᒫᑲᐣ ᑭᐟ ᐊᑕᒥᐢᑳᑯᐋᐧᐤ, ᒥᓇ ᒫᕒᐠ, ᐅᒋᐋᐧᒪ ᐹᕒᓇᐸᐢ (ᐁᐊᐧᑯ ᑳ ᑭ ᐅᐦᒋ ᐃᐧᐦᑕᒫᑲᐃᐧᔦᐠ; ᑭᐢᐱᐣ ᐅᑎᐦᑎᑯᔦᑯ, ᐱᑐᑲᐃᕽ),
[11] ᒥᓇ ᒋᓴᐢ, ᒐᐢᑕᐢ ᑳ ᐃᓯᔨᐦᑳᓱᐟ, ᓴᕒᑲᑦᓴᐃᓯᐃᐧᐃᐧᐣ ᑳ ᐃᐧᒋᐃᐁᐧᒋᐠ: ᐁᐊᐧᑯᓂᐠ ᐅᑭ ᐱᑯ ᓂ ᐃᐧᒋ ᐊᑐᐢᑫᒫᑲᓇᐠ ᑭᓭᒪᓂᑐ ᐅᐟ ᐅᑌᓇᐃᐧᐃᐧᓂᕽ ᐃᓯ, ᐁᐊᐧᑯᓂᐠ ᓈᐯᐊᐧᐠ ᐁ ᓂᐢᑖᓭᔨᒧᔮᐣ.
[12] ᐁᐸᑊᕒᐋᐢ, ᐁᐊᐧᑯ ᐯᔭᐠ ᑭ ᐃᐧᒉᐋᐧᑲᓂᐋᐧᐤ, ᐅᐟ ᐊᑐᐢᑫᔮᑲᓇ ᙭ ᒋᓴᐢ, ᑭᐟ ᐊᑕᒥᐢᑳᑯᐋᐧᐤ, ᑳᑭᑫ ᐁ ᐃᐧᑯᐢᑕᒫᑯᔦᐠ ᐅᐟ ᐊᔭᒥᐦᐋᐃᐧᓂᕽ, ᑭᑕ ᑭ ᓂᐸᐃᐧᔦᐠ ᐁ ᒪᒥᑐᓂᔦᐠ ᒥᓇ ᒥᑐᓂ ᐁ ᑫᒋᓈᐅᔦᐠ ᑲᐦᑭᔭᐤ ᐅᐟ ᐃᑌᔨᑕᒧᐃᐧᓂᕽ ᑭᓭᒪᓂᑐ.
[13] ᒋᑫᒫ ᓂ ᑲ ᑭ ᐋᒋᒫᐤ, ᒥᐢᑕᐦᐃ ᐁ ᐊᔮᐟ ᐊᑐᐢᑫᐃᐧᐣ ᑭᔭᐋᐧᐤ ᐅᐦᒋ, ᒥᓇ ᐊᓂᐦᐃ ᐅᐦᒋ ᓬᐁᐋᑎᓯᔭ ᑳ ᐊᔮᔨᐟ, ᒥᓇ ᐊᓂᐦᐃ ᐋᔨᕒᐋᐸᓬᐃᐢ ᑳ ᐊᔮᔨᐟ.
[14] ᓬᐅᐠ, ᑳ ᓵᑭᐃᐦᐟ ᒪᐢᑭᑭᐃᐧᔨᓂᐤ, ᒥᓇ ᑌᒪᐢ ᑭᐟ ᐊᑕᒥᐢᑳᑯᐋᐧᐊᐧᐠ.
[15] ᐊᑕᒥᐢᑲᑯᐠ ᐅᒋᐋᐧᒥᒫᐊᐧᐠ ᓬᐁᐋᑎᓯᔭᐃᕽ ᑳ ᐊᔮᒋᐠ, ᒥᓇ ᓂᑦᐹᐢ, ᒥᓇ ᐅᑕᔭᒥᐦᐋᐊᐧ ᐃᐧᑭᐋᐧᕽ ᑳ ᐊᔮᔨᐟ.
[16] ᐃᐢᐱ ᒫᑲ ᐅᒪ ᒪᓯᓇᐦᐊᒫᑫᐃᐧᐣ ᑭ ᐊᔭᒥᑖᑭ ᑭᔭᐋᐧᐤ ᐃᑕ ᑳ ᐊᔮᔦᐠ, ᑭᔮᑦ ᑭᑕ ᐊᔭᒥᑖᓂᐊᐧᐣ ᒥᓇ ᐅᐟ ᐊᔭᒥᐦᐁᐃᐧᑲᒥᑯᐋᐧᕽ ᓬᐁᐋᑎᓯᔮᓇᐠ; ᐁᑯᓯ ᑭᐢᑕᐋᐧᐤ ᒥᓇ ᑭᑕ ᐊᔭᒥᑖᔦᐠ ᒪᓯᓇᐦᐊᒫᑫᐃᐧᐣ ᓬᐁᐋᑎᓯᔭ ᐅᐦᒋ.
[17] ᐅᒥᓯ ᒫᑲ ᐃᑎᕽ ᐋᕒᑭᐸᐢ, ᐊᔮᑳᐧᒣᔨᑕ ᐸᒥᐢᑖᑫᐃᐧᐣ ᑳ ᑭ ᒥᔨᑲᐃᐧᔭᐣ ᑳ ᑎᐯᔨᐦᒋᑫᐟ ᐃᓯ, ᑭᑕ ᑎᐱᑐᑕᒪᐣ.
[18] ᓂᐟ ᐊᑕᒥᐢᑳᑫᐃᐧᐣ ᓂᔭ ᐹᓬ ᑫᐦᒋᐋᐧᐠ ᓂᒋᐦᒋ ᐅᐦᒋ. ᐁᑳᐃᐧᔭ ᐊᐧᓂᑭᐢᑭᓯᐠ ᓂ ᒪᒫᒋᑳᐧᐱᑎᑯᐃᐧᓇ. ᑭᓭᐋᐧᑐᑖᑯᐃᐧᐣ ᑭ ᑲ ᐃᐧ ᐃᐧᒉᐃᐧᑯᓈᐋᐧᐤ.